$برلنتي$
•
هلا حبيبتي 00 تلبيسه الزيركون نفسها نفس التلبيسات الثانيه ينحتون السن مررره ويركبونها لكن اذا ماتبين تنحتين السن اعملي العدسات وسعرها مقارب للزيركون تقريبا واحسن دكتور بعد ماااسألت ودورت الدكتور ايمن الحيدري في جده
انا يوم الثلاث راح انحت اسناني واركب زيركون واخبركم وان شاء الله احط لكم الصور بعد بس انتو ادعولي تطلع النتيجة مرضية لاني كثير متخوفه
نصيحتي لك انك ماتخسري اسنانك الطبيعيه لانها نعمة من ربي العالمين مهما كانت صفرا او حتى اذا طاحت الحشوات
خلى سالفه التركيبات اخر شي ( اخر حل )
يعني اذا صفرا .. حاولي تعملين تلميع لاسنانك ممكن يقلل الصفار وهذا تلقينها حتى بالمستشفيات الحكوميه .. وبيقلل الصفار شوي ويعطي لمعه للسن وكل اربع شهور ممكن تسوينها او حتى كل شهرين او انك تعملي عدسات وهذي متوفره بالخاص
ثانيا اذا طاحت الحشوات .. ارجعي للدكتور واعملي غيرها .. وحتى لو الحشوات صارت صفرا واسنانك صارت مبقعه .. روحي للدكتور واطلبي اعادة حشوه ( يعني يعملك حشوه من جديد )
اما بالنسبه لسؤالك عن التركيبات
فطبيبك راح يعمل خطوات
اول شي بيعملك سحب عصب للسن (وانتبهي اذا الدكتور ماعملك قوليله بليز ابغي سحب عصب بعدين اركب التركيبه .. لانه في ناس بعد التركيب يجيهم الــم قوي مرره .. فـ يضطروون انهم يكسروا التركيبه علشان يعملوا سحب عصب وبعدها يركبون لك من جديد تركيبه جديده ..وبكذا تدفعي فلوس من الاول وكأنك ماسويتي اي شي بس خساره فلوس )
طبعا سحب العصب بيكون على ثلاث جلسات او اكثر على حسب السن
بعدها يبدأ ينحتلك السن لييين مايصير مثل الدبوس او اكبر شوي علشان يثبت عليه التركيبه .. بعدها يأخذ مقاس لأسنانك علشان يعملك التركيبه ويمكن يأخذ يومين او ثلاثه ( بهالفتره هذي مستحيل يخليك تروحين للبيت بدون تركيبه لانك ماراح تتقبلين نفسك .. فيعطيك تركيبه مؤقته لين ماتخلص التركيبه الاصليه )
بعد ماتخلص التركيبه تأكدي انها تكون ملايمه للثه ..وماتكون واسعه او فيها زي الفتحه بينها وبين اللثه ( لانه يسبب دخول الاكل داخل التركيبه وبعدين تبدأ رائحه الفم .. علشان كذا انتبهي ) وايضا انتبهي ماتكون مضغوطه مرره على اللثه ( وبتصير اللثه لونها ازرق من كثر الضغط وبالتالي الم شديد )
بعد ماتركيبن وخلاص .. يبيلها اهتمام خااص .. علشان ماتسببلك رائحه بالفم .. وفي بالصيدليات خيط اسنان خاص للتركيبات
هذي الطريقه بالتفصيل للتركيبات ..ومع هذا انصحك ثم انصحك ثم انصحك بالمحافظه على الاسنان الطبيعيه
( طبعا انا جارتي دكتوره اسنان وسألتها وجاوبتني .. وبالاخير ماتشوفين شر ولاتنسيني من دعائك .. واسفه على الاطاله )
الصفحة الأخيرة