ام عبودي ولولي
•
الله يعين
شوفي انا ابقولك طريقة بس مادري تعجبك اولا الناس زمان ايام الفقر ترا مايعرفون المعلبات الا بالمناسبات تدرين اغلب الناس زمان يفطرون على مرق وخبز ايدام طماطم او عدس او فول واشتري علبة طحينية الكبيرة والزيتون اشتري تنكة انا اذكرة من زمان 40 يمكن الحين ارتفعت بس حلوة حطيها بالثلاجة وكل يوم خوذيلك مغرفة الصلصة اشتري العلب الحديد الكبار اوفر وارخص الغدا مو لازم يوميا لحمة ودجاج 3 ايام خليها بدون دجاج ولحم والله اصح حتى للهرمونات اللحوم لعبت بهرموناتنا يعني خليها ايدام وسلطة والرز خلية مثلا مقلوبة خضار بس الخضار مو لازم الاشياء الغالية عليك بالبطاطس والباذنجان والقرع والجزر اشتريهم من الاسواق الكبيرة اللي فيها بساطة مو سوبرماركت لا واذا اعجبك شي كثري وفرزنية اشتري كميات كبيرة لان الكميات الكبيرة تجي ارخص واوفر والعشاء مو لازم يوميا صينيات لا اختصري زبادي بيض مسلوق يعني لاتحطينهن مع بعض لا يوم زبادي يوم بيض وهكذا يوم حمص يوم متبل وسلطة عادية اشياء بسيطة مرة اوفر وارخص واشهى وفية انواع معكرونات رخيصة زي مكرونة الامارات يجي لون كيسها كحلي وتجيك المكرونة نحيفة مرة حلوة مو لازم دائما حلى لا ركزي دائما على الحلويات السهلة زي البسبوسة حلى السنابيس اختصري ولاترهقين نفسك اهم شي شي يملى بطنك ويسد جوعك ومافية مشكلة مرة او مرتين خلال الاسبوعين تسوين لك شي طلباتة صعبة شوي عشان ماتحسي بالحرمان والبصل اشتري كيس كبير مرة او كيسين يكفي لاخر الشهر اطفالك لاتعوديهم على البقالة الا مرة بالاسبوع اشتري لهم عصاير كرتون ارخص او انت اطحني بنفسك احسن وارخص شوفي العثيم اذكر اول يوم الاثنين يسوي تخفيض على الفواكة والخضار كيلو والثاني مجانا بس يوم الاثنين من كل اسبوع بس مادري اذا غير الان او لا روحي اول العصر عشان الناس ماتضف الخضار الزينة ولي عودة
الصفحة الأخيرة