كيف تعلمو اطفالكم عل الحمام ؟؟

الله يخليه لكم مساله وقت تعليم الحمام يعني يمكن تتعبي شوي معاه بس نصيحتي لك اول شي شيلي الحفاظه نهائيا مو لاطلعتو تلبسيه يعنيً حاولي تكوني ببيتك هالفتره وبين فتره وفتره وديه الحمام وشجعيه لو عملها واصبري عليه وان شاء الله فتره وتعدي

الله يجزاك خير

ياليت ردود اكثر تفيدني الله يعطيكم العافيه

انا ولدي قبل كم اسبوع كمل ثلاث سنوات وبدأت اعلمه على الحمام بس بصراحه من قبل لااعلمه كنت كل ماجيت ابدل له الحفاظ كنت اتكلم معاه واقوله خلاص انت كبير انت رجال والرجال مايلبس حفاظ لا يروح للحمام واول يوم من اول ماصحي فسختها ورميتها وجبت له قصريه وحطيتها بالحمام وكل ربع ساعه اجلسه عليها واذا عمل فيها اعطيه شكولاته او شيبس او حتى لعبه جديده صحيح تعب في البدايه بس يبغالها صبر وخليه يلعب بمكان مافيه فراش يعني سيراميك ولدي كان مع اللعب ينسى نفسه ويعملها بملابسه لانه اتلهى باللعب وابدل له وانا متقرفه قدامه عشان مره ثانيه ينتبه
راقبيه ولاتخرجي كثير هالفتره ولو خرجتي لبسيه حفاظ كلوت للاولاد وقولي له لما يبغى حمام يطلب لايعملها في الكلوت والصبر طيب يبغالهم طوله بال وتشجيع وانتبهي تعصبي عليه او تخاصميه لانه ممكن مايتعلم بسرعه ويخاف
واعطيه ملعقه عسل اصلي على الريق وقبل النوم
بالتوفيق يارب