كيف سأكفر عن ذنوبي؟؟

مو معقوله ياناس اذا ماراح تردون ليش مخلينا نكتب
؟؟؟؟؟؟؟؟؟؟؟؟؟؟؟؟؟

ان شاء الله البنات ما يقصرون

التوبه ...... التوبه ........ التوبه

هلا يالغالية ...انا بقولج واباج تاخذين الكلام بصدر رحب ...
أولا ..ابدأئي بالتوبة الصااااااااااادقة ومدام انج حاسة بالذنب هذي اول خطوة اتجاه التوبة ...بس لازم النية الصالحة والعزيمة عشان تتخلصين من اللي انتي فيه ... واكيد انتي ما تحبين حد يضرج فليش اتضرين اللي حواليج ..فكري في هالمنطق وان شاء الله يفيدج؟؟؟
ثاني شي يبي ورقة وقلم واكتبي صفات اللسان القبيحة اللي تبين تتخلصين منها ورقميهم ..اختاري اكثر صفة فيج وانتي كارهتناه وابداي فيها وركزي عليها لمدة اسبوع وعقب ابدي بالباقين بالتدريج وحطي لج جدول اتقيمين نفسج فيه يوميا وكل درجة من عشرة
يعني مثلا

اليوم ---------ا لكذب--------- الغيبة -------------افشاء السر--------------الدرجةالنهايئة(30)
السبت --------5 ----------- 10 ----------------- 10---------------------------25
الأحد
الأثنين
الثلاثاء

اكثري الدعاء بالاعانه من الله ..قولي يارب اعني على ترك الغيبة وهكذا .. واتذكري دايما وحطي في بالج ان اكثر اهل النار يطيحون على لسانهم يوم القيامة واكثرهم النساء بسبة اللسان وحاولي بعد انج تتفقين مع خواتج او صديقاتج انكم مثلا ما تغتابون حد واذا وحدة بدت اتذكرونها وصدقوني مع الوقت بتتعودين انج ما تتكلمين عن حد وخاصة لو فكرتي في مشاعر هالانسان ولو كنتي انتي بداله
وعودي لسانج على كثرة الاستغفار (استغفر الله العظيم .... استغفر الله العظيم.. استغفر الله العظيم) اللي صدقيني بينعكس سلبا على كلامج وعن تجربه

حبيبتي انا انصحج ...بس مش معناته اني ما اغتاب أو ..أو ... بس الحمدللة الواحد يحاول دوم يذكر نفسه ويحاسب على تصرفاته لان وراه حساب وعقاب .. وخاصة اللي في حق الناس لان اللي بينج وبين ربج الله يغفره لج ...بس اللي بينج وبين الناس ؟؟؟؟؟؟؟ بييون يوم القيامة وبياخذون حقهم منج ..فانتبهي حبيبتي

واتعودي اتخلين آخر كلامج كفارة المجلس ..سبحانك اللهم وبحمدك ..اشهد ان لا اله الا أنت استغفرك واتوب اليك

السلام عليكم ورحمة الله وبركاته
هلا أختي اول شي التوبة من ثم حاولي قبل ماترمسي أنج توزنين كلامج وغير هذا تذكري انج مليتي من هذا الكذب والنميمة وأخر كلمة اقولها لج هي:
(( من ترك لله شي عوض الله خيرا منه ))
يعني اذا تركتي هذا الشي مشان الله سبحانه وتعالى إن شاءالله بيعوض شي ثاني يكون احسن ويمكن يكون أنج تدعين لله وتكوني داعية إذا الله راد.
الله ييسرها عليج ويسهلها أن شاءالله
ودعواتج

السلام عليكم ورحمة الله وبركاته ,,
اختي بارك الله فيج عليج بالتوبه النصوح وقيام الليل واداء النوافل والسنن واعطاء الاموال للمساكين والفقراء وانوي انها كفاره ,,, والله يكون بعونج عزيزتي ولاتنسين انه الله غفور رحيم وان الله يحب التوابييين ويفرح بتوبة عباده :)

والله يصلحج ويصلحنا ونكون من اهل الجنه الفردوس يارب