اخواتي اللي بالشهر التاسع
عندي لكم نصيحة من تجرية شخصية اليوم وانا ارد على موضوع لاخت من الخوات قلت ليش ما اكتبه بموضوع وافيد الخوات الثانيات
خواتي الشهر التاسع في الغالب وايد حريم يطفشون منه ويتمللون منه يتمون حاطين يدهم على خدهم وينتظرون الولادة ...متى متى متى؟؟؟؟؟؟؟
انا بالنسبه لي تصدقون احلا الشهر التاسع من ادخل انشغل بالمراجعات الاسبوعية والاستعداد في البيت تجهيز الاغراض
اجهز لبس المولود مالي اللي بيلبسه طوال الاربعين يوم
اغسل الثياب مالت البيبي ابخرها باللبان الذكر وبعدين اطبقها وبدولابه
الاعشاب اليانسون والكروايه والشمر اجيبهم من العطار اغسلهم واحطهم بعلبه
اجهز اغراض النظافة الشخصية مالتي المره اطحنها واسوي خلطة الرشاد والحبة السوده
وطبعا قبل الاربعين او قبل التاسع بالضبط با حلوات امي الله يخليها تسوي زيت للشعر خاص للشعر النفاس وهي عبارة جوز الهند اجيبه وارمي ماي ماله واحط فيه الحلبه وعلبة زيت الجوز الهند واسكرها وادفنها بالارض لمدة اربعين يوم
واطلعه على التاسع تكون جاهزه للاستعمال صح ريحتها لوووووووعه بس وايد مفيده تقوي البصيلات وتقوي الشعر ولمعان لان تعرفون النفاس لازم تدهنين الشعر لانه هو بكل الاحوال بيطيح بعد الولادة بس هالزيت وايد يساعد في تخفيف التساقط ووايد يفيد في تعويض الشعر المفقود عن تجربة
ونجي الحين الشي اللي وايد احب اسويه
انا احب يا بنات بالتاسع تكون عندي زيارات للمشغل اسوي حمامات زيت - بادكير للرجول واليد- حف الوجه-حلاوه-تنظيف البشره العميق- اتحنا حنا ناعم لازم بس الشعر قص وصبغ لا بعد النفاس
هالاشياء ترفع من المعنويات وبالاربعين وانتي بالنفاس يعني تكونين بعد حلوه مو شرط الاهتمام بعد النفاس لا لان النفاس مثلما تعرفون شهر وعشرة ايام لازم بما انج امرءة تهتمين بمظهرج وجهك ما يكون شعر وجسمك نظيف احس هالاشياء لو تاثير نفسي حلو
هل انتو يا حلوات التاسع كله ايد على الخد تنتظرون الولادة ولا مثلي تلتهون بالاستعداد
انا هذا برنامجي للتاسع وانتو شو برنامجكم وشرايكم في برنامجي لا تنسوي شاركوني بارائكم
يلزم عليك تسجيل الدخول أولًا لكتابة تعليق.
ماشاء الله تبارك الرحمن
شطووووووره بصراحه كل الي قلتيه صح ومعاج حق الف بالميه منه تمشين الوقت ومنه تهتمين في نفسج عشان حتى والوحده نفاس تكووون حلووه ونظيفه:32: ومغريه لابو الشباب
انا الحين في نص الثامن ومتمللله واعدد الايام استغفر الله العظيم احسها طوييله
بس بيني وبينج بديت شوي الهي عمري في جدوول عنايه شخصيه وان شاء الله استمر ياارب
واشكرج اختي على هالنصييحه وفي ميزان حسناتج
نقطه مهمه لاخواتي:
بنــــــــــــــــــــــــات فتره الاربعين مش يعني تدفنين نفسج بالحياه والله حريم اعرفهم لا كحل ولاشي والشعر كشه والحاله حاله ليش 40 يوم مو سهله تهمليين شكلج قدام زوجك هو بيطلع برا وبيشوووف اشكال والوان انا ما اقووول تكشخوا
الكشخه خلوووها بعد الاربعين لها طعم
خلوا ريحتكم نظييفه وحلووه بعطوور خفيفه وسوو كحل وقلوس وسشوار وبس
دعواتكم لي الله ييسر ولادتي وولاداتكم جميعا
شطووووووره بصراحه كل الي قلتيه صح ومعاج حق الف بالميه منه تمشين الوقت ومنه تهتمين في نفسج عشان حتى والوحده نفاس تكووون حلووه ونظيفه:32: ومغريه لابو الشباب
انا الحين في نص الثامن ومتمللله واعدد الايام استغفر الله العظيم احسها طوييله
بس بيني وبينج بديت شوي الهي عمري في جدوول عنايه شخصيه وان شاء الله استمر ياارب
واشكرج اختي على هالنصييحه وفي ميزان حسناتج
نقطه مهمه لاخواتي:
بنــــــــــــــــــــــــات فتره الاربعين مش يعني تدفنين نفسج بالحياه والله حريم اعرفهم لا كحل ولاشي والشعر كشه والحاله حاله ليش 40 يوم مو سهله تهمليين شكلج قدام زوجك هو بيطلع برا وبيشوووف اشكال والوان انا ما اقووول تكشخوا
الكشخه خلوووها بعد الاربعين لها طعم
خلوا ريحتكم نظييفه وحلووه بعطوور خفيفه وسوو كحل وقلوس وسشوار وبس
دعواتكم لي الله ييسر ولادتي وولاداتكم جميعا
الصفحة الأخيرة
بس هـ الملل وتعب لا بد منه مآمنه مفر
بس الحمد الله علىآ كل حآل
والله يعطيك العآفيه يآعسل