حلوه قصصكم وربي شي يحسسك ان الحياه لها وجه اخر للحزن والتعب
انا من طفولتي انسانه منظمه جدا بشهادة الكل
ولكن النوم عندي كان مسبب لي عقده اكره الليل من طفولتي
وهذا راجع لامور عديده من خوف وعين وغيره
بس مع الوقت حسيت انو لازم اتغير وانام مثل الناس واريح عيني لان الليل ربنا خلاه للنوم
عشان كذا اكبر تغيير صار لي بعد الزواج بفتره هوالانتظام في النوم والحمد لله
تجي ايام واسهر مثل حضرتي الحين
لكنها من باب كسر الروتين
الفجريه وقتها مبارك وتخلصين اشغالك بسرعه
وطبعا اذكار الصباح وصلاة الضحى وجزء من القران هذا اغلب ايامي والحمد لله
ما اقول ما تجي ايام واترك الا
اترك بس الاغلب جدولي كذا
ولا تنسين الدعاء بكل وقت
انا من النوع الي يدعي لو كنت اكل اتكلم في سري واناجي ربي كثير
وشفت بركة الرزق وبركة العمر وبركة الوقت
ربنا قريب ورحيم
الله يوفقنا لكل خير يارب

احب اعلق على كلامك يالغاليه
انا انسانه بيتوتيه بشكل ما تتصورين
حتى مع اهلي واخواتي
بس نظيفه جدا جدا والحمد لله
ودي احد يزورني بس العلاقات مع الناس شبه رسميه ونادر ازور احد
بس والحمد لله لو احد يجي فجاه يستغرب النظافه كني مستعده
اانا بيتوتيه ووقتي كله لبيتي وولدي وزوجي
مو شرط ياغاليه والله مو شرط

طبيعتي قبل الزواج حواااسة درجة اولى
تربيت عالشغاله وبحكم اني اخر العنقود فهاتك يا دلع والحمدلله
بعد الزواج ماتغير شي كثير زوجي يسافر يشتغل بمنطقة ثانيه وانا ادرس بجده اذا راح رحت لبيت اهلي واذا جاي اخذت شغاله اهلي ورحت بيتي تنظف وتغسل وترتب وانا اميره ماشاء الله علي خخخخخخخ حتى غسيل ملابسي وملابس زوجس هي تغسله وامي كانت تنصحني لكن في نفس الوقت تاركتني على راحتي
المهم اختكم ما تعدل سلوكها ببيتها الين تخرجت من الجامعه وصار ولدي يمشي ويحرث بالبيت وقتها بس حسيت بالهلاك من الركضة وعرفت وتيقنت ان زمن الدلع ولى ولازم اشمر عن ساعدي واحس على دمي واصير حرمة سنعه مثل امي خصوصا ان وقت الفراغ صار كبير فالدراسة كانت تاخذ جزء كبير من وقتي والحمدلله بالهمه العاليه انجزنت الكثير وتحولت من دلوعه الى حرمه سنعه بفضل من الله والكل لاحظ هالشئ لكن اصعب شئ لمن تصيرين سنعه والكل يشوف سناعتك تبدا المسؤليات تتراكم عليك والله اذكر قبل كاسة مويه مايطلبون مني اجيبها الحين بكل شئ معتمدين علي هو حلو لكن متعب للغاية

محاضره الدكتور صلاح الراشد

استراتيجيات التغيير الفعال


تحميل

http://www.7ozn.com/do.php?filename=12_04_2012_b66913342413161.rar

كتاب


- كيف تخطط لحياتك -

د. صلاح الراشد


تحميل

http://www.7ozn.com/do.php?filename=12_04_2012_010213342434501.pdf