lome_1996 @lome_1996
عضوة جديدة
كيف تقبلك لموضوع انك متأخره بالحمل ؟؟؟ 😪😪نفضفض لبعض
بنات خلونا نسولف مع بعض ونفضفض كيف تقبلك لأمر انك متأخره بالحمل ؟ بتكلم عن نفسي انا بأول سنتين بصراحه كنت عادي جداً وحابه نفسي ومايهمني احد كنت اروح واجي واستانس وعايشه احلى عيشه ودايم عند اهل زوجي واحب سهراتهم وجمعاتهم ومن هنا ومن هنا كان اذا احد سأل اجاوبه ولا علي بأحد وبعدهااا بدا الموضوع يضايقني بديت اكره جلست اهل زوجي بسبب اسألتهم مع انهم مو كثير يسألو بس اي سؤال يحرجني انا اتقبل لما احد يكلمني واكون لوحدنا بس لما يكون قدام العايله كلهااا انا ماا اتقبل الموضوع محرج ! قدام سلفاتي وحمواتي ي فلانه وش صار معك متى موعدك الجاي !!! اجاوب صار يتمادى الوضع وصرت فعلاً اتضايق استخدمتي الزيت الفلاني ؟؟ وش قالت لك الدكتوره اخر مره ! عسى الوضع فيه تطور خلاص محد له دخل !!! كلميني الحالي لا تسأليني قدام الكل ! طبعا هذا الموقف صار لي قبل شهر ولأول مره يصير لي وعم الصمت بالمكان الغرفه كانت مليانه تمنيت الارض تنشق وتبلعني حسيت سلفاتي كل وحده انحرجت معاي وصارت وحده من سلفاتي الله يسعدها تضيع الموضوع ومن بعد هالموقف انا لي شهر كامل مارحت بيت اهل زوجي وهم اسبوعياً يتجمعو انسدت نفسي عن الطلعه واحياناً اقول انا ليه حارمه نفسي بسبب انسانه ! انا ليه ما اصير قويه واطلع واروح واجي واستانس وكل وحده تسألني اعطيها اجابه اخليها تندم على السؤال ليه احبس نفسي واذا سمعت شي اتنكد محد عايش معاي ومحد عايش عيشتي ولا احد له شي عندي اعيش حياتي بالطول والعرض بالنهايه كلنا بنموت وانا اللي حرمت نفسي الوناسه وبعدها للأسف ارجع اضعف صار لي شهر احس بضيقه مع اني كنت مستانسه بحياتي بس لي شهر مالي نفس بشي وبس طفشانه وحاشره نفسي حتى الطلاق والله فكرت فيه خلونا نفضفض لبعض ونسمع ونهون على بعض مالي غيركم والله محد اقدر اجي وافضفض له نوعيتي كتوم جداً انتو لو تعرفوني يمكن ماتسمعون هالكلام مني 😂 لاني ماحب اوضح لاحد اني ضعيفه ماحب نظرات الشفقه يلا كل وحده اذا تضايقت تجي تسدح الموضوع اللي مضايقها هنا ونطبطب عليها مابغى هالموضوع يوقف يلا خلونا نسمع من بعض
20
2K
يلزم عليك تسجيل الدخول أولًا لكتابة تعليق.
قلب سلمان
•
جالسة اقرأ انتظر السالفه اللي صارت وش وش اللي خلاك تضايقي هالكثر وانتي كان ولاهمك ؟؟
انتي سمحتي لهم بالبدايه يتدخلون عشان كذا صاروا يسألونك براحة 😅، احسه موضوع خااااص جدا محد يتدخل او يتجرء اصلا يسأل! ليتك من البدايه ماعطيتيهم مجال ، الحين اذا احد سألك قولي الله يكتب اللي فيه الخير او الله كريم او من هالعبارات لا تجاوبين عن اي شي واذا احد بينصحك بأي معلومة اشكريهم ولا تعطين اي معلومة عن وضعك نهائيا 😌 اصلا سبحان الله فيه حديث استعينوا على قضاء حوائجكم بالكتمان موضوع علاجك المفروض محد يدري فيه واي شي تسوينه للحمل لا تعلمين احددد ابد لين الله يكتب لك ✨ غالبا الشي اذا انتشر ولسا ما اكتمل يتعسر سبحان الله🤷🏽♀️
انتي سمحتي لهم بالبدايه يتدخلون عشان كذا صاروا يسألونك براحة 😅، احسه موضوع خااااص جدا محد يتدخل او يتجرء اصلا يسأل! ليتك من البدايه ماعطيتيهم مجال ، الحين اذا احد سألك قولي الله يكتب اللي فيه الخير او الله كريم او من هالعبارات لا تجاوبين عن اي شي واذا احد بينصحك بأي معلومة اشكريهم ولا تعطين اي معلومة عن وضعك نهائيا 😌 اصلا سبحان الله فيه حديث استعينوا على قضاء حوائجكم بالكتمان موضوع علاجك المفروض محد يدري فيه واي شي تسوينه للحمل لا تعلمين احددد ابد لين الله يكتب لك ✨ غالبا الشي اذا انتشر ولسا ما اكتمل يتعسر سبحان الله🤷🏽♀️انتي سمحتي لهم بالبدايه يتدخلون عشان كذا صاروا يسألونك براحة 😅، احسه موضوع خااااص جدا محد يتدخل...
فعلاً الغلط كان مني
لازم اول شي تسحبين موقفك
تقولي لها بكل بساطه ماعرف طبعا اكيد بتقول كيف ماتعرف ايوه استهبلي لو رجعت عادت السؤال قولي ماتذكر
هي بتسكت صدقيني واضحه وضوح الشمس لا تدخلي واضح انك تقفلين السؤال ومن حققك ترى هي اللي تنحرج مو انتي
وعلمي زوجك باللي صاير قولي ترى مصخره صاير سالفه يفتحوها مع القهوه هذي امور خاصه وانا غلطت اني تكلمت ماتوقعت بيكملوا كانو مسلسل ويتحمسو اكثر مني ومن الدكتوره
تقولي لها بكل بساطه ماعرف طبعا اكيد بتقول كيف ماتعرف ايوه استهبلي لو رجعت عادت السؤال قولي ماتذكر
هي بتسكت صدقيني واضحه وضوح الشمس لا تدخلي واضح انك تقفلين السؤال ومن حققك ترى هي اللي تنحرج مو انتي
وعلمي زوجك باللي صاير قولي ترى مصخره صاير سالفه يفتحوها مع القهوه هذي امور خاصه وانا غلطت اني تكلمت ماتوقعت بيكملوا كانو مسلسل ويتحمسو اكثر مني ومن الدكتوره
الصفحة الأخيرة