كيف سواويقكم معكم ؟

السلام عليكم

الي عندهم سواويق كيفهم معكم ؟


سواقنا محيرني
احنا مشاويرنا قليلة واحيانا يمر عليه اليوم كامل مانطلع مشوار

وكمان في الصباح بس مشوار واحد والظهر مشوار واحد


لكن مره دلوع ومزعوحة منه

ينطبق عليه المثل : اذا انت اكرمت الكريم ملكته واذا اكرمت اللذيم تمردا

ياخذ فلوس على الاكل لكن دايما نعطيه لو طلبناه ييجيب ساندوتشات او حاجات

مشكلته يسرع في السياره وكنت اخاصمه على هذا الشي لكن يزعل ويتنرفز ومره يقول خلاص انا ارجع الهند

بعدين صرت اطنش خلاص وفي اول يوم جاء عمل معي حادث وبعدين بعد 9 اشهر عمل حادث مع امي

لكن الحمدلله كلها جت سليمة وكلمه اخوي على السرعة وصار يهدي شوي

لكن كمان يسرع خصوصا جوا الشوارع في الحواري ومايحاسب لما يلف

فصرت اقول في كل مره يسرع شوي شوي او هدي ومايسمع للكلام

والحين في اخر مره يرد علي يقول شوفي كم السرعة ومعرف ايش قلت له مش انا الي اقول عنك تسرع
بس كمان اخواني وامي وانا اركب مع اخواني وسواقين ثانين مايسرعو مثلك

قال خلاص جيب سواق ثاني

قلت مش مشكلة كلم اخوي وقال طيب انا اكلمه وجلس يدق قدامي ومارد عليه اخوي

وانا من النرفزة دقيت على اخوي الثاني وانا معاه وحكيت له وقلت يحطوله حد ولو حب يسافر خلاص

يدفع قيمة التيكت وكمان نص قيمة الفيزا لان هو يبغى يسافر من نفسه والمشكلة من عنده دلع يعني

واتصل هو على اخوي وقال ابغى اروح الهند قال له اخوي خلاص ادفع قيمة التذكرة وروح

طبعا هو خلاص شافنا معاه كلنا كذا وانا قلت له وانا راجعة تبغى تروح ماشي ادفع قيمة التذكرة ونص
قيمة الفيزا قال انا كملت سنة - هو ماكمل سنة لسا- صارله يمكن 9 شهور او اكثر شوي
قلت له انت كملت سنة واحنا دفعنا في الفيزا مبلغ 2000 ريال كل سنة الف ريال


المهم بعدين اتصل على امي وقال لها انا ابغى اروح البطحاء وارجع وقالت له امي استنى
هم يبغون يروحو معاك مشوار وبعدين روح وقلت لامي قولي له يروح ماابغى اطلع معاه
وقالت خلاص روح واتصل علي 3رنات وبعدين انا اتصلت عليه من السنترال وقال خوذي مفتاح السيارة
واخذت منه المفتاح قلت له اعطيه اخوي قال مش موجود -
انا مااعرف هل هو ندمان وعارف نفسه غلطان وخسران لو راح او
يهددني وهو يديني المفتاح علشان احسبه يروح ومايرجع

وبعدين اتصل على امي يقول اعطيني 50 ريال وارجعها بكره
-هودايم يتسلف مني فلوس وعادي اعطيه-
وقال حق امي انت كويس ميه ميه وكله كويس ميه ميه لكن فلانه سوي قرقر
قالت امي كلنا كويس بس انت مافيه ميه ميه انت تسوي سرعه في السياره
هي تروح مشوار وتخاف لانك تسرع خلاص لاتسرع قال طيب

انا مااعرف كيف اتصرف معاه نفسي خلاص نجيب سائق بالشهر ولا مااعرف كيف
لان هذا السواق كويس لان احنا نعامله بطريقه ممتازه احيانا ملابس وبدلات وبلايز جديدة لاخواني مايبغوها
نعطيه ومانقصر معاه بس انا لو اسرع او مثلا اروح دوامي الصباح واتاخر مااطلع بدري فيستناني نص ساعه او اكثر
ومره طلعت وكلمته طلع نايم فخاصمته لاني وقفت عند السياره استناه في الشارع وهو نايم وقال انت تتاخري وهنا برد
قلت ماشي اصحى بدري واستنى في الغرفة وانا اكلمك تطلع لكن مااستناك في الشارع
لو كان عنده مشاوير في الليل من امس او في الصباح كنت قلت صعب وحرام
عدا ان السيارة مش نظيفة مايغسلها وفي اول ماجاء قلت له السيارة مش نظيفة غسلها ويقول باستهتار
اغسلها كل يوم !!
في وقت غبار وتراب واشوف سواويق الجيران صاحين من بدري يغسلو السيارات وهم مشغولين
اكثر منه وسواقنا لاء

كيف تتصرفو مع سواويقكم لان طفشني خلاص