كيف علاقتج بموبايل سسيد؟؟؟

السلام عليكم
امسي و اصبح على كل بنات الوطن العربي من الشرق إلى الغرب


انا من ثلاث سنوات اتابع المنتدى وهذي أو مشاركة في منتدانا الغالي

موضوعي واضح من عنوانه كيف علاقتج بموبايل أو جوال زوجج ؟؟
يعني عادي تستخدمينه و تشوفي كل المسجات و الصور و المكالمات ؟؟
أو ممنوع منعا باتا الاقتراب من هذا الجهاز الخاص فيه ؟؟

قبل ما اعرف منكم انا بقولكم عني :
بداية الملجة و العرس كان عادي ، و كان يتعمد أو يطلب مني أشوف مسجاته و الصور بعد
و مع الايام صار من المحضورات و المحرمات بعد
كنت دايم اقول ليش ما تسمحلي اشوف تلفونك ؟؟ و اقعد اعاند و اصر عليه يخليني اشوف ، و كان دايما يسببلي مشاكل كبيره مع زوجي ...


و الحمد لله الله هداني و شوي شوي حسسته بثقتي فيه و انه مستحيل انه يلعب او يسوي اي حركات ما تعجبني ، و ربي لك الحمد الحين ما عندي اي مشكلة و اذا طلبته التلفون ما يتردد يعطيني


انا في انتظار تجاربكن لا تبخلون علينا