السلام عليكم
يا بنات يا حلوات يا أحلى منتدى استفدت منه في حياتي الزوجية الجديدة
أنا قلت لكم قبل فترة زوجي ما يحب السوق وش اسوي أنا قلت يمكن من خواته خواته يكثرون من الخلاقين (الثياب) وأنا أكره التكثير ، هو ما عرفني بعد
قبل أتزوج كانوا إخواني يأخذوني معهم اتضى لباقي خواتي :
أخواتي المتزوجات ياكثر ما يروحون السوق ويستعيرون مني ملابس وأنا مانيب راعية سوق ، واكره الفرفرة الله يعين عيالي من يشريلهم
المهم ندخل في الموضوع ليه إخواني يبحون السوق معي ليه حببت زوجي في السوق لأنهم يأمنون معي إن فيه نهاية للتسوق
خلوني أحكي لكم كيف جهزت
أول شيء انا مهري 60 ألف و500 الخمسمة هذي ما أدري وش موقعها هههههههههههههههههه
قسمت المهر (وحدة جرئة ) خمسة أظهرف : طرف فيه 20 ألف والأاربعة الباقية عشر آلاف
شوفوا أنا جهزت في شعبان وكان الذهب واصل 115 للجرام فكرت وفكرت أخيرا سلمت أمي فلوس الذهب 20 الف تصرف فيها أمي ما تشري الذهب الأبيض أبدا
وعطيتها 5آلاف للبيت يعني البخور والتحف مواعين وهالشغلات لان أمي ذوقها حلو فيها وهي أصلا تحب تشري لخواتي ...
بعدين بقي معي 35 ألف
جردت مواقع النت وطبعت مستلزمات العروس في ورقة
5 آلاف لليلة الدخلة فستاني الأبيض سلمت مصممة في جدة ب 2000 ، والمسكة بـ 1000 والمكياج 2000 وتعبت لين لقيت من يحدد لي هالسعر أنتي حددي السعر بعدين دوري اللي يناسبك فيه .
ونصيحة للعرايس : والله ما لبست فستاني إلا نصف ساعة ! حقت التصوير لأني جا على طول وتأخرت فما يمديني لبست إلا صورت جا أخذني كلها نص ساعة ، واللحين ورطانة بالفستان !
قسمتها لأربع مشاورير
اليوم الأول (الشنط العطور المكياج والجزم اكسسوارات ) بديت بها لأنها ما تحتاج مقاس هههه : 10 آلاف _ رحت شريت 5 شنط متنوعة الموديلات من بدون اسم ، وتترا (نجوم العليا) وشنطة للذهب ، وفريت على مكياجي اخذت منه شغلات وعطوني عطر يخبل هدية ، ومن وجوه ثلاث عطور جدور وكوو شانيل ، وألور
بعدين رحت بدي شوب وأخذت طقم الياسمين ، وشغلات الجسم وفواحات ، وشنط اكسسوارات ...
رحت ليدي سلكشن واللي جنبه ما أعرف اسمه وقشيت اللي عندهم ، وعطوني هدية شنطة هههههههههههه
بقي معي 1600 مريت الفايز واخذت ساعتين وحدة عادية 500 والثانية ساعة خيال بـ 1100 رجت للبيت الظرف فاضي ومدة التسوق 3 ساعات وناقصني الجزم لأني شريت مكانها ساعات
أهلي انجنوا هزءني هزؤا أخوي ... صبرت
اليوم الثاني : اخذت ظرف 10 آلاف وطلعت : شريت ملابس البيت والقمصان من لسنزا وولز ونكست والريس ... بس بـ 6000 رجعت ورحت أسواق المجد ولقطت من التيشيرتات الحلوة :) وكان السوق مولع نار عشان العيد فما رحت للماركات ، وطلعت في نفس اليوم بيلس شريت شنطة سفر ثنتين ، وجزم منوعة يعجبني بيلس في الجزم :) كلها 2000
رجعت للبيت معي 2000
كانت صدمت أمي أقل :) :)
باقي 12000 خليت السوق لين برد شوي بعد العيد لأني تزوجت في شهر 11 رحت شريت لي فستانين بـ 900 والثاني بـ 850 لأني ما أحب التكلف في الخلق :)
وشريت من العيسائي ثلاثة أطقم زيارات .. كلها ماجت 3000
باقي معي 9000 وباقي على زواجي أقل من شهر رحت أكمل النواقص عبايات جلابيات رحت العطار والصيدلية أجمع من اللي أنتم عافينة كريمات شمبوات ، وبروان ، مشابيك ، فرشة ، ..... وهاللأمور المعروفة سابقا
قفلت شنطتي قبل زواجي بأسبوعين ، وباقي معي من المهر 3000 أخذت منها ألف ضيافة عندي ، والباقي دخلت به حياتي ، وإلى الآن وهو عندي :)
___________________________________
ومن تجربة يا بنات انا ما أروح السوق إلا كل ثلاثة أشهر
بس أتبع قوانين :
1- ما أطلع إلا كاتبة اللي أبي وفي ورقة حتى أخوي زعل مرة يقول فشلتيني بهالعريضة اللي معك .
2- مستحيل أشتري غير اللي كتبته حتى لو شفت شي حلو .
3- أروح أيام التخفيضات
4- أحدد الأسواق اللي بروح لها يعني مثلا أنا متعودة أشري من بدي شوب أشياء الجسم قالوا لي عن نكتار بس عمري ما رحت له :) لو شفت جزمة حلوة بالهرم مثلا بريالين ما أرشيها خلاص أن جزمي من بيلس
5- أعطي كل شيء قيمته يعني ملابس الزيارات نشريها غالية : ملابس البيت إذا أنت عروسة ممكن
بس ملابس الدوام من الأسواق الي تحمل الكدة
6- ما أشري عشوائي ، ولا أشري جديد إلا مطلعه من دولابي بدل أحيان ودي بالسوق ، وودي بملابسي فأطنش السوق ساعتها
7- أكون سريعة في اتخاذ القرار أمر أسعر السوق بعدين أقرر وش أبي . وسبحان الله اللي شريته مو مقتنعة فيه أيام جهازي بس بشور أختي ... ما لبسته لأني أحسه مو مناسبني
8- استشيري قبل تروحين السوق
طولت عليكم ، ولكن أتمنى أفتدكم تصدقون أمي مي مصدقة كيف صار جهازي هههههههههههه تقول ليلة العرس معثقولة سهل كذا أنت متأكأة ما ناقصك شيء ههههههههههههه
ياللي أعطوني تجاربكم :)
زوجي يقول أبشري بالسوق اللي تبين :)
خياطة @khyat
محررة
يلزم عليك تسجيل الدخول أولًا لكتابة تعليق.
خياطة
•
:( ما فيه ولا رد ما أحد أعجبه الموضوع :(
ماشاء الله عليك
زوجي يكره السوق
عنده عقده منه من قبل لا اتزوجه
كل شي زين إلا هالنقطة
الله يسخره لي
زوجي يكره السوق
عنده عقده منه من قبل لا اتزوجه
كل شي زين إلا هالنقطة
الله يسخره لي
ماشاء الله تبارك الله
والله انك سنعه
انا مستحيييل اروح وفي بالي شيء اروح عشوائي واخطط وارجع وبعدين انفذ بعد ما اخذت كم قطعه عالماشي هههه
تسلمين على سرد اسلوبك الرائع بالتسوق والله يتمم عليك السعادة بالدنيا والاخره
.
والله انك سنعه
انا مستحيييل اروح وفي بالي شيء اروح عشوائي واخطط وارجع وبعدين انفذ بعد ما اخذت كم قطعه عالماشي هههه
تسلمين على سرد اسلوبك الرائع بالتسوق والله يتمم عليك السعادة بالدنيا والاخره
.
كالوري
•
ماشاء الله عليك
فعلاً التنظيم مهم وله ايجابياته والمفروض نطبقه بكل امور الحياة
بس تدرين وين المشكله .. بأننا نلف كذا سوق وكل المحلات طمعا بالأحلا والأشيك
موضوعك رائع وبيفيد عرايسنا الجديدات
فعلاً التنظيم مهم وله ايجابياته والمفروض نطبقه بكل امور الحياة
بس تدرين وين المشكله .. بأننا نلف كذا سوق وكل المحلات طمعا بالأحلا والأشيك
موضوعك رائع وبيفيد عرايسنا الجديدات
التنظيم وترتيب الاحتياجات يجعل روحة السوق سهله وسريعه
اما الزوج فزوجي ما يحب السوق عشان المناظر والمتبرجات الي فيه يعني لو عشر دقايق ما يتحمل
عشان كذا اروح لحالي او مع اخواتي احسن لي اخذ راحتى واتقضى على مزاجي واذا خلصت دقيت عليه
اما الزوج فزوجي ما يحب السوق عشان المناظر والمتبرجات الي فيه يعني لو عشر دقايق ما يتحمل
عشان كذا اروح لحالي او مع اخواتي احسن لي اخذ راحتى واتقضى على مزاجي واذا خلصت دقيت عليه
الصفحة الأخيرة