بسم الله الرحمن الرحيم
السلام عليكم ورحمة الله وبركاته
الجهاز اللي حنشتغل عليه هو هادا
وحنستخدم عدة الصابون المغربي اللي تجي في علبه مع بعض
أول شي حطي في شعرك أي نوع حمام زيت
تاني شي حطي في وجهك صنفرة الوجه ...
وبعدين زي ما انتي شايفة السونا مقسمة لقسمين ... الخيمة الكبيرة وجهاز البخار ...
حطي موية في الجهاز وممكن تحطي شرائح ليمون معاه وبعدين خليه قدام وجهك بس بعيد حبتين عشان لا يحرقك وحطي منشفة من فوق راسك وأدخلي الأنبوب حق البخار معاكي يعني سوي خيمة ما فيها غير وجهك وأنبوب البخار ,استنى شوية الين ما تتفتح مسامات وجهك حوالي خمسة لعشرة دقايق
أفركي وجهك كويس وأمسحه باسفنجة مبلولة بموية حارة وحطي في وجهك قناع ... أنا اعمل قناع عبارة عن زيت زيتون وليمون وعسل وشوية شوفان وخل تفاح
بعدين أشبكي الجهاز بالخيمة الكبيرة وحطي الصابون المغربي السائل على جسمك وأدخلي السونا نص ساعة
يتبع
طبعا تكوني مشغلة السخان في الحمام ... تغسلي الصابون من جسمك بالموية الحارة ... وبعدين تجيبي قفاز الفرك ... شخصيا عجبني حق بودي شوب ... وتفركي جسمك كويس وحتشوفي الوسخ يطلع
وبعدين تغسلي جسمك تاني ... وتحطي عليه الطين المغربي وممكن تحطيه على شعرك كمان .. انا ما اعرف ايش اسمه بس هو يجي في العلبة وتفركي بالحجرة اللي تجي معاها رجولك وأماكن الخشونة
وتغسلي جسمك تاني بالموية.. وآخر شي تغسليه بالصابونة اللي تجي مع العلبة برضو وطبعا وجهك كمان
وبعدين مرري على وجهك شوية موية باردة أو ثلجة عشان نقفل المسامات ...
نشفي نفسك وحطي كريمات معطرة لجسمك ..
ولا تنسي بديكير لرجولك وأظافير يدك وكريم مرطب للوجه
ونعيما يا عسل