مرحبا
زي ماهو مكتوب في العنوان كيف شخصيتك مع ابو العيال قويه والا ضعيفه لان شخصيه الزوجه تاثر 90بالميه بالعلاقه الزوجيه
ابدا بنفسي انا واعوذبالله من كلمه انا يوم اتزوج كنت صغيره وخبله ودايم كلمته مسموعه كنت اخاف منه ولايعطيني وجه كان شديد:mad: بعدين لاحضت انه يتمدى لين وصل للضرب:11retcher هنا انا انقلبت ميه وثمانين درجه زعلت ورحت لاهلي شهرين بعدها رجعت وحده ثانيه تماما صارت لي شخصيه قويه ولي حدود ما اسمح له يتعدها اذا تكلمت اتكلم بهدوء واضحك بنعومه بس قويت شخصيتي لما يغلط اوقف بوجه وادافع بكلام حكيم ومنطقي وبنفس الوقت صرت اسمعه كلام حلوووووووووووو :33:اول دايم استحي وراسي بالارض الحين لا صرت معه بايعه هوا اخر الليل من لبس وكلام يخليه يدوخ وانا اشوف قدامي وفي النهار ربت منزل من الدرجه الاولى من طبخ ونظافه واهتمام ببنتي وبنفسي صرت ما انام لين يجي من برا وانومه بعدين انام الحركه ذي خلته مايخليني انام عند اهلي وانواع البسمات والكلام والدلع بس بعقل وقت الدلع دلع ووقت الجد جد صرت ما اتنازل عن حقوقي زي اول ابدا واي شي ابيه انفذه بالطيب والا بالكاعه اهم شي اجيبه تغيرت وغيرته معي ونصيحتي لكل متزوجه اللي تبي زوجها يتغير تغير هي من نفسها اول انتظركم:26:
انا بالنسبه لي شخصيتي قويه وعنيده جدا وطبعا دايم تنقلب على راسي واضايق نفسي وابكي
بس مايرفض لي طلب لان تاركته على راسه يسهر طول الليل ويقضي وقته مع اصحابه
واهتم فيه من كل النواحي الا الرومنسيه لان لاهو رومنسي ولا قريب من الرومنسيه
وانا اتعودت على هالشي يحب ينام لحاله وانا بطلت ابلش بس احسسه انه مصلحجي يجي بس وقت الحاجه :p