كيف علاقة زوجك مع عيالك

رسمية
زوجي من النوع الرسمي بالتعامل مع الاولاد

كانت علاقته قاسيه ويضربهم ثم الله هداه
والآن بعد تخرج الاولاد الكبار أللاحظ عليه مدلعهم مايرفض لهم طلب بس شكله ينتظر هم يتوظفون عشان يعوض اللي خسره عليهم أعرف زوجي خبز يدي
معاملته مع الصغار هواش وصراخ عليهم لأنهم شقيين بشكل مايعقلون بس عقب وفاة دانه القحطاني الله يرحمها خاف عليهم صار يمسك أعصابه مايقول لهم شئ

يحبهم ويموت عليهم
لكن ما افضل يتدخل في تربيتهم او تعليمهم
لاني معودتهم علي نمط معين وهو طريقته تختلف عني
ما ادخله الا اذا حسيت تدخله ضروري فقط

زوجي من النوع الحنون جدا مع عياله
بس شديد بعض الاحيان
علاقته مع ولده الكبير اقدر اوصفها علاقة كوميدية
الكبير ثرثار ويحب السوالف وبااااارد وحساس وزوجي عكسه خلقه ضيق
يوميا تصير مواقف بينه وبين هالولد اضحك فيها من قلبي حتى هو يضحك ويقولي ايش اسوي بس الله بلاني بهذا الولد
والولد زعووول يزعل ويروح غرفته ويغطي نفسه وابوه يلاحقه
يقولي تعالي انتي خليكي شاهدة معاي ومعاه
وعلى طول يقوله انا صابر عليك الحين بس ربي يستر ما انفجر عليك عارف نفسي بصير قضية بتويتر والصحف بسببك
قبل فترة زوجي كان طالع حوالي الساعة ٣ بالليل للمطار ولابس بدلة وكاشخ عشانه مسافر مع اخوه
وانا قاعدة جوا كنت سامعته يتكلم برا رحت طلعت لقيته يكلم ولدي والولد حاشر راسه بالدريشة ويكلم ابوه بمية سالفة وابوه عصب والولد زاد استفزاز
بعدها قاله ابوه انا الحين مسافر وعندي ضغوط بالعمل شوي خلني ارجع لك وبتوقع بيدي والله ل اخليك تلعن ابو اليوم لي عرفت فيه اني ابوك ياواطي 😂😂😂

زوجي ماشاء الله صبور على العيال
عكسي انا عصبية ومااتحمل...