جزاك الله خير على هذا النقل الجميل و يا ليت الكل يستفيد و يطبق ها الشي عمليا ..خلونا نكون صريحين مع بعض اكثر ..ليه الاطفال في مجتمعنا اعوذ با الله صايرين عدوانيين و عندهم مشكلات كثيره في سلوكياتهم ...الضرب ثم الضرب ثم الضرب هو اللي يخلي طفلك عدواني و يعاند و مزاجي ليه ..لاانه يا حبيبتي هذا نتيجه الضرب ..المشكله الاب يضرب الام تضرب الكبار اللي با البيت يضربون .هذا غير الاهانات البشعه و الكلمات اامهينه اللتي الطفل ..فا با الله عليكم وش تتوقعون اطفالنا بيكونون اكيد عقد و امراض نفسيه ..راح يكره نفسه و يكره اللي حواليه ..انا اقول الشي هذا لان هذا مجال اختصاصي ..فا با الله عليكم التفاهم و زرع الحب في تعاملكم مع اطفالكم .. لا تدلعينه كثير ولا تقسين عليه و لين غلط علميه وش الغلط اللي هو سواه و العقاب المناسب لهذا السلوك الخطى..لي رجعه انشاء الله قريبا وشكرا.

بارك الله فيك أختي Om Rema على هذه النصائح المفيدة

وأتحفينا بالمزيد

سلام يا امهات..اتمنى اللي تحب تقرا ردي تكون رايقه و هاديه و بعدين تطبق الكلام و النصايح على ارض الواقع. اولا موضوع مشاكل سلوكيات الاطفال كبير و متشعب جدا و متداخل من عوامل عائليه من جهه مثل..اهمال الوالدين لطفل و انشغالهم عنه و عامل مهم مثل ضرب الوالدين للابناء و طبعا هذي في مجتمعنا حدث ولا حرج الكل يفش خلقه في ها الطفل الصغير و تعالوا شوفوا اللي تعض و اللي توسم جلد الطفل با الكوي و غيره و غيره قال ايش قال تربيه ..يا ناس حرام عليكم بدال ما تضربين اطفالك او انت يا الاب الفاضل بدال جلد الولد با العقال و التصرف بسلوك مشين استخدم اسلوب التفاهم لحل الامور صحيح انتم في لحضات الغضب ما تملكين نفسك و تضربين طفلك على بالك اهو الحل والعلاج الناجح و بكذا يقالك ادبتي طفلك بها الكف والجلد والعبارات الجارحه ...بس ابغا اسال هل هذا علاج او تاديب للطفل على تصرفات خاطئه الطفل يرتكبها ..طبعا غلط و اكبر غلط الضرب بطريقتك هذي تخلينه عدواني ما يعرف غير الضرب في تعامله مع الصغار حوالينه ..طيب يا اخواتي الحل ما فيه حل يعلم طفلك الصبر و الانضباط و الهدوء ...نعم الحل موجود و بيدينك اخ تي العزيزه و انت ايها الاب العزيز..عودوا اطفالكم على الادب و الاحترام هو يحترمكم و انتم بعد تحترمونه با المثل تحترمون ادميته مو ضرب على الطالعه و النازله ..ثانيا ليه يا امهات ما تستخدمون عقولكم و تنورونها وتقرون وتتعلمون انسب الطرق لمعامله الاطفال و عدوانيتهم او حتى استشاره طبيب مختص ..عموما ما اطول عليكم فيه طريقه جيدة راح اقولها لك و انشاء الله تكون مناسبه ..اشتري هديه يكون طفلك يحبها كثير بس ما تعطينه هذي الهديه حطيها في مكان بارز في البيت بحيث انك تحفزين طفلك انه اذا هو يبغا الهديه هذي او اللعبه يترك التصرفات الغير محببه و يتعلم سلوك الانضباط بس ما تعطينه الهديه الا لما طفلك يتعلم الهدوء و الادب و هذي العمليه او الاستراتيجيه تحتاج الى صبر كبير يعني لما تحسين ان سلوك طفلك تدل يمكن تحتاجين 4 او 5 شهور او اكثر لما طفلك يفك هديته ..و الله لا يهينك في شي ثاني بعد بقوله لا تشترين هديه لطفلك على الطالعه و النازله و زي ما تعلمنا منعلم النفس و نضرياته كافئي طفلك على السلوك الحسن و اشكريه و اثني عليه امام الاخرين ...اتمنى انكم استفدتوا ولو ان فيه نقاط كثيره نسيت اذكرها مثل الاثار السلبيه لضرب الاطفال و عقابهم على الاطفال في طفولتهم و مسقبلهم ..ايذاء الاطفال القلق الاكتئاب التبول الاارادي العدوانيه كل ها النقاط راح احاول اني اكتب عنها باذن الله و شكرا..

امونه المصونه مشكوره اختي على مرورك

ام ريما مشكوره على النصائح وننتظر منك المزيد

جزاك الله خيرا أخيتي على ها الموضوع المفيد اللي حنا بحاجه له فعلاً وانا مشكلتي اني عصبيه لدرجه لا يمكن تتخيلوها والله يعين بناتي عليها لأني حاره ما اتحمل الغلط ولا البرود ياليت اللي عندها طريقه تساعدني بيها ما تبخل والله يعطيكم العافيه
على فكره رغم عصبيتي وحرارة اعصابي الا ان زوجي الله يخليه بارد وطويل بال