صباح الخير ياأحلى عالم بالدنيا كلها .....................
أبقووولكم قصتي أو بالأصح معركتي ومايستفاد منها عشان تطلعون بنتيجه أرجوووكم كملوا القصه للاخر
تراها مو زي القصص اللي نقراها كل يوم ...........عموما راح أبدا فيها وأختصرها قدر استطاعتي.......أنا عندي وحده من خواتي كانت تغار مني كثير وأنا أصغر منها بكثير والمدلعه عند أهلي وماكنت اهتم
بغيرتها كثير لكن بعد ماتزوجت زادت الغيره خصوصا أني توفقت وهي لا وأنجبت أول طفل ولد وهي عندها بنات كثير
المهم أنا على نياتي وماكنت داريه وتزيد غيرتها اذا حملت المهم جاني توأم بعد الطفل الأول وتوفيوا الأثنين
الحمدلله وبعدها حملت على طول وولدت طفلي وصارت مشاكل وراح طفلي للي خلقه بعد شهرين بدون
سبب طبي وأنا راضيه الحمدلله وبعدها أنتبهت لأختي وغيرتها الشديده مني وكانت تحاول تغري زوجي
عشان يتركني وكانت تدخل عليه فجأه وتسوي نفسها مو داريه وتقول كلام عنه صعب أذكره
وأنا قلت حدها عند زوجي وبس لازم أوقفهاعند حدها .........................وجلست أفكر كيف أتقي من شرها
وبعدها أتبعت عدة طرق وهي1_التحدث معها بالكلام الحلو والرقيق والابتسامه .... ومدح أبناءها وملاعبتهم.......
2-شراء الهدايا لها ولأولادها خصوصا أني بعيده عن المنطقه اللي ساكنه فيها مع أهلي
3_الأتصال والاطمئنان عليها وكأنها أغلى الناس عندي ............
4_شكوى الحال لها عن معاملة الزوج أو ظروووف الحياة بدووون مبالغه وبشكل عااام وطبعا أخذه الأذن من زوجي
يعني مثلا أقوول زوجي عصبي ألخخخخخ أو عنيييد
ولا أنسى أهم شيء وهو الدعاء أن الله يكفيني شرها وشر غيرها من أرادني بسوء وسبحان الله مع الوقت بدأت تتغير وتهتم بي وبطفلي وتكون معي بدلا من ضدي والحمدلله قدرت أحولها من
حاسده الى محبه بفضل من الله وصرت أعز أخواتي عندها والحمدلله جبت طفل بعدها
والان عايش وطيب والله يخليهم لي ...............
وأنا كتبت هالكلام عشان بعض الأخوات اللي يشكون أزواجهم وحمواتهم وسلفاتهم ويشفون كيف تتغيير
النفوس بأشياء بسيطه لو كلنا سوينها كان أختفى الحقد والحسد من الأرض وأهم شيء حسن التعامل
مع الأخرين ولين الجانب له أثره الكبير على الأشخاص القريبين والبعيدين ..................
وطبعا في أحداث ماحبيت أذكرها لأحترامي لذوق قارئات الموضوع وسلامتكم :27:..................
