كيف شكل الاجيال اللي بتطلع من تحت أمثال هؤلاء المد رسين

ما ادري اذا كتبت موضوعي هذا في ذا المنتدى قبل او لا...بس باقول:
من اسبوعين او ثلاث اسابيع جاني ولدي سنة سادس يقول لي ياماما مريت عالفصول آخذ الغياب بأمر من المراقب ويوم دخل على صف رابع الا ويلقى المدرس قاعد عالكرسي وماد رجله على طاولة الطالب اللي قدامه وقاعد ياكل فصفص.وينثر القشر عالأرض...أنا طبعا انقهرت ..أولا لى نفسية الطفل اللي ممدودة قدامه رجل المدرس طول الحصة...ثانيا على الراتب اللي ياخذه المدرس والمفروض انه على حصة قاعد يعطيها وهو للأسف قافل الباب ويفصفص عند الطلاب وياليت بأدب...ثالثا عالقدوة اللي قدام الطلاب سواء في طريقة الجلسة او أداء الأمانة أو مستوى النظافة وهو ينثر قشر الفصفص عالأرض..رابعا على مدير المرسة اللي كم مرة يدخل ولدي عليه بعد مايفيض به الامر ويروح يشتكي يقول ولدي ياماما ألقى المدير يشرب شاهي وياكل فطير ولما اكلمه توي اقول يا استاذ ممكن؟الا ويهب فيني ويطردني ويقول يالله على فصلك ويكمل أكله..ترى كيف شكل الاجيال اللي بتطلع من تحت هذي الادارة وهذولي المدرسين...لا وولدي الثاني سنة اولى ضعيف وخواف يقول لي ياماما اليوم الولد ضربني ولما ضربته الا ويروح يشتكي للاستاذ قام الاستاذ دخل وضربني على طول قلت للاستاذ هو اللي بدا ما رد علي وضربني بالخيزران..سألته وين كان الاستاذ يقول ...كان برا ..اصلا مايقعد في الفصل والعيال يتضاربون وهو يضرب اللي يجي يشتكي اول.بالله ايش رايكم في ذي الاشكال من المدرسين مو شي يقهر...الوزارة بدال ماتغير المناهج كان غيرت العلل اللي قاعدة على قلوب عيالنا .ويسوون دورات لتطوير المعلم حتى لو قديم بس يتعلم كيف ييتعامل مع الاطفال وكيف يدير الفصل والحصة وكيف يستغل الوقت في الاستفادة من مواهب الطلاب وتطويرها..أحس عيالنا يحلمون بلالمدرسة ومن يداومون يخافون وما يبغون يروحون ويحسونها مكان للعقوبة والتعذيب النفسي...تعبت من الكتابة مع ان القلب مليان ...رأيكم بالله