كيف تمالك اعصابي مع اخطاء طفلي

ذكري نفسك انك يوم من الأيام كنتي بنفس ضعفها وحاجتها لك .

اذا ماحنيتي عليها الحين متى ؟؟ لما كانت رضيعه وخلاص ؟

هي مرفوع عنها القلم فلاتحاسبيها على الصغير والكبير .

قبل لاتمدي يدك تضربيها اضربي نفسك اول بدون ماتشوفك او عدي من واحد لعشرة او روحي غرفة ثانيه وارجعي ..

سوي اي شي يخفف من سرعة غضبك ويخليك تفكري وتترددي بشكل اوتوماتيكي قبل تضربيها حتى ماتندمي .

واذا سوتها على نفسها او على السيراميك او حتى الفرش انتهى عالمك وخربت الدنيا ؟؟ ياختي جيبي فوطه او مناديل وامسحيه ولو على الفرش خلي عندك اسفنج مع صابون جاهز والحمدلله .

خذي الموضوع ببرود وبشكل عادي .. اذا راحت الحمام شجعيها وفرحيها وخليها فخورة بنفسها .. عطيها حبتين ام اند امز او حلاوة تحبها شرط تكون صغيرة وبكمية بسيطة جدا ومو كل مادخلت الحمام حتى ماتزعل وتترك الحمام بسبب منعها من هالحلاو . او اقل حاجه تصفيق باليد كمكافأة ..

اذا مالحقت على الحمام قولي ليش حبيبي انتي بطلة كبيرة روحي الحمام ودليها عليه , يمكن نسيت او انشغلت باللعب او حتى تبيك تنتبهي لها .. حتى لو مافهمتك باللغه هي تفهم نبرة صوتك .

اهم شي لاتحطي عقلك بعقلها وصبري نفسك انتي بالتدريج وذكريها انها بشر مو ملك معصوم من الخطأ وماقصرتي بأهلك بطفولتك فليش ماتتركيها تعيش طفولتها وتستمتعي معها بهالفترة .

الله يرزقك طولة البال والصبر .

مشكووورة حبيبتي ع الرد امين الله يرزقني طولة البال انا الحمدلله مكرسه نفسي لبنتي يعني احب اعلمها كل شي عدل ودايما هي ملازمتني ومستحيل اروح واخليها احب انها تكون معي دايما بس مشكلتي ابغاها تكون كامله ووقت العضب انسى انها طفله ياقلبي عليها بس ان شاء الله احاول اعدل من نفسي وماعصب عليها وربي يحفظهم

ربي يسرلك ويوفقك

بـ الصبر
والله الاطفال هذولا يبي لهم طولة بااااال
مثلك احيانا بنتي تهلكنـي مااتحمل بس مسسسستحيل امد يدي عليها ...

طولي بالك شوي اختي والصبري هذول اطفال وبالعكس مع الضرب يجي عنيد وعصبي