daloo3ahuae

daloo3ahuae @daloo3ahuae

عضوة نشيطة

كيف تكسبين زوجك

الأسرة والمجتمع

السلام عليكم ورحمة الله وبركاته ،،،
حبيت إني أقول خبرة سنتين زواج كيف إنج تقدرين تكسبين زوجك : -
1- دايما كوني بشوشة واضحكي وقابليه بابتسامة جميلة ناعمة يوم يدخل البيت .
2- حاولي دايما إنج إتغيرين من شكلج من فترة لفترة علشان ما يمل ويضطر إنه يتعرف على وحدة ثانية تملا عينه لا سمح الله .
3- غيري من ترتيب البيت أو غرفة النوم من فترة لفترة ، يعني مثلا غيري مكان السرير أو الأدراج أو أي قطع أثاث ثانية .
4- بالنسبة لملايات السرير يفضل إن إتكون ألوانها هادية ومشرقة لأن الألوان الهادية تبعث الطمأنينة والانشراح على النفس ، ولكن ما يضر إن الواحد ساعات يستخدم الألوان الفاقعة كنوع من الإثارة والتجديد وخصوصا ( الأحمر والبرتقالي ) .
5- البسي لبس قصير عاري في البيت مب مشكلة لأن اللبس له أكبر الأثر على نفسية الزوج ، حتى إنج بتلاحظين إنه راح يقول لج دايما إلبسي هالنوعية من الثياب ، ويمكن هو بعد يشتريها لج بنفسه .
6- فاجئيه بباقة ورد أو هدية صغيرة إتحطينها له في الغرفة مع بطاقة صغيرة فيها كلمات حب وشوق رقيقة تعبر عن إللي في داخلج .
7- جهزي له الحمام الدافئ دايما يوم يرجع من الشغل أو من أي مكان مع تعطير الماء بعطور خفيفة أو زيوت عطرية جميلة .
9- ممكن إنج إتيبين طشت وتملينه بالماء الداف والملح وتفركين رجل زوجك كنوع من خلق جو من الراحة والاسترخاء له .
10- دايما نادي زوجك بأسماء وألقاب هو يحبه وجديدة عليه ، لأن في أنواع من الرجال يحبون الدلع والكلمات الحلوة .
11- لا تفشين أسرار بيتج لأي كان ، وحاولي إنج إتحلين مشاكلج بنفسج من دون لا تستعينين بأي حد ( وهذي أهم نقطة ) .
12- إقتصدي في المصروف ولا تطلبين منه أشياء كثيرة ومب في استطاعته إنه يوفيها أو يحضرها لج ، واصبري على كل شي واتحملي لأن آخر صبرج إن شاء الله بيكون خير .
13- لا تفتحين معاه أي موضوع وهو متضايق ، خليه على راحته لين يهدأ وبعدين فاتحيه .
14- حاولي إنج تعملين مسابقات ثقافية أو فنية أو أي نوع من الألعاب كنوع من التغيير .
15- حاولي إنج إتروحين دورات تدريبية في فن المكياج والديكور والطبخ والتطريز علشان إتفاجئينه بابتكاراتج .
هذا كل إللي عندي وأتمنى إني ما أكون ثقلت عليكم .
6
923

يلزم عليك تسجيل الدخول أولًا لكتابة تعليق.

تسجيل دخول

طاطا بصطويسي
طاطا بصطويسي


حرااااااااااااااااااااااام الباركوه او التوصيله
لانه حكمها وحكم النمص واحد( ملعونه )والعياذ بالله


فياليت تعدلين الكلام علشان لاتاخذين ذنوب البنات



الموسيقى حرااااااااااام وتدخل الشيطان بينكم انا ما انصح فيها
ولها سبب رئيسي في امراض القلوب

الله يجزاك الف خير الموضوع جداً رائع
يعطيك العافيه
المحبه للجميع*
يعطيك العافية نصايح ذهبية:26: :26:
لكن أختي(- إلبسي له باروكة كنوع من التغيير ( شعر قصير أو طويل ) على كيفج لأن في أنواع من الشعر المستعار إتكون حلوة وايد .)ما يجوز لبس الباروكة ولا سماع الأغاني ...يارب يكون كلامي نزل على قلبك زي العسل وتسلمين
:26: :26:
daloo3ahuae
daloo3ahuae
هلا وغلا أختي طاطا بصطويسي
خلاص عدلت الموضوع وما أبغي إن أي حد يزعل مني .
كله ولا زعل البنات .
وأتمنى إن الموضوع يفيد البنات ولو بالقدر البسيط .
وسامحوني على القصور .:27:
daloo3ahuae
daloo3ahuae
أختي الغالية المحبه للجميع*

أعتذر للمرة الثانية على كلامي اللي كتبته عن الباروكة والموسيقى .
وأتمنى إن البنات ما يفهموني غلط .
بس هذي كانت تجربة و كانت ناجحة بالنسبة لي .
علىالعموم خلاص حذفت نقطة الباروكة والموسيقى .
وأنا على العموم دايما أشغل القرآن في حجرتي ، بس هذي الحركات كنت أسويها أول ما تزوجت والحين قمت أشغل القرآن وخصوصا سورتي ( البقرة والرحمن ) .
وربي يسامحني إذا كنت أخطأت أو إرتكبت ذنب .
طاطا بصطويسي
طاطا بصطويسي
الله يجزاك الفردوس الاعلى قولي امين أختي :26: