والله يابنات شوقوتني بالتوائم هذا وأنا أموت فيهم ونفسي ربي يرزقني بتوأم يارب آمين على الأقل أعوض فيهم عن الأجنة اللي فقدتهم بدون أي سبب صحي ..

أنا عني كنت قارية موضوع الكلوميد انه له دور في الحمل بالتوائم وسويت كذا بحوثات ولمن رحت لدكتورتي وتناقشت معها عن الحمل بتوائم قالت لي راح تساعدني بس مب بإبر منشطة ولكن في البداية بالكلوميد وهذا راح يكون تحت متابعتها للإباضة وكل شيء ولله الحمد شجعتني ماحبطتني بس المشكلة أنا الشهر الماضي سقطت كنت حامل بشهرين ونص وماكنت ادري كلما أسوي تحليل بول أو دم مايبان الحمل وسبحان الله متى عرفت اني حامل ؟

عرفت لمن سقطت اني كنت حامل من شهرين ونص والحمدلله على كل حال وهالشهر الدورة ماجات للحين للعلم انا ممنوع استخدم الموانع لأن عندي تكيس هذا من غير الاجهاضات المتكررة لذلك كنت أمنع الحمل بالعزل وهالشهر لاحظت الدورة تأخرت 10 أيام وفيني أعراض حمل والله من زود القهر أمس قعدت أبكي طول الليل لأن سويت تحليل دم أكثر مرة واشتريت أكثر من 10 مخابير تحليل الحمل بالبول بس مابان ..

والله فيني قهر وخوف مايعلم فيه إلا ربنا أخاف أكون حامل وأسقط مثل كل مرة ..

تكفون ادعولي لو ماكنت حامل تجيني الدورة بأسرع وقت ..

ولو كنت حامل ربي يرزقني بتوائم ولا اعتراض على امر الله حتى لو كان واحد بس الأهم يكون كامل الخلقة والخلق وبصحة وعافية وحمل ثابت وسليم اللهم آمين..

الله يرزقك ياتوته فروته ويعوضك كل خير ويرزق كل اللي تتمنى
اللهم اني اسألك باسمك العظيم الاعظم ان ترزقني وأختي وابنة أختي وصديقتي بتوائم ذكور صالحين معافيين وان تيسر وتسهل الحمل والولادة وتجعلهم قرة عين لنا
قولوا آمين

انا سمعت ان العسل مع طلح النخل والحبه السوداء تنشط المبايض هل احد استخدمها وجابت له نتيجه

حبيباتي 00الله يرزق كل من تتمنى التوائم يارب وتفرح قلوبنا فيهم يارب00ودعولي ان الله يرزقني الذريه الصالح لاني توني نزلت الولب 00واله يحقق اماني الجميع آآآآآآآآآآآآآآمين

الله يرزق الجميع بما يتمنونه ويصلح لنا ولكم النية والذرية يارب.