كيف حياتكم بدون اطفال... ربي ارزق كل محرومة ياواسع الفضل

مساء الخير اخواتي
كيفكم ان شاء الله كلكم بصحة وعافية
انا متزوجة لي اربع سنين وطالعة فالخامس ولسة مارزقت باطفال.
اول سنتين ماكنت احس اني زعلانة وكنت مو متاترة بالموضوع يعني مش من البنات اللي من اول سنة تروح دكتور وتجري ورا العيادات.
كنت مخلية الموضوع علی ربنا ولله الحمد. بعدها طبعا بدات الاسءلة مع اننا فب غربة بس برضو بدء الزن من اهلي واهل زوجي ورحنا عملنا كل التحاليل و مفيش اي سبب لعدم الانجاب كل تحاليلي وتحاليل زوجي سليمة و قنوات فالوب والرحم سليم وكل مايخطر لكن عالبال .
طيب شو الحل.... حاولو سنة اخری وادا ماحصل حمل تعالو.... في البلد الازروبي اللي احنا فيه مابيعطو ادوية بسهولة وبيفضلو الطرق الطبيعية خصوصا كل شي سليم... بعد السنة رجعنا وقالو حنبدا بالتلقيح... عملته 3 مرات بدون فايدو... الحمد لله علل كل حال.
الحمد لله انا وزوجي راضيين و انا اتمنی طفل اكمل بيه حياتي بس مقتنعة ان موكل حاجة يبغاها الانسان حينولها... لدرجة اللي حواليا مستغربين صديقات او اهل اني مسلمة امري لله بشكل كبير... بحاول وبعمل بالاسباب ولو ربي اراد يرزقني فله الحمد والشكر.... بعد سنة خجوبة وسنتين ملكة علی مااوراقي تجهز وخمس سنين زواج وصلت لل 34 سنة... وصرت بحس ان نسبة حملي بتضعف بس برجع اشوف بنات في سني واكبر ولسة ماتزوجو اصلا فبحمد الله.... وبشوف بنات اكبر مني تزوجو علی مشارف الاربعين وانجبو وبتفاءل خير.... بفكر في زوجي بنحب بعض جدا ... بس لو هو راضي اهله حيوصل وقت معين لو ماخلفتش وحيزنو عليه بالزواج.... كيف حتقبل الوضع... وهل حكون انانية واقول ياانا يا الزواج او حصبر والمهم اشوفه مخلف ومرتاح..... افكار كثير بتجول في بالي .. وبقول لو ربي مارزقني الاطفال كيف حكمل حياتي في الغربة.... انا الان بشتغل ومبسوطة بوظيفتي بس بعد 5 و 10 سنين كيف حكون لوحدي تاني ولا حكون مع اطفالي..... حكون راضية مثل الان ولا حكون زعلانة و مكتءبة......




هدي فضفضة بسيطة يمكن مافيها مشكلة تستحق حل كله علی الله


ياليت الاخوات اللي مثلي يدخلو يشاركو واللي جلست فترة وبعد اسن هدا خلفت تدخل تعطيني جرعة امل .




واخيرا الحمد لله علی كل شي والرضا لمن رضی