زوجة أخ وحده،فرقت بينا وبين أخونا،لو سنين ما يشوفنا عادي عنده،نسلم عليه وإذا حب رد وإذا ما حب سكت،ظلمتني وسبتني وقذفتني فشرفي وقدامه ولا حرك ساكن،سامحتها مرة ومرتين،وفي الأخير شريت راحتي،وألحين هيه والجدار واحد عندي،وأمي ما أشوفها تحترمها تعق عليها كلام وش كبره وهوه يسمع ولا رد،هاذا حضنا فحرمة الأخ،وحسبي الله ونعم الوكيل

انا اخواني ماشاء الله ٦ كلهم متزوجين
الامبر احب زوجته مررره تزوجها وكنا صغار وعاشت معناا امون عليها جدا

الثاني تصير اخت زوجي وعلاقتنا تجنن الحمد لله جدا قرريبات من بعض

الثالث متزوج وحده عسل واخلاق الله يرضى عليها كم احبها

الرابع صار بينا وبين زوجته خلافات غريبه السبب فيها خلاف اخوي معها ف علاقتنا رسميه معاها

الخامس زوجته لاقالوا تنحط ع الجرح يبرى الله يسعدهاا

السادس زوجته طبعها غير تماما عنا من كل النواحي بس انها عسسوله و تحبنا واحنا نحبهاا

الله يحفظهم اهم شيء علاقتهم مع ازواجهم

ماشاء الله

علاقه رسميه  .... لحد ما يثبت العكس

غالبا وظيفتها الرسميه انها تكون غريبه تجمع اخبار بيتكم اللي المفروض ما تطلع برا البيت ... و تنقلها محرفه للخارج ... و لا تقولوا ما تهونوا عليها ... لا تهونوا لانكم لا اخواتها و لا اهلها ... مجرد اخوات زوج

بصراحه ... بعض زوجات الاخ تجي و حاطه ببالها انها داخله ع حرب و ان زوجات الاخ اعدائها .... سمعت زوجه اخوي تتلفظ ب ألفاظ مثل " اخوات الزوج عدوات " او "غسيل وجه عمات" هذي الفاظ مطلبها ان العمه اخت الزوج بدون ضمير

جتنا و حاطه ببالها اننا خادمات لها و لزوجها .. فمباشره عزلت نفسي عنها .... و تركت حتى اخوي لها ... يسمعها و يصدقها بكل الاحوال ... لذلك لا حاجه لي فيه ... تاخذه و تتهناه ... 

بس الغريب ان اول ما انتقلت في بيتها .. تغيرت 180 درجه ... صارت تعاملنا افضل من قبل ... و السبب .. انها موظفه و تحتاج من يرعى عيالها بغيابها ... يعني ما ع سواد عيوننا

بصراحه .. وجهة نظري لزوجه الاخ انها غريبه ما دخلت بيننا عشان خاطرنا ... دخلت عشان نفسها و انها تريد الرجال و بس ... و اول ما تاخذه نفسها تقلعه من بين حضن امه و اهله... 
فمن بدايتها اتمنى الاخ يشيل اذاه من عيلته ك رد جميل ل اسره ربته سنين و يريحهم من اذاها ...

و اخوات الزوج اللي يعانوا ..  تأكدوا ان ما فيه حد يسمعكم و لا يفهمكم الا اللي بوضعكم ... تعاملوا معها رسمي ... هي غريبه وسطكم و شر لا بد منه لحد تمشي من بيتكم و الله ييسر عليهم


ملاحظه ... كلامي غير موجه لزوجات الاخ اللي عندهم اخلاق و ضمير ... فلو كلمتي اساءت ل احد اعتذر مسبقا ... لكن كلامي قلته مبني ع تجربه شخصيه و ملاحظات ممن حولي

اعتذر مجددا و اسفه للاطاله

لازم من المد والجزر مرات سمنه على عسل ومرات ما بعطونك وجه لانهم متقلبين ومزاجيين الله يصلحهم ويسخرهم لي 😂اما زوجات خواني علاقتي معاهم حلوه عمري ماتدخلت فيهم ولا عمري طلبت من اخواني طلب بالعكس الله يخليه لها انا وش ابي فيها دامني على ذمه زوج اما اللي ماتزوجت ملزومه من اخوها خاصه اللي ميت ابوها

انا علاقتي في خوات زوجي حلوة وعلاقتنا رسمية تقريبا
اما سلايفي لاحقتني في كل مكان كانهن ضراير الله يهديهن