انا بعد اريد اتعلم

لاني مسرررررررررفة

يا كثرنا يا المسرفات..

أنا اسمحولي .. محد مثلي كان مسرف..

وسويت لنفسي طريقة.. غيري يقولون انها ما تناسبهم
بس شوفو وقيسوا على انفسكم

أول شي الراتب ما اسحب منه ولا ألمسه أو أيامه
لأنه سبحان الله اول ما ينزل الراتب الواحد تكون
عنده حمى صرف.. خصوصاً لا سحبتي ورحتي
السوق العالم كلها تشتري ويعطونك حوافز
وتتسوق معاهم ..

أخليه أربع خمس أيام .. لحد مايروح الحفوز <-- بمعنى اصح الشفااااحه

وبعد هالشي يشجعني اكثر اقول اليوم 5 الشهر وراتبي كامل للحين
وأصير احاتيه اكثر

ثاني شي انا ما اسحب .. استخدم بطاقة ATM بالتسوق..
لأني إذا حطيت فلوس في إيدي كل شوي بينقصون وحتى
وأنا قاعده في البيت يا برسل شي من البقالة..

لكن البطاقة ماسكه ما تمشي إلا بالسوق..

إذا بروح الجمعية أروح وقت الزحمه عشان
يكون ودي اخلص وأطلع وبالتالي ما اشتري
اللي ابغيه واللي مابغيه..

تعاليلي لو طبيت جمعية الظهر وهي فاضية
أطالع هذا المنتج وهذاك وأقرا هذا لوشو!!

وأقول باخذه يمكن احتاجه!!

إذا قررت اروح السوق عشان اشتري ملابس!!
أسحب ألف مثلاً واقول ما بعديه!!

لأني ادري بيعجبني كل شي وبقول ماعليه
هذا عاجبني!! فأصير احاتي الألف عشان
اقول ما بيكفي احتياجاتي الفعليه للبس!!

يعني لو لعبت بشتري سكارف!! وأنا ما أستخدم
السكارفات إلا نادر.. بتعجبني شنطة وانا الكبت
حالياً متروس شنط!!..

أحاول أقاوم..

سالفة الجمعية حلوه للي يقدر انا ما احب ألتزم

أهم شي لا تنسون تخصصون صدقة بسيطة
من مصروفكم ورواتبكم عشان الله يباركلكم
فيها هالفلوس