كيف تغيرت وكيف استجابة دعواتي بسرعة البرق

ثلاث اشياء _ اليقين - حسن الضن بالله - الهام العباده لما تجي في بالك فكره انك تستغفري او تصلي او تختمي ( نصيحه طيري طيران على الشي ذا ولا تخلي للشيطان مجال لان الله اذا الهمك عباده اعرفي انه يبغا يدفع عنك شررر او ييسر لك فيها خير .... وياما طنشت بالاخير ندمت بقولكم قصه اني مره باقي عن العيد شهررر قلت بنفسي يمدي اختم يوم عرفه و استغفر كثير وتكاسلت ورب المصحف حصل شي خلاني اندم )
اولها اليقين ثم اليقين ثم اليقين
كنت ادعي سنين و سنين وانا من جوى احس هالشي بعييييييييييييييييييييييد لان احس نفسي مذنبه ذنوب عضيمه وهذا فيه شيء من عدم حسن الضن بالله انه على كل شيء قدير
رغم انه احيانا ادعي بعد ختم القران
قال تعالى انا عند حسن ضن عبدي بي .................... تأمليها الشي اللي تضنيه في دعائك وفي اقدارك اللي كاتبها الله ترجع عليك والله العضيم
لكن من شهر 10 و 11 و 12 وانا كل ما فضيت بحثت عن اليقين .... ابغا اعزز هالشي فيني
فلقيت انه اليقين يزيد مع تدبر القران ...... تدبري كل يوم جزء وكرري ايات قدرة الله ( ان الله على كل شيء قدير ) وادعي بعدها
وكمان الشيء اللي تضنيه وااللي مبرمج في عقلك الباطن من افكارك انه تدعي وفي مخك حاجه تحسه مستحيل ( لازم تسوي له فرمته )
الفرمته ذي قلتها تدبري القران اولا .... ضني بالله ضن حسن ويقين بانه على كل شيء قدير
وعلشان تتخلصي من الافكار المخزنه في العقل طبقي قانون الجذب
بديت فيها من شهر 1 .... تدبر القران مع سورة البقره ومع الدعاء والاستغفار بالاسحار والصلاة على الرسول والتسبيح واللي تبغا طريقتي تقول لي عجزانه لااتعمققق
المهم شهر 1 .... المفاجأه انه المخلوق اللي كنت ميته عليه ( كنت استخير فيه لان اي شي محيرك ادعي فيه بالاستخاره ) طلعوا عايله ضايعه من اولهم لاخرهم وامه ماتطيقني حتى تصرفاتها تغيرت من تخرجت من كلية الطب وهي حقوووود
شهر 2 : تقدموا لي اول خطيبين رسمي و رفضتهم لاسباب
شهر 3 عرفت قدر صديقتي اللي كنت ميته ع رضاها كانت زعلانه وتغلى علي طلعت مصادقتني عشان مصلحة نفسها تخيلووو علشان قبل الوضيفه فيه اختبار ب 800 ريال الدخول دفعت عني وعن بنت يتيمه حسيتها شالت هم الفلوس تقول لوحده ثانيه انا اولى فيها فلوس المقعد ( طيب انتي تغلي علينا ومن تغلى تخلى ووش ذا الحسد )
شهر 4 : الحمد لله استجابت لي دعوه وهي ان عندي اخت مطلقه وطليقها من الحقد ( حسدهااو سحرها كل شيخ يقول كلام من شهر 1 اللي حصل اني حلمتها تقول بسوي زي ماسويتي بس ايش اسوي كمان قلت لها قولي اعوذ بكلمات الله التامه من كل شيطان وهامه ومن كل عين لامه قلتها بالحلم وشفت كان الجدار يطلع منه دخان ونفثت عليه وطفى الدخان كان هالكلام شهر 1 الحلم وبدات معاي شهر 2 و 3 واخر 3 انخطبت
شهر 5 توضفت ولله الحمد واجتزت كل الامتحانات
شهر 6: تصالحت مع دكتور كنت متخاصمه معه من قبل صار زميل عمل
شهر 7 هذا .... تعرفت على احلى صديقات بالدنيا وصارت لي شعبيه بالدوام كنت اعاني من قل الصديقات ومااطلع زي البنات مع صديقاتهم وبالجامعه من الحسد لي ماحد يكلمني الا لمصلحته حتى صديقاتي بعد التخرج تسااااقصووو من حياتي ما بقت لي الا 2
والحمد لله رب العالمين