كيف تنظفون البيت ووطريقة تهوية الغرف

الله يرزقنا واياك يارب
واذا تقدرين تغيري الزوليه اللي فيها ريحه واذا ماتقدري وديها مغسله يغسلونها لك ويجففونها وان شاءالله تزبط واذا تقدري تشتري تحف وزينه للمطبخ والبيت واهم شي النظافه والله يقوينا ويعيننا


سبحان الله وبحمده 🌹سبحان الله العظيم

الله يبارك لك امين


أول شي تعمليه تخلصي من الكركبة و أي شيء ما له لزمة في المطبخ و الغرف و الحمامات و انتي بكرامة


بعدها نظفي تنظيف عميق



الغرف

فرغي الدواليب من الملابس طبعا بعد ما تخلصتي من الملابس الي ما تحتاجيها فرغي الدواليب و امسحيها بديتول مخفف و خلي الدواليب مفتوحة عشان تنشف رجعي الملابس و اعيدي ترتيبها و ممكن تستخدمي مقسمات او سلال و لو حابة طيبي الدواليب من الداخل بعطرك المضل او وزعي صابون مبشور او مسك مبشور بأكياس قماش صغيرة و وزعيها داخل الدواليب

بعدها لفي على كامل الغرفة مسحي الدواليب و التسريحة و كل قطع الاثاث بديتول مخفف و حطي على الدواليب من فوق قصدير عشان بعدها بفترة تشيليه و بكذا ما يتجمع الغبار و اخر شي اكنسي الارضيه و لو ارضيتك سيراميك امسحيها بمطهر و لو سجاد اكنسيه بالاول و بعدها جيبي الفرشاة الخشنة الي زي المكنسة و غطسيها بمطهر مخفف و افركي بها السجاد بعكس اتجاه الشعر حيطلع كأنه جديد عن تجربة و لو قدرتي تغسلي الستارة فكيها و اغسليها و دخنيها بالبخور و رجعيها و اخر شي انفضي الفرشة و لبسيها ملحف نظيف و مبخر


المطبخ

فرغي الدواليب بالكامل و اتخلصي من البهارات القديمة و العلب القديمة و أي اواني خلاص ما تحتاجيها مسحي الدواليب من داخل و برا بمطهر مخفف و صابون و بعدها امسحيها بفوطه مبلولة و اتركيها مفتوحة لحد ما تنشف و لبسي الدواليب من جوا و انتي براحتك ممكن تحطي مشمع ممكن قصدير ممكن ورق سميك و عيدي اغراضك جوا و خذي لك منظمات سلال او أي شي ممكن يرتب لك المكان و يوفر لك استغلال حلو للمساحة


و دايما خلي تنظيفك للغرف اول شي تمسيح الاسطح بعدين تبديل الشراشف و اخر شي الكنس و مسح الارضيات و التنظيف العميق من اسمه تنظيف شااااامل



و لو تقدري بدلي في بعض قطع الاثاث غيري الوان الصبغ او حتى غيري اماكن الاثاث حتحسي بالتغيير

بالنسبه لريحة السجاد ممكن تستخدمين بودره خاصه للسجاد قبل ماتكنسين أما باقي الأرضيات عندك منظفات بروائح مختلفه خذي حسب ذوقك
الأغراض والملابس لازم لها جرد

جزاك الله كل الخير

يمكن بيتك دور ثالث
انا جربت السكن بالدور الثالث لازم تنظيف وتهويه يوميه
ومع المعطرات زي ايرويك والفواحات ما بتحسي بشي
وهالاحساس اكثر شي وسوسه نفس شعوري الله يكون بعوننا