السلام عليكم ورحمة الله وبركاته
من غير ما اطول انا عندى طريقه ياريت تعجبكوا تلونى بيها الكريمه للتورتات او اى حلويات تحبى تعمليها
اللون الاحمر تقدرى تحصلى عليه من البنجر يارب تكون جديده المعلومه دى
المهم بتقطعى البنجر وتهرسيه كويس فى الخلاط او الهراسه الكهربيه وبعد كده اعصريه كويس جداوصفيه كويس جدا هتلاقى لون احمر نبيتى غامق خطير
اللون التانى الأخضر تاخديه من السبانخ برضه اعصرى السبانخ بعد تقطيعها وبالخلاط وبعدين صفيها كويس وخدى المياه بتاعتها بس هتلاقى لون اخضر غامق رائع
وممكن تخلطى اللونين بكميات متفاوته تحصلى على الوان تانيه
انا جربتها على الكريمه وادتنى لون زهرى رائع جربوا ومش هتخسروا ان شاء الله:23:
وعلى فكره مش هتغير طعم الكريمه بتجربه منى شخصيا :cook:
موسوعه @mosoaah
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
وفقك الله ...