كيف تكتبين لفظ الجلالة بالليزر

السلام عليكم ورحمة الله وبركاته

شخباركم ان شاء الله بخير


اليوم نازله عليا أفكار عجيبه طلعتلكم بفكره جديده وحلوه وان شاء الله تعجبكم

>>>>>>>>>> الموضوع منقووووووول :23: للأمانه


كلنا نعرف أقلام الليزر

الفكره دي تعتمد على قلم الليزر ممكن تستخدم في شي يرضي الله

الفكره مرررررررررررررررره بسيطه وسهله وممكن الجميع يجربها تعالو نشوفها

الادوات :
نحتاج لقلم ليزر ( ا لافضل انو يكون من النوع القوي الاضاءه ) - بودره - فلين ( لونه اسود ) - مرايا ( عدد 8 مرايات ) - نيون شفاف - تظليل زجاج

العمل :
1- نسوي من الفلين علبه بأي مقاسات بس تكون بشكل مستطيل وممكن ازا حابين تستخدمو علبة مناديل فارغه بس تدوها لون اسود مون الداخل
2- نثبت المرايا بالظبط زي ماهي واضحه في الصوره عشان هنا مهمه الزوايا لازم تكون الزوايا صحيحه عشان تطلع النتيجه تمام وأنا راسم مستطيلات بشكل معين أزا سويتوها على ورقه ممكن تساعدكم في وضع المرايا بشكل صحيح
3- نثبت قلم الليزر كمان زي ما هو واضح في الشكل
4- ننشر شويا من البودره في اللعلبه
5- نجيب النيون الشفاف ونظللو بالتظليل ونحط النيون على العلبه من فوق زي الغطا
6- نسوي فتحه صغيره من جانب العلبه عشان ننفخ فيها الهوا


7- يالله الحين انفخوا هواااا في الفتحه وشغلوا قلم الليزر وشوف ايش راح ينتكتب قدامك


المشاهده :
حبايبي اذا سويتو العلبه بالشكل الصحيح وثبتو المرايا بزوايا صحيحه راح تشوفو كيف انو الخطوط حقت الضوء تسير في خطوط مستقيمه وفي نفس الوقت نشوف بعيننا كيف ينعكس الضوء على المرايا
والحاجه الملفته للنظر هي انو ترتيب المرايا ووضعها في اماكنها زي ما شفنا في الشكل راح يخلينا نكتب لفظ الجلاله ( الله ) باستخدام الضوء
ومع شوية فتاكه ممكن تطلع الكتابه بالشكل هذا



ان شاء الله الفكره سهله وواضحه
انا جربت الفكره ونوعا ما طلعت كويسه كان عندي مشكله في قوة القلم ووضع المرايا بشكل صحيح لأني سويتها على عجله وتمشية حال اللي حابب يسويها ويستفيد لازم يراعي الدقه في تثبيت المرايا

بالتوفيق للجميع:27: