حابه اطرح موضوع يخص كل ام ويكون فايده واستفاده لنا ..
طبعا كل ام مهتمه باطفالها في لبسهم و طريقة نظافتهم
الموضوع انو ... كل ام تدخل تعلمنا كيف تهتم باطفالها من اول
مايصحون من النوم لين ماينامون , بالجدول اليومي والاسبوعي
والشهري .. اكيد مافهمتوا علي
اقصد اي منتجات اطفال اوغيره عناية البشره والشعر تستخدمينه لاطفالك ؟؟
اللوشن + البودره+ العطر+ كريم شعر+ الزيت + الخلطات
الطبيعيه اللي تسوينها لهم + ترطيب ركب واكواع اطفالك بايش ترطبينها وكيف لونها موحد مع الجسم ولا غامقه + طريقه معينه معوده عيالك عليها
ومدحوكي الناس فيها.؟
انا راح ابدا وابي منكم تفااااااعل .....
1_ الجدول اليومي:
!_ اول مايصحون من النوم اكون محضره ملابسهم على طول
عالحمام اغسل شعرهم بشامبو بيبي جونسون الاصفر لادموع بعد
اليوم..وبعده اغسلهم ببلسمي الخاص هيربل اسنسز يعطي شعرهم
ريحه جناااااان الكل يسالني عن ريحت شعرهم عبالهم احط لهم
مخمريه هههه..
2_ جسمهم اغسله بجنسون السائل الازرق وافرك جسمهم بليفه
اخذتها من الصيدليه على وجهين ناعم قطن + وجه خشن , انا
افرك بالناعم ..
3_ اجففلهم جسمهم تمااااام وادهنه بلوشن جنسون الوردي واحط
بودرة على رقبتهم واذنهم طبعا طبطبه بعلبة البودره اللي شكلها
دائريه ومعاها قطنتها على شكل ريش صغير تباع في النهدي
فاضيه بدون بودره انتي تعبينها .. خاصه للجسم وطبعا بودرة في
البامبرز وبنتي احطلها بودرة في كلوتها للاحتكاك وكمان تعطي
ريحه حلوه لها انا طبعا معودتها بعد كل حمام تتجفف تمام وتحط
بودره عشان لا تسودلها المنطقه والحمد لله مشيت على نظامي ..
4_ البسهم ملابسهم وارشلهم من عطر جنسون الاخضر او الازرق
او الوردي منوعه وادهن رقبتهم و ورى اذنهم واكتافهم ومناطق
النبض بمسك عبد الصمد القرشي صرااحه ممتاااز برضوا كثيير
يسالوني عن الريحه المميزه في عيالي اللي سرها اللوشن و
البودرة والمسك . والله يابنات من غير مدح في نفسي كل اللي
حولي يحسدني على اهتمامي باطفالي والحمد لله ماشيه وحظل
ماشيه على هذا الاهتمام .. اتمنى تصيروا زيي واحسن مني بعد,
لاني الاحظ امهات كثير يحممووهم ويلبسوهم والله حتى البودره
مايستخدموها..
5_ ارش بودرة جونسون في رجلهم والبسهم شبشب البيت القطني
او شراريب البيت ((-- ربع ساعه وكل واحد في حدا
6_ ادهن شعرهم بكريم دابر فتيكا المغذي واسرحه ..
وبكذى يكونوا جاهزين للعب ..((-- الله يعين راسي على الازعاج
7_ ادهن شعرهم قبل النوم بزيت نباتي بصراحه شفت نتايج مبهره منه يطول الشعروينعمه ويغزره ويعطيه لمعه ..
8_ ادهن جسمهم بزيت زيتون يقوي عظامهم ويوحد لون بشرتهم هذا اللي لاحظته ..
الخلطات خاصه لفوووق عمر سنتين...
الجدول الاسبوعي:
1_ خلطه زيتيه للشعر: زيت نباتي +زيت زيتون+ زيت
خروع+زيت اللوز الحلو+اللوزالمر , تنخلط كلها وتحطينه على
شعرهم وتغطينه بطاقيه نايلون مدة ساعتين .
2_ استخدم لهم كمان حمام زيت دابر فاتيكا احطه عالشعر واغطيه
بالطاقيه مدة ساعتين واغسله .
3_ واستخدم كمان : موز ناضج مايل للخراب + ملعقه
زبادي+ زيت نباتي حسب طول شعر اطفالك تخلط بالزيت لا
تظيفين مويه وتغطينه بالطاقيه وتترك في الشعر ساعتين وتغسل.
الجدول الشهري:
1_ استخدم هالخلطه مره في الشهر لان شعر بنتي شوي جاف
وهذي تجفف الشعر شوي بس تغذيه وتطوله ..
حنا+ زبادي+كركم + موية قشر البصل الاحمر + زيت نباتي
تنخلط وتوضع على الشعر يغطى بالطاقيه وتترك ساعتين ..
اكيد مستغربين من المقادير
اولا : الحنا معروووف من جدوود جدوودنا مايحتاج اتكلم عنه
وعن فوايده سواء للشعر او للجسم , الزبادي تغذيه , الكركم لتغيير
اللون انا ما ابي لون شعر اطفالي يصير احمر يعني لو ماتبينه عاتي ..
وقشر البصل تاخذينه تحطينه على كوب مويه في القدر
وعلى نار متوسطه لين يغلي صفيه وحطيه فوق الخلطه بعد مايدفى
برضوا لتغيير اللون شعر عيالي لونه بني خطييييييير هذا اللي لاحظته .
اتمنى اكون افدتكم ويلا يافراشات فيدوني باهتمامكم باطفالكم ..
ودعواتكم لي بان الله يزلزل اللي اذتني انا وزوجي وعيالي ويرد اذيتها في نحرها بما شاء اللهم امين....
__________________