مـــــرحـــــبـــــا بـــــنـــــات
شو رايكم كل وحدة منكم تكتب طريقتها في .... أولا:
كيف تعطرين غرفتج ؟؟ يعني مثلا هل تعطرين الغرفة وبعدين تدخنينها ( تبخرينها ) ؟ ولا تكتفين بالدخون بس ؟؟ و لما تدخنين هل تسكرين المكيف ولا تخلينه شغال ؟؟ وهل تفضلين العطر العربي ولا الفرنسي مع الدخون ؟؟ وشو هي طريقتج في تعطير الفراش بحيث إنها تبقى معطرة لاطول فتره ممكنه ؟؟ وأنا سمعت عن بنات يعطرون الدوشق بالابرة ( طبعا فيها عطر للفراش ) ياليت اللي سوت هالطريقة تفيدنا وتخبرنا العطر كم يوم تم في الفراش ؟؟ ...يعني باختصار يابنات ياليت كل بنت تكتب تجربتها علشان نستفيد من بعض .. سبحان الله يمكن نكتشف فكرة أو طريقة جديدة
ثانياً..
طبعاً الحمام ( عزكم الله ) يعتبر جزء من الغرفة يعني مثل ما نعطر الغرفة لازم نعطر الحمام بعد .. في السوق في وااايد أنواع لمعطرات الحمام .. شو أحسن نوع استعملتيه وكانت ريحته حلوة ؟؟ أو هل عندج أفكار يديدة ؟؟
ثالثاً ..
طبعا معظم الصابون الموجود في السوق معطر .. بس شو أحسن صابون معطر استعملتيه ؟؟ مرات بعض الصوابين تخليج تستغنين عن استعمال المعطر لانه ريحته تكون قوية وتفوح في الحمام كله .. وأنا أقصد هالنوع من الصوابين
عاد سمحولي يا بنات .. عورت روسكم بالاسئلة
.. بس القصد إنه كل وحده تكتب طريقتها بالتفصيل علشان نستفيد من أفكار بعضنا .. وأعتقد إنه هالموضوع يهم كل البنات سواء المتزوجة أو حتى غير المتزوجة بنات ترا هذا اول موضوع أنزله في المنتدى بلييييييز لا تفشلوني
هلا أختى thalia
بالنسبة لى ..أنا مجنونة عطورات ،،،يعنى كل ما أروح السوق و ألقى محل البخور أشترى نوعين أو ثلاثة ..الى أن صار عندى مجموعة كبيرة ..المهم ..طريقتى هى :ما أخلى شىء إلا و أرش عليه العطر (يالله يخلصوون):27:
الفراش والسجاد، ثوب الصلاة،الملابس فى الخزاانة ، فرش الحمام ،الفوط ....كل شىء أمامى .(ساعات أرش على أطفالى إذا صاروا إبوجهى ) :o
بعدين الله يسلمك أحط البخور (أو الدخون) كل ساعة فى مكان ..مرة فى الغرفة ، مرة فى الخزانة و آخر مكان الحمام ...
وأحسن أنواع العطور حق الفرش و الملابس هو ما غلب عليه دهن العود أو دهن الورد ...أما عطورات الفواكه أخليها حق المطبخ .. و ما أدرى إذا كان مسمح لى أن أذكر أسماء المحلات أو لا ؟؟؟؟
المهم إذا تبين إتعرفين راسلينى على الخاص ...
شىء ثانى لتعطير الحمام و هو البخور الهندى .. إلى يكون على شكل عود و يظل يشتعل إلى أن يخلص العود ..أنا عندى على ريحة ورد ..وايد حلوة الريحة ..و مثبتة العود داخل الشمعة المعطرة إللى تكون فى إناء زجاجى صغير..
والصابون المعطر أختاره إما فراولة أو تفاح ..لأنهم بنظرى أحلى شىء...
و طبعا الحمام (عز الله القارىء) ما يخلى من "جليد" معطر الجو ...و أحسن نوع هو الأحمر بو الورد
و ساعات لما آخذ شاور و أستخدم شاور جل معين ..مثل بربريز - اسكادا - هوت كوتور ..الريحة تفوح فى الحمام كله ..ما ودج تطلعين من الحمام ;)
هذا كل شىء على بالى الحين...و إذا فى شىء بعد ..أكتبه إنشاءالله ...
أتمنى أكون قد فدتك ...