كيف تقسمون الملابس قبل الغسيل؟

والله حتى انا عندي هالتساؤل
اللي اسويه وماادري اذا صح او غلط ..وياريت الخبيرات يصححون لنا

انا احط الثياب الداخليه البيضا لزوجي لوحدها
وثياب الاطفال كلها مع بعض على دفعه او دفعتين حسب الكميه .. لانه اغلب ملابسهم ملونه
وثيابي الداخليه والبجامات مع بعض ( ملونه)
وثياب الطلعه والجلابيات مع بعض (ملونه)

ماادري طريقتي صح ولا غلط .. بس اشوف الامور ماشيه تمام
مع انه مرات تكون عندي قطعه او قطعتين باللون الابيض واحس الابيض يصير باهت
يعني شلون احطهم بالغساله لوحدهم ؟؟ مايصير .. وخاصة غسالتي اوتوماتيك مب عاديه

أهــــــلا أخواتي الامر سهل ملابس الرجال لوحدها مثل الثياب البيضاء لوحدها وبعدها الملابس الداخلية للرجل لوحدها

وإما ملابس الاطفال الملونة فإذا كانت نخشى أن تصبغ فلوحدها مثل أولاً البلوزة ثم البنطلون أو التنورة

وأكيد ملابس الاطفال لوحدها مع بعض مو مع ملابسنا
البيجامات مع بعضها
وإذا كانت قليلة أنتظري إلى أن تكثر وحطيها مع بعض أعني الملابس بعد تصنيفها طبعاً

وملابسنا نحن النساء هذي عاااااد الشغل الجامد !!!
الجلابيات مع بعض
أما الاحمر فأنا أغسله مع الاسود مايبان فيه شئ
والجينز أحطه لوحده أن كان جديد لانه يصبغ وبعد كم غسله يصبح في حكم الملابس الملونة
أرجو أني افدتكم ..

انا طريقتي والحمد الله حلوه وماشيه عليها

الابيض لحاله سواء فنايل تيشرتات ثياب زوجي انقعه في اليل ونغسل الصباح يطلع الابيض ناصع

ونكمل غسيل الملون سواء ملابسي او ملابس اولادي او زوجي مع بعض لفتين بالغساله ولفة كمفورت

الجينزات لحاله

الملابس الداخليه كل واحد لوحده

وخلاص مايبي لها

وطريقتي

أول شي كل فرد لحاله

له سله مخصصه ويوم مخصص لغسيله

كل فرد طريقتي في غسل ملابسه كالتالي

الملابس الرجالية البيضاء لحالها

الداخليه لحالها

الملونه الألوان الفواتح اللي ما يطلع لونها مع بعض اللي يطلع لونها أغسلها يدوي الجينزات مع بعضها والألوان الغوامق اللي ما يطلع لونها مع بعض

ملابسي

الداخلية لحالها

البيجامات لحالها , التنانير بعضها يدوي وإذا في الغساله غسله سريعه ونفس الكلام بالنسبة للبلايز

والتنانير الجينز تنغسل مع بعضها وما أغسلها مع التنانير الثانيه والتنانير الفواتح مع بعضها والغوامق مع بعض

وأهم شي الملابس البيضاء أحيانا تحتاج نقع قبل الغسيل ولا تضيفين كلوركس يصفرها مع الإستخدام

والملونه لا تكثرين الصابون يشهبها مع الوقت وأنا ما أغسلها إلا بالشامبو حق العبايات وشوي صابون الوزير

والفوط أغسل فوط كل فرد لحاله

بصابون أريل وكلوركس الأزرق للتعقيم وشوي صابون الوزير وأضيف كمفورت للشطف

وأخيرا الله يساعدكن

والله المستعان

مبس زوجي البيضاء لحال سواء كانت ثياب او داخليات اغسلهم سوا
ملابس ولدي لحال الاالجينزات الغامقه
ملابسي لحال الا الجينزات الغامقه
الغوامق سوا زي البنطلونات السودا والكحليه والعبايات
الألوان الي اخاف تصبغ على غيرها زي الأحمر والفوشي احطهالحالها