صباحكو ورد وفل وياسمين وإلخ..........كملوها خخخخخخخ
المهم ياحبياتي ماعندي موضوع مهم كل السالفه ودي أدردش وأخربط وأتسذب عليكم وانتم هزو روسكم يقالكم فاهمين علي >>>>بدت تخبص !!!!!!!!
الوكااااااد إني زهقت من الروتين اليومي من البيت للمدرسه ومن المدرسه للبيت ...ابيكم تتخيلون هذا يومكم وتعيشون معي يوم بس!!و قولي لي اكيف تقدرين تغيرين جوك وروتينك المملل..!! نبدأ اذا رحتي للمدرسه صجة ولجة هالمراهقات وطول اليوم ولمدة 6 ساعات وانتي تهذرين ياتشرحين ياتهاوشين واذا فضيتي حصه مايمديك تاكلين والا تشربين وتكملين السالفه الا جايتك المساعده بجدول الحصص يالله قومي للحصه والا عندك إنتظار بالصف الفلاني وياوييييييييييييييلك اذا صار إنتظار عند فصل رجه ومزعجين :( بس إسكتي يابنت !!خلاص يابنت !!بشويش يابنت!!و اذا صار عندك مناوبه اتحداك تجين بيتك قبل الساعه 2 الظهر لازم كل البنات يروحن لبيوتهن وتتأكدين إن البنات كلهم طلعووتأخذين جوله بالفصول بغيت أتحمس وأروح لبيوتهن أتطمن هن تغدن ونامن !!!هع هعه هع الاااااااا ونوره الفايز تبينا نتغدى بالمدرسه أجل متى بنوصل المغرب إإإإإإإإإإإيه ياحازم الظامي>>>>مدري ليه تذكرت ذاك الممثل اللي قالها !!
نرجع حق محور حديثنا >>>برنامج صادووه
واذا رجعتي البيت تلاقين عيالك بانتظارك !!(ياحبي لها لولو بنيتي)وياسلااااااااااام إذا ماعندك شغاله عزالله اللي رحتي فيها
ووقت القيلوله إنسيها بأيام الإسبوع !! تدرين ليه لأنك مستحييييييييل تكملين ربع ساعه من غير ماتجيك بنتك وتصحيك تبي مويه والا (همي)>>>> غدا..!!وإلا فجأه وانتي غااااطسه بالنوم والموكيف بااااااااااارد مكبوس عليك إلا البزر يمشط شعرك وإلا يبغز(يبطط) عيونك وإلا جايبه العابها مواعينها والقدر وحاطته فوق راسك تبي تطبخ قسمآ بالله بغيت أبكي ذاك اليوم :icon33:رحمتني بنتي تقولي خلاص خلاص نامي ياماما ..
وإذا قمتي بعد القيلوله تبين تروقين وتسوين قهيوه وتعدلين مزاجك وجلستي وصبيتي لك ذاك الفنجان وجبتي لك شوكولاتات >>تهريب عشان بنتي ماتشوفها مع القهوه( كيندر وجالكسي والشله حقتهم :42: خخخخخخخ وفتحتي لابتوبك تبين تفرفرين بالمنتديات وتشوفين وش أخبار بنات حواء خخخخخخ وآخر مشكله بالقسم الإجتماعي وتحاولين تحلينها لها>>>>أبوك ياحلالة المشاكل ...!!
وإلا رايحه للمول بتشرين شي وتغيرين جو يقالك رحتي للسوق هههههههههه ويذن المغرب وتقومين بتصلين >>>تراي مطوعه هع
وترجعين بتكملين الكيف والجلسه تلاقين الكيبورد يسبح بالمويه :icon33:وأنتي واقفه تشوفين الحروف ناقزات من الكيبورد لان بنتي الحلوه جايبه مقعه >>>>ملعقه وناخشه الحروف الوكااااااد صار ماعندي حرف الكاف يعني مقدر اسولف بالمسن واقول كيف الحال؟؟!!!>>>>تسيف الحال ؟؟ يحسبونها حركه اللي ضايفتهم بالمسن خخخخخخخخخ طبعآ خواتي درن بالسالفه وشهرن فيني انا وبنتي صارو يقولون الكاف جاء وراح ههههههههههههههههه >>>>بس تراي صلحته الحين لاتحسبوني اتسذب عليكن هع
وتعوذت من ابليس وقلت كله لابتوب واذا خرب>>>>ياحسرتي توي مخلصه أقصاده:icon33:
وقمتي وسويتي عشاك يابروستد أو ساندويتش :angry:وخمدتي أنتي وبنتك:icon28: لاتفرحين مررررره لأنك معرضه تصحين بأنصاص الليالي !!!!
غالبآ الساعه تكون 3 الفجر >>> (مدري ليه بنتي مسلطه على هالوقت )الحمد لله صرت إذا قومتني أقوم أصلي وأدعي ربي يعيني اليوم التالي ويسهل أمري !! المشكله العظمى إذا صحتك تبي لبن بالإسممممم!!! وانتي ماعندك لبن !!من الأساس بالله وش السواة :icon33:كيف بتقنعين هالمخلوقه ان الثلاجه مافيها لبن والبزر وااااااااااااااااا واااااااااااااااااااااااااااا وانتي تترجينه وعيونك مغمضه وفيك النوم وتبينه يسكت !!؟؟جبتي له حليب ومويه وبغيتي تتهورين وتسوين شاي >>>>>عزالله طااااااااااااار النوم وووووو رجعتي تبين تخمدين تغصبين نفسك تغمضين وماتنامين الا بعد نص ساعه !!!!
الموهيم ياحريم فكرت إني آآآخذ إجازه رعاية مولود ويجيني ربع الراتب والحمد لله والشكر نعمه من ربي وأروح ذاك ارز وجهي للمديره ابي إجازه قالت للسنه الجايه؟؟!! قلت :لا الترم الثاني قالت المديره بابتسامه: للأسف لازم تقدمينها من بداية السنه او نهاية السنه الماضيه بغيت أنسدح عند المديره من الصدمه :09:
عاد لقطت وجهي وطلعت وقلت الحمد لله على كل حال وإنالله وإنا إليه راجعون حسبنا الله ونعم الوكيل >>>صار عزا
الموهيم رحت لحصتي وانا افكر بالإجازه مدري وشلون شرحت وفهمن علي الطالبات بس الوكاد على وجيههن علامة !!!!!!
وهكذا يمر يوم بعد يوم بعد يوم بعد يوم .........إلخ
آآآآآآآآآآآآآآآآآه جاني النوم وترا الموضوع مو منقول لاتجيني وحده وتقول شايفته بالمنتدى الفلاني قسمآ قسمات ان هذا يومي من اجي للمدرسه وارجع للبيت والى اليوم الثاني وهكذا تمر الايام وتدور الايام >>>بدت تنعس
نسيت اقولكم انا لاني عند اهلي ولاني عند زوجي .. ساكنه حاليآ عند اهل زوجي بس وقت الدراسه..
ويالله تمسن مدري تصبحن على خير وادعوان الله يوفقني بحياتي ويخليلي أهلي وبنتي وزوجي ياااارب ويخليني لهم :)آآآآآآآآآآميييين
الى اللقــــــــــــــــــــــــــــــــــــــــــــــــــــــــــــاء
&شموخ نجد& @ampshmokh_ngdamp
عضوة نشيطة
كيف روتينكم ياموظفات انا مليييييت من روتيني ابي اغيره بس شلون ...الجميع حياكم الله
71
6K
يلزم عليك تسجيل الدخول أولًا لكتابة تعليق.
!رسيل! :
هههههههههههههههه والله انك عسل احمدي ربك اقوووووووول هااا تراك بنعمه وربي تحسدين عليها <<عاطله عن العمل بس جد ماشاء الله حلو انك تغيرين جو وتشوفين ناااس والله نعمة ,, يالله عسى ربي يسعدك ويخلي لك بنتك وقدمي عالسنه الجايه اجازة وارتاحي ,, واعتبريها اللحين تسليه مابقى الا القليل ,,هههههههههههههههه والله انك عسل احمدي ربك اقوووووووول هااا تراك بنعمه وربي تحسدين عليها...
والله انتي العسل :)
والحمد لله على النعمه بس اقول عن الروتين القااااااتل وعدم الاستقررررااااار
الله يعين ويرزقك من واااااسع فضله يالغلا
والحمد لله على النعمه بس اقول عن الروتين القااااااتل وعدم الاستقررررااااار
الله يعين ويرزقك من واااااسع فضله يالغلا
الله يسعد قلبك يارب ويوسع صدرك ياحبيلك كان الله في عونك وبارك بوقتك وبجهدكالله يسعد قلبك يارب ويوسع صدرك ياحبيلك كان الله في عونك وبارك بوقتك وبجهدك
مشكوره يالغلا اللهم آآآآآآآآآآآآآآمين
الصفحة الأخيرة
احمدي ربك اقوووووووول هااا تراك بنعمه وربي تحسدين عليها <<عاطله عن العمل
بس جد ماشاء الله حلو انك تغيرين جو وتشوفين ناااس والله نعمة ,,
يالله عسى ربي يسعدك ويخلي لك بنتك وقدمي عالسنه الجايه اجازة وارتاحي ,,
واعتبريها اللحين تسليه مابقى الا القليل ,,