شكرا حبيباتي على المرور

لكن محتارة عن برنامج الأطفال نفسهم.. يعني هم اكيد بينامو الصبح والظهر نشيطين كيف اصرفهم عشان انا انام!! هنا الورطة
وطبعا مافي احد ياخذهم عني

اللهم بارك لنا في شعبان وبلغنا رمضان ونحن في احسن حال



واعنا على صيامه وقيامه وتلاوة القران وصلاة القيام



اميييييييييييييييييييييييييييين يارب العالمين

ليش تتركيهم يسهرون نوميهم وكعديهم معاك الصبح
والظهر أشغليهم تلفزيون او نوم الى ان ترتاحي لك ساعة
علمي أطفالك انت ونايمة محد يصحيك اي واحد يجي ردي عليه ماما نايمة مرة مرتين يتعودون

موضوعك مررره حلو

انا عندي ولد واحد الله يصلحه وتوه عمره سنتين فما بيشغلني كثير ينام ويقوم معي

انام بعد الفجر الى 1 او 2 اقوم اصلي الظهر واقرام اتيسر لي من القران
بعدين ادخل المطبخ واطلع اي شي يحتاج يذوب او يتخمر مثل عجينه واصلح حلا
بعدين اصلي العصر واقرا ما تيسر لي من القران
بعدين ارجع اسوي فطور وقبل المغرب اجلس ادعي ربي ( ويتخلل هذا البرنامج تاكيل ولدي وتنظيفه وتلعيبه )
بعد المغرب هذا لي انا وزوجي نفطر ونتفرج ع التلفزيون الى اذان العشاء
بعدين يروح زوجي للصلاة وان اصلي في البيت
بعد التراويح يا اشتغل غسيل وكوي وتنظيف او اروح لأهلي الى 12
بعد هالوقت الى الفجر يروح بين راحه وتهجد وقراءة قران وومكن انام شويه لو كنت قايمه بدري
والسحور نادرا ما نتسحر يعني اي شيء لبن مويه ..بس اذا كنا جوعاين نتسحر شي دسم ..
وبعد الفجر يا انام او اجلس شويه اقرا قران

واقولكم انا الحمد لله دائما اقضي اشغال العيد قبل رمضان فما احتاج ادخل السوق في رمضان
والله دقائق رمضان وثوانيه غااااليه حسافه نضيعها في السوق


وبس الله يتقبل ويبلغنا رمضان واحنا بصحه وعافيه .

والله موضوعك حلو الله لا يحرمك الأجر
وبصراحة نندم كثير أخر الشهر لأننا فرطنا فيه والله المستعان


أمممم
أنا لسى آنسة ^ــ^
بس تقريبا مثلكم يعني شايلة البيت ويا أمي

المهم أني اصحى الظهر
وأحاول اعجن و أطلع الدجاج أو الحة للحشوات واجهز الخضره

بعدها أقرأ قران لين صلاة العصر
بعدها تبدأ الحرب الضروس خخخ أشتغل أنا وأمي وأخواتي صحيح اننا متعاونات بس برضو ما يهنا لك بال تطلعين وتخلينهم بروحهم يشتغلون
نجهز الفطور قبل الأذان وأطلع اكمل قراءة

نصلي و نغسل المواعين

ما أحب أطالع التلفزيون رغم أن اللي عندنا المجد بس مقاطعة التلفزيون بس للبرامج الدينية ومو كلها بعد
كنت أتالع اسرة واحدة على المجد وبرنامج ذكرى

المهم

نصلي التروايح بالمسجد أنا وأمي وأختي نرجع 9ونص ونتقهوى ونسولف وأحيانا خواتي المتزوجات يزورونا هالوقت ..

بعدهاالساعة 11 أطلع غرفتي بعدما أتأكد انه ما فيه شغل

اذا كنت ريقة قلبت النت شوي وبعدها اقرا قرآن وأنام قبل الفجر بساعة

اتسحر ع الوقت واصلي الفجر اجلس ساعة أقرا قران ثم اصلي الإشراق وأنااااااااااااااام


والله يتقبل منا ومنكم صالح القول والعمل


* تذكيرغالياتي
لاتنسون تفطير صائم لو حتى عامل البقالة أو لو جنبكم مسجد ساهمي معهم لو باليسير
الصدقة يا أخواااااااتي ويا كثر المحتاجين خاصة هالشهر

لا تنسوني من دعواتكم