كيف تهتم العروس بنفسها؟؟؟؟

:(وين العرايس؟؟؟؟؟؟؟؟؟؟؟؟؟




لا اتفشلوني عاد وحده اترد عالاقل ولو جبر خاطر:44:

هلا عيون العالم
اولا ترى المنتدى فيه كل شيئ عن العروس يعني لو تصفحتي فيه بتلاقين اشياء كثيره ,,,

ومع ذلك انا بقولك اشياء خفيفه جالسه اسويها لان زواجي باقي عليه 5 شهور اوكي
----------------------

بالنسبه للبشره

انا الحمد الله بشرتي دهنيه وصافيه يعني بس استعمل تفتيح له مثل اقطع شرائح الخيار واحطه على وجهي ورقبتي لمده ثلث ساعه وهو احسن شيئ لتفتيح البشره

وبعد شرائح البطاطا لمده ثلث ساعه

وفي انك تحطين لبن زبادي على وجهك اذا تعرضتي للشمس

وبعد حطي لبنه على وجهك وفوقها شرايح الخيار تلاقين وجهك فتح لونه

وترى كل ذولي الاشياء انا مجربتهم وبعد مواد طبيعيه يعني اذا ما نفعت ما تضر

واذا تبين نصيحتي اعصري كذا خياره وحطيه بصحن في الثلاجه وكل يوم امسحي وجهك فيه حتى اذا حطيتي مكياج امسحي وجهك فيه والله يفتح وجهك مرررررررررره

____________________

الجسم والله الى الحين انا ما سويت شيئ بس انتي قبل العرس بشهرين سوي حمام مغربي كل اسبوع

واعملي خلطات كل يوم شيئ على حسب نوع جسمك وهنا بالمنتدى في كثير من الخلطات شوفي اللي يناسبك وسويه لاني ما ابي اعطيك شيئ ما جربته وما اظمنه
---------------------------
الشعر

شوفي انا شعري دهني وناعم جدا بس عيبه انه مو كثير

علشان كذا انا ابيه بس يكثر ويطول وانا احط عليه خلطات من زمان من قبل الخطوبه لاني اصلا بعد ما اصبغ علشان كذا مرتاحه عاد انتي براحتك تبين تسوين مثلي والالا ,,,,,

انا كل يومين احط على شعري حمام زيت وهو يطول الشعر بسرعه

واحط ملعقه من اربعه انواع من الزيوت <زيت الزيتون وزيت الخروح وزيت اللوز وزيت جوز الهند >

واحط على شعري مره في نص الاسبوع شيئ اسمه <الكثيره > وهي مثل القطع تنقعيها في مويه من قبل بيوم بعدين تخلطيها بزيت يكون زين للشعر وانا خالطه معه زيت الجرجير وتعطينه على الشعرك لمده 3 ساعات وبعدها تغسلينه وهذه الماده تكثر الشعر وتلاقينها عند العطارين

وانا بعد كل خميس احط على شعري حنه وبصل وجرجير مع بعض علشان يطول ويكثر الشعر
وهذه الطريقه
اجيب الحنه واحط عليها شاي مر وملعقه نسكفيه وزعفران شويه وملعقه لبن زبادي < وهذولي علشان يخلون شعري لونه كستنائي >
بعدين اقطع البصل قطع واجيب الجرجير واحطه بالخلاط لين يصيرون مثل المويه واكبه على الحنه < وترى معروف البصل ممتاز بس كان عيبه ريحته على الشعر علشان كذا حطينا جرجير لانه يمنع الريحه وايضا ممتاز للشعر >

واحطه على شعري لمده 3 ساعات

شوفيه عاد النتيجه لو تسوينه كل اسبوع كذا يكثر شعرك ويطول ويصير لونه كستنائي

_____________

اما عاد النفسيه هذه اذا عرفتي علميني لاني انا ابي
--------------------
وعندك الرموش العين اذا تبينها تكثر حطي زيت خروع حق الاطفال من الصيدليه وكل يوم مرتين جيبي فرشاة المسكارا وكانك تمسكرين رموشك ليل ونهار وراح تشوفين النتايج في اسبوع ,,,

______________
والاكواع والركب اذا هي سمراء حطي عليها فازلين + ليمون وحطيه عليهم لمده 3 ساعات قبل الحمام
ودايم افركيهم باليمون
يروح الاسوداد تقريب اسبوعين
___________

والله هذا اللي عندي الحين وفي كثييييييييييييييير مكتوب هنا انت دوري وشوفي وان شاء الله اذا سويت شيئ بعد اعلمك اوكي

مشكووووووووووووووووره الله يوفقج ويسعدج

يالله دور العروس الثانيه:55:

هلا عيون العالم ..
أنا عرسي تقريباً بعد 5 شهور ..

ومن بعد الملكة بديت أسوي لي برنامج عناية شامل .. :27: وهو كالتالي :

البشرة :
قناع زبادي ، مع الاهتمام بالتقشير الأسبوعي .. مع غسلها بماء الورد يومياً ..
وحاجزة موعد عند دكتورة جلدية لين الحين ما بديت
وأيضاً مجهزة خلطة رهيبة جداً الكل يمدحها ومجربينها عرايس غيري يقولون أنها تصفي البشرة وتبيضها وهي خلطة الورس مع النيل وماي الورد ..
بس عاد اختج كسولة وعجازة لين الحين ما بديت فيها ..

الشعر :
كنت من قبل الخطوبة احط على شعري مايونيز بالثوم يومياً لمدة ربع ساعة قبل الاستحمام ولاحظت أنه بدا يطلع لي شعر في الأماكن الفاضية وخاصة من الأمام وبعدين اتوقفت عنه ..
الحين من شهرين تقريباً وأنا أسوي حمام زيت ليلي مكون من زيت زيتون مع مسحوق الحبة السودا .. سويت كمية كبيرة وبديت أول شهر أغرق بها شعري كل يوم قبل ما انام واغطيه علشان يعرق واغسله الصبح بشامبو ( على فكرة استخدم شامبو السدر انتاج إيراني واحسه وايد ناسب شعري لأنه ما يجففه مثل ما كان يسوي هيد آند شولدرز ) يعني بعد ما اغسل شعري يطلع كأنه مسشور .. الشامبو روعة صراحة ..
وإذا احتجت خلال اليوم ادهنه استخدم كريم براشوت الأزرق بجوز الهند .. ريحته تجنن وجوز الهند مفيد للشعر خاصة إنه غير دهني ..
والحين ناوية أسوي حنا لشعري من خلطة أشووواق لأنها عجبتني والبصل ممتاز للشعر بس الله يعيننا على الريحة ..

جسمي :
كنت مسوية خلطة زيت الزيتون وعصير الليمون والسكر .. ممتازة بس مليت منها ..
الحين منتظمة على حمام مغربي كل أسبوع أسويه ولاحظت أن أماكن وايد اتفتح لونها ..
على فكرة اكتشفت أن صابون الطاووس له نفس مفعول الصابون المغربي .....

اممممممممممممممممم شو بعد ..

على فكرة لا تنسين الرياضة ..
أنا كسوووووووووووووووووووووووووولة في موضوع التمارين الرياضية .. تميت فترة مداومة على بعض تمارين البطن والأفخاذ بعدين مليت .. واكتفي الحين إني أمشي كل يوم ساعة تقريباً .. والمشي ممتاز
النفسية :
متقلبة .. ما له حل .. بس لما يتصل زوجي احس أكون في قمة السعادة .. ولو ما كنت كلمته خلال هالفترة ما اعتقد إني راح اسوي كل ما سبق :27:
واتوقع تسوء مع اقتراب الموعد .. عاااااااااااااااااد حبيبتي طبيعي .. :17: :27:

اللع موضوعكم وايد حلو و عجبني

انا بعد و الله حابة التزم ببرنامج معيم لاني ما بقى شئ عن عرسي
تقريبا شهر

و ما عندي فاقة ان اسوي هالاشياء بس في خاطري ان احصل على جدول مرتب اتبعه

لانه والله الدوام هاد حيلي و بالاضافة اللي الاستعداد للعرس من مشتروات و حاجات

علشان جي مب محصلة ان التفت للعناية الشاملة لبشرتي و شعري و جسمي

بس انتو اللحين شجعتوني


شكرا لكم

عيون العالم

اشواق

miss_it