كيف تقيمين ليله شواء مع زوجك
عزيزتي الزوجه
احضري قاز
ثم رشيه على مفرش غرفة نومك
وعند استلقاء ابو الشباب شبي فيه
عزيزتي اذا تبين القاز والولاعه راسليني على الخاص
وارسلك طلبك
خخخخخخخخخخخخ
<< اكيد صدقتوا
بصراحه اخواتي طالت وتشمخت الشي اللي نشوفه بالقسم التجاري
والله عيب الوحده تصور لياليها الخاصه وتحطها
وكل كوم وملابس التنكر بارنب وفراشه مدري غورلا بالله هذا اغراء هذا ترويع
ولا تنكيري بلبس خدامه مابقى الا سحليه وش تحسون فيه بالله
هذا منطق
كل من بغى يضحك ويعلق دخل المنتدى
هذا احد المنتديات المجاوره منزلين صور لاشيائكم وقالبينها تعليق
فيه واحد من الذكور منزل تعليق نسخته لكم عشان تشوفون بالله
خرابيطكم الاغرائية وين واصله ..
----------------------------------------------------
أذكر دخلنا بالاستراحه على عالم حواء وقعدنا نقراء مواضيع الحرريمـ .. اذكر فيه موضوع
أستمتعي بليله إغرائيه مع زوجك ..
الموضوع طبعاً تسويقي وحده تسوق للي عنده .. إدوات هالليله الرومنسيه الاغرائيه إنوه فيه
قميص نوم أو شي زي تسذا .. هالقميص فيه شي تضغطه العنقاء وبعدين القميص تلقائياً
يبي ينفصخ .. وهالشي طبعاً يبي يكون مفاجئه للزوج " أنا ودي أدري الزوج وش يبي يلبس بهالليله
"المهم وحده راده قالت أنا جربت هالحركة بس جسمي كله ترهلات وللاسف القميص
نشب بجسمي وما انفصخ وانا مره أنحرجت وماعرفت وش اسووي ؟
قسم بالله بغينا نموت من الضحك ..
أنصح أي واحد فاضي يروح يدخل عالم حوااء
قسسم بالله تحررم العرس على كميية المصاله الي تبي تقرااه ..
والمشكلة الحريم مرهفات الحس تشوف الشي يعجبه وتحسبوه يبي ينكعس هالشي على
زواجة ماتدري إنوه إحياناً توصل إلي درجة إن الرجّال تطيح من عينه مرته ..
والمشكلة الثانيه إن الحريم نغورات يعني يغارن .. فلانه صلحت هالحركه ومادري ايش
وزوجها مادري وش صلح .. إلا تصلح هالحركه بالمحروس الاشهب عشان شهوبي يصلح نفس
ماصلح الاشهب الثاني زوج خويته أو العضوه الي معه بالمنتدى ..
على فكره أنا عجزت اتقبل هالحركات وانا افكر .. وشلون لو هي على أرض الواقع
على العموم لاتأخذون بنات يدخلن نت .. تقراء من هاالانترنت وتجي تطبق عليك
على فكره فيه شي ضحكنا عليه يوم دخلنا عالم حواء .. لقينا اكثر موضوع عليه زيارات
خلطه لتبيض الاماكن الداكنه ههههههههههههههههههههه
----------------------------------------------------
بجد ليش هالنظرة وهالإستضعاف النفسي والإستعطاف للرجل ..؟
يابنتي المرأه نصف المجتمع وهي اللي تبني نصفه الثاني إذا كانت بهالضعف وبهالشخصيه
التبعيّه ماراح يطلع جيل فاهم ..!
سياسه الخضوع متوفرة بشكل مفجع بمجتمعنا العربي .. نجي نكملها بالبيوت ..!
الإحترام واجب منك له والعكس صحيح ..
الزواج أرقى بكثير من هالاشياء اللي تروجون لها مانقول مش موجود لاموجود بس مش أساس العلاقه الزوجيه ..
أنتي تقدرين تجذبينه لك بأخلاقك وإحترامك لذاتك بعقلك بفكرك بنضجك ..
مش بسفاهتك وجريك بطرق جداً بئيسه ..
الزوجه عليها حمل ثقيل ..
أطفال .. زوج .. بيت .. عمل ..
تبني بيت تبني عيّله .. تساهم في نجاح المجتمع أو فشله ..
بدال مانفكر بعقل أنو الزوجه تجلس مع زوجها تناقشه تحكي معاه عن كل الأمور ..
تبدي وجهه نظرها بكل شيء حوالينها ببيتها بعالمها بمجتمعها ..
ينظر لها نظره راقيه أنو هالإنسانه راقيه فكرياً .. يفتخر فيها .. يستشيرها ..
يناقشها .. يشاركها بمشاكله مو يعتقد إنها طائشه بائسه
ماوراها إلا ترسم له وتحوفر له ..!الرجل يحب الأنثى الفاهمه اللي تحترمه تحترم فكره وعقله وجوده ..
اللي تربي عياله ويفتخر فيها وفيهم من بكرا مثقفين فاهمين واعين ..
الرجل يحب الأنثى المستمعه بعقلها أكثر من الأنثى اللي تسيّرها عواطفها وكل يوم برأي مختلف ..
أنا ماأقول الرومنسيه تتلغي لا ..
الرومنسيه راح تكون موجوده وبكل بساطه من حالها تجي ..!
مهوب اليوم تسوين له ليله أفغانيه
هههههه..ومن بكرا تلعنين خيره وإنت وإنت : ( ..
هذي مشكلتنا دائماً نبحث عن حلول وقتيه لحظيـه ماتساعدنا على حل مشاكلنا أو تخطي أزماتنا..
أهم شيء الليله يحبني وبكرا بكيفه ..!
وتمنياتي لكم بحياه زوجيه سعيييييييده :smheart: