أختي shshaf

والله ماشاء الله البنات كفوا ووفوا
بصراحة عجبتني جداً نصائح الأخت ليــــن الله يجزاها خير
خصوصاً النقطة الأولى

النقطة اللي كنت أبقولها:
ان حملك يأثر على نفسيتك .. وبالتالي تكثر الشكوك .. وتتقفل بوجهك الدروب .. ماأدري ليه تصير كثير سبحان الله !! ..
وهالشيء يخليك تيأسين .. وتختصرين الطريق وتسألينه مباشرةً ان كان يحبك أو لأ أو مرتاح لك أو لأ ..
لأنك في مرحلة صعبة وضايق صدرك فتبغين تعرفين هالشيء في نفس اللحظة!
هالشيء في رأيي موب في صالحك أبداً ..
لأنه ان كان فيه (ريح) على قولتهم ..
بيصدق روحه انه يكرهك خصوصاً إذا تأكد انك حاسة فيه

حاولي ماعاد تسألينه هالسؤال .. ترا تقل قيمتك عنده من غير ماتحسين
لأنك كأنك تنبهينه على هالشيء وتقدمين له الكلام الصعب -اللي هو ما تجرأ يصرح فيه- على طبق من ذهب .. و تسهلين له المهمة!
لا تعطين له فرصة انه يبين لك عدم راحته أو عدم محبته لك (لو افترضنا ان هالشيء صحيح)
خلي الأيام تمر .. وواظبي على الدعاء من كل قلبك وألحي .. وتصدقي لأن الصدقة تدفع البلاء

من جد يمكن ربي يفتح عليكم بعد أول طفل بإذن الله
ويحس بقيمتك إذا ابعدتي عنه في فترة النفاس

وأنا قريت في دراسة ان أول ثلاث سنين من الزواج هي أصعب شيء لأنها سنين التأسيس والتفاهم ..

عموماً أختي ..
الله يوفقك ويسخر لك ويكبر حظك .. ويهون عليك ولادتك :27:

الظاهر اختي انو الخلاف اللي صار ببداية الارتباط ما زال مؤثر جداً عليه وهذا واضح من تصرفاته معك ويمكن بعد الزواج انك ارتكبت اخطاء بحقه من غير ما تقصدين وهو قاعد يجمع في قلبه عليك . اختي نصيحتي لك حاولي انك تتقربين من زوجك اكثر وانك تفهمينه صح وتعرفين اللي يحبه وتسوينة واللي ما يحبه تتجنبينة اظهري له محبتك بالأفعال وبالكلام الطيب وتفاني في خدمته وأكرام اهلة من غير ما تتذمرين وبيني له خوفك عليه وحرصك على سعادته وراحته صدقيني ان ما حبك الحين بحبك بعد فترة لان المحبة تتكتسب بالأفعال الطيبة . يمكن لانكم ببداية الحياة الزوجية محد فيكم فاهم الثاني صح بس مع العشرة والاولاد بتكون بينكم المودة والآلفة . وصدقيني انه زوجك ما يكرهك لان الريال اذا كرهة المره عافها وما في شيئ بالهدنيا يجبره على العيش معاك لا اولاد ولا عشرة وخصوصاً لما ذكر لك انو بعيد الشر عنك يبغى يتزوج ما قال انو يبغي ينفصل عنك يعني الأمل لا زال موجود حاولي ترفعين من رصيد محبتك في قلبه وما تخلين مجال لاي شخص ثاني انه يشاركك فيه وسالفة انك تشتغلين وتبعدين عنه لا تسوينها ابد لان البعيد عن العين بعيد عن القلب . زوجك طيب والدليل انه معاملته مع اهله والناس زينه شوفي اختي وين الخطأ في معامتك معاه وصدقيني ( ان الحسنات يذهبن السيئات ) يعني الافعال الطيبة بتنسيه الخلافات السابقة. بعدين يوم قالك انو بيتزوجك كان من المفروض تقولين له : انا اعرف انو زوجي حبيبي قلبه الطيب ما يسويها يعني حاولي تعزفين على الوتر العاطفي عنده وتستثيرين عطفه وحنانه وحتى سالفة الشغل قولي له انا ماقدر ابعد عنك لحظة وحدة لانك روحي اللي ما اقدر اعيش من غيرها ومن هالكلام الحلو اللي يلين القلب ويجيب الراس. :24:

والله يوفقك حبيتي في حياتك ويرزقك بالولد اللي يسعده ويفرح قلبه وينسيه الدنيا وما فيها إلا أنت زوجته وحبيبته.