أهلا ياأجمل الآنسات الي عرفهم التاريخ💗.
_______________________
مستحيل اي انسانه ماوصلت لنفسها ماتفكر ب
انها تجرب ترسل توقيعها لمحللة شخصيه عشان تقول لها اذا هي ذكيه ولا اجتماعيه ولاايش بالضبط
( نصابين لاتتعبين نفسك).
انها تروح تسوي تحليل شخصيه.
وغيرها من الاشياء بإختصار : تحاول تعرف نفسها وشخصيتها من نظرة غيرها🎯.
وهذا مرفوض تماماً في حبك لذاتك وهو انك مو محتاجه تسمعين من انتي في راس غيرك✋🏻🧚♀️.
اصلا احياناً الموضوع يكون سلبي لك يعني مثلاً انتي تشتغلين انك تتركين عاده معينه ويجيك احد ويقول انك تسوي العاده الفلانيه وتكون نفسها العاده الي انتي تحاولين تتركينها ب كذا راح يجيك احباط انه يالله يعني معقوله مالاحظوا اني تغيرت😢✋🏻.
______________________
وبكذا يكون تغيرك ٣٦٠ درجه تدرين وش يعني؟
يعني رجعتي لنقطة البدايه ماتغير شيء😅.
_______________________
وش اسوي اجل؟
انتي مو محتاجه تغيرين واقعك ابداً ولا محتاجه تغيرين اشخاص قاسيين عليك ولكنهم مهمين بحياتك مثل امك وابوك واخوانك واقاربك اما غيرهم اذا مالهم حق عليك شرعاً طلعيهم من حياتك وخليهم يسكرون الباب لاتسكرينه انتي 😅.
_______________________
اذا كانت المشاكل الي تنغص عليك حياتك ماتخليك
تكملين اشياء انتي تحبينها مثلاً تواصلين تعلم هوايه معينه او شيء 🏅.
محتاجه انك تحاربينها بسيف الاصرار والاراده وانك تبين توصلين للشيء الي تبينه باليقين والمثابره لان الحياه لما تحاربينها مع الوقت بتشوفين ان خصمك هين لين مايحتاج كل هذه الاهميه وان الدنيا ولاشيء✋🏻💗.
___________________
اي انسان مثالي راح يكون مثالي في ظل اي ضغوطات بالحياه محتاجه مثال؟ تفضلي:
نبينا صل الله عليه وسلم اكثر انسان مثالي مر على وجه الارض 🏅💗.
مابقى هم مااصابه جرب الفقر واليتم وقذفوه في عرضه(حادثة الافك) وآذوه ورموه بالحجاره وطردوه من ارضه وقالوا عنه ساحر ومجنون وسخروا منه في موت اولاده ....الى آخره💗.
صلوا عليه :(عليه الصلاة والسلام).
ومع ذلك كان يضحك ويبتسم ومتفائل وواثق بالله تعالى💗.
صحيح ان هذا هو النبي صل الله عليه وسلم ولا احد مثله
ولكنه في النهايه قدوتنا عليه الصلاة والسلام❤️.
________________________
المطلوب منك فنجان قهوه وقطعة حلا مثلك
وجلسه هاديه ودفتر وقلم ❤️.
اكتبي وش حابه تسوين اهداف ومهام وجداول عنايه وعادات تبين تكتسبينها❤️.
________________________
ممكن كل ماحسيتي بالحزن تكتبين رساله لنفسك في المستقبل تفائليه او مقوله محفزه وتسكرين الورقه وتحطينها بعلبه وهكذا💗
______________________
بعد فتره اذا امداك حطيتي اوراق كثيره دخلي يدك وجربي وشوفي وش الكلام الي بيطلع لك❤️.
وحطي مكانها ورقه رساله للمستقبل❤️.
وانتبهي اذا قريتي الورقه وخلصتي ترمينها بالزباله وفيها ذكر الله تعالى🎯✋🏻.
__________________________
بس هذا موضوعي اهم شيء هو انتي❤️
مو انانيه ولكن اذا انتي ماحبيتي نفسك مارح تحبين غيرك لاتدورين عن نفسك في رأس غيرك وفكرته عنك لانه راي والرأي يختلف من شخص لآخر اشحني طاقتك بالقرآن الكريم❤️.
صلوا على رسول الله صل الله عليه وسلم💗
اذكروا الله تعالى لا اله الا الله محمداً رسول الله💗.
الى اللقاء
-آنستازيا💗
