كيف تعلمون اطفالكم دخول الحمام؟

الله يحفظ ابنيتك الحلوه
انا عندي طفل الحين امكمل سنتين وصارلي كم شهر اعلمه يروح الحمام

اهم شئ اشتري القيصريه على شكل حلو فيد دباديب او سيارات او او او شو ابنك يحب من الالعاب
انا بديت مع ولدي واشتريت قيصريه على شكل دب يقعد عليه وطلع روحي لين مافهم شو سالفة الدب واول مره ؟؟؟؟؟؟؟؟؟ صفقت حيل بايدي واوريه شو سوا واهو بيموت من الفرحه مستاااااااانس على باله اخترع شئ جديد واول مره عطيته بوسه وحلاوه والحمد لله اهم شئ التشجيع الحين لما نقعد انا وابوه يروح بروحه الحمام ولما يخلص يجينا واهو يصفق ويذكرلنا شو مسوي عاد انا اروح وياه واصفق معاه لين الحمام الحين صار يشيل القيصريه ويرمي ..........في المرحاض والحمد لله
والحين بديت شوي شوي اطلعه بدون حفاظه خارج البيت ولحد الحين ماصرلي مقلب ههههههههههه

انا احس كل ما علمتي الطفل واهو صغير يكون احسن تقدرين تتحكمين فيه
ولدي هذا بالنسبه لاخوانه اهو متاخر والسبب انه عندي نونو صغير

هذه تجربتي :33:

مشكورة أختي بس وش القيصرية ؟


واريد من اخواتي في المنتدى الزيد حول هذا الموضوع.

القيصريه
احنا نقولها جذيه ماادري الظاهر كل بلد والها نطق اخر
اهي المرحاض الصغير الي يقعد فيه الطفل يعني بدل ماترفعيه فوق المرحاض تشتريله القيصريه واهو يكون مرحاض الطفل بس طبعا بدون سيفون ههههههه
ماادري اختي فهمتي علي ولا لا
وان شاء الله اكون افدتك بشئ
والسموحه

شوفى القيصريه او (المبوله) هى مثل المرحاض بس صغييير وبلاستك وارضى يعنى الطفل يقدر يجلس لوحده من غير معاناه وتلقينه فى الصيدليات او محلات الاطفال الكبيره

انا عندى بنوته وحده من صار عمرها سنه و10 اشهور بديت اعلمها طبعااا فى البيت بدون حفاظ وكل نصف ساعه اوديها على القيصريه بس لازم الصبر جلست شهور وهى تقعد فى القيصريه 10 دقايق ولا تسوى شى وبس البسها الله يكرمك تتبول بس لازم اجيها بلين وهداوه واعطيها حلاوه او اي شى تحبه اذا سوت فى الحمام يعنى جلست على هذى الحاله 3 اشهر بعدين بدت تروح الحمام وحدها وتنادى على وهى مبسوطه لانه انجاااااااااااااااااااااز
وبعد الثلاث شهور بديت اطلعها بدون حفاظ وكل ساعه اسال فيه بوله (توتو) >>>مصطلح<<<هههههههههههه
وبعد كذا فى النوم لما صارت سنتين و3 اشهر ماالبسها حفاظ واحاول تقليل السوائل ليلااا ولبست الفراش باالبلاستك وصرت اقومها مرتين فى الليل للحمااااااااااااام<<<<<عذاااااااااااب
بعدين قللت التقويم الى مره
والحين بنتي باقى 2 شهر وتكمل ثلاث اسنين وكل شى تمام

بس جاتها فترت انتكاسه بس ترى عادى شهر ورجعت عدله يمكن حست ان فى نونو جااااى فى الطريق >>>>انا فى التاسع ادعى لى

وابى اقول لك نصييييييييييييييييحه لا تقللي المااااااااااااى عن بنتك وتمنعيها لانى ارتكبت هذا الخطء عشان ماابيها تتبول فى الفراش فى الليل فكنت امنعها من السوائل بعد المغرب فسبب لها ياعمرى التهااااااااااب فى البول (حصاااااار) بس الحمد لله تداركت الوضوع وعالجتها

واى استفسااااار انا حااااااااااااااااضره

مشكورين............