والله اختي انصحك اذا الوالده نشيطه او عندك خوات كبار تخلين البيبي
وتسا فرين لحا لك علشان تنبسطين وزوجك ما يمل من ازعاجه لان البيبي مشكله تخا فين يتعب ويبهذلك


ياختي انتي على ماتعودتي عليه صدقيني انا لما طلعت من النفاس وبغيت اسافر تركت طفلي عن اهلي صدقني اذا سافرتي انتي وزوجك والطفل مومعاكم راح تلهين مع زوجك لانك كانك تو في شهر عسل راح تكون سفرة حلوة مرة فنصيحه تحملي بعدك عنه طفلك فترة وهو يون بيكون بيكون ياعنداهلك او اهل ابوه ناس انشالله راح يخافون عليه زيك روحي وانبسطي انتي وابو العيال ترا بكرة عيالنا بيكبرون وبيتزوجون وبيخلونا وماباقي لك الا ابو العيال صدقيني من تجربه راح تحملين انك تبعدين عن طفلك اسبوع بس اكثر من كذا مدري والله


وترا هي فرصتك الوحيدة انكتسافري انتي وياه لحالكم لان الطفل اذا كبر شو يوفهم لو تحلمين ماراح تسافري انتي وزجك لحالكم فكري زين واستخيري لان الطفل راح يبهذلك في السفر راح يبهذلك في مطعم في شقه في كل سوق وفي مكان

بالنسبة لموضوع خطر اهتزازات السيارة على الأطفال حديثي الولاده فقد سمعته من طبيبة أطفال ثقة

ليس هذا فحسب بل أنها قالت ان عملية " تهشيك " الطفل اي مداعبته برميه لأعلى وتلقية باليد قد تؤدي إيضا إلى إرتجاج في المخ لاسمح الله

ونصيحة من أخت لك أن لاتعتادي على ترك طفلك مهما كانت الظروف والا فسوف تعتادين على ذلك وسوف تصبح رعايتك له فيما بعد عبء عليك

هذا بخلاف الضرر النفسي السيء على طفل في هذه السن المبكرة

اختى والله اول مره اسمع عن السفر بالسياره يؤذي الطفل
انا اعرف انه رميه لفوق وهزه بقوه يسوي اهتزاز في المخ
بس اعتقد السياره عادي
وطبعا يعتمد على الطريق !!!!!!!!
اذا فيه اهتزازات عنيفه او لا ........ يمكن الطريق يكون مرصوف ... وما فيه اي تعرجات
بصراحه انا لمن اولد اروح بيت اهلي واجلس الاربعين
وبعدين ارجع الى بيتي والمسافه بعيده ... والبيبي بامان في حظني
وعلى فكره اسهل الحين وهو توه صغير عن لمن يصير ابن 9 شهور
وطبعا من تجربه بنتي بهدلتني في ماليزيا... لاني ما لقيت لها اكل اطفال ودائما بس ااكلها سيرلاك وها الانواع
وكانت تتعب معانا وتبكي ... تريد تنام ونحن وسط البحر او في جزيره ما فيها مكان للراحه
اما يوم ولدت بابني وسافرت كان ابن شهر
كان طوال الرحله نائم .... حتى ما حسيت بوجوده ..... بس اغير له او اعطيه الرضاعه وينام
توكلي على الله ولا تحاتين ان شاء الله كل شي راح يكون تمام
وانت ادرى بظروفك بس انا كلمتك من تجربتي الخاصه:26:

انا اقول سافري وتوكلي على الله
وخذي بنتك معك لأنك والله ماراح ترتاحين ولا تستانسين وهي بعيدة عنك
انا توني راجعه من ماليزيا لي إسبوعين وبنتي عمرها 8 شهور والله إستانست مع إنها مزعجة وكثيرة صياح
لكن فرق طبعا لما سافرنا اناوزوجي لها ايام شهر العسل كنت حره طليقة نطلع على كيفنا ونرجع على كيفنا
لكن هالمرة بعض الأحيان كانت تنكد علينا وتخلينا نزهق ونرجع الفندق

والله إني شفت كثير سعوديين ومعهم اطفالهم رضع اعمارهم ماتتعدى الشهر والشهرين وكانوا مستانسين لأن الطفل في هالعمر نايم مايدري عن الدنيا
يعني إنشاء الله ماراح تتعبين حتى مايحتاج اكل ماغير الحليب ترضعين وتمشين غير لما يكون اكبر لازم تأكلينة وصعب طبعا في السفر لأنك ماتضمنين نضافة الأكل والله انا تعبت مع بنتي مسكينة ذبحتها بالحليب وسريلاك طول السفر
وقبل السفر روحي للدكتور وقليلة إنك بتسافرين عاد هو راح يكتب لك بعض الأدوية الضرورية ومتى تستخدمينها وإنشاء الله ماتحتاجينها بس الإحتياط واجب
ولاتنسين الحليب تاخذين معك كم علبةإحتياط يمكن ماراح تلقين حليبها
وخذي معك ميزان الحرارة
وطبعاً مشاية(عربية) الشارع هذا ظروري طبعاً وحاولي تكون من النوع الصغيرة إلى تتصفط بسهولة عشان ماتتعبكم اثنا التنقلات
ولاتنسين إبريق الموية إلي على الكهرب عشان تسخنين موية لبنتك هو في غلاية في الفنادق بس انا عن نفسي ما ارتاح لها ماتضمنين نضافتها

وإحرصي على نضافة الرضاعات لأن في السفر غالباً مايصاب الأطفال بالإسهال وعقميها بستمرار إما تاخذين جهاز تعقيم الرضاعت معك او تكفي غلاية الموية تعقمين الرضاعات فيها

وخذي معك موية غريب لأن الأطفال في الشهور الاولى غالباً يجيهم مغص

وبالتوفيق وسفرة سعيدة بإذن الله
واي سؤال انا جهازة