واللي تقول تطلقي صعب مع الاطفال لان هذا كان الحل الوحيد بالنسبه لي مع اني اغليه ومتاكده من حبه لي ولكن فضلت الطلاق على ان اعيش معه مع وجود زوجه اخرى ولكن الكل وقف ضدي وحتى اطفالي زعلو وصارو مايكلموني واهلي ايضا لانه انسان طيب جدا الكل يحبه ولكن الى الان لم اعرف سبب زواجه وميه سؤال بقلبي وهو لايريد ان افتح معه موضوع زواجه ابدا
علما انها زوجته اقل مني بكل شيء

الله يعينك ويصبر قلبك بس فيه حاجات حلوة في كلامك :
ان زوجك يهمه رضاك وزعلك
رجعك ورضاك بكل شيء
في يومك مايروح لهاولايرسل الا لضرورة
بينما دائما اللي يتزوج زوجه ثانيه من الناس اللي نعرفهم ومن قصص المنتدى نلقى انه
يرخص العشرة ويرخص العيش والملح
يحرم الزوجه 1 من حقوقها ومن يومها ومن المبيت ويكون طاااير في الجديدة
حتى لما يكون عند الزوجه 1 على طول يكلم الزوجه الجديدة ويراسلها وكل شويه هي تدق ويطلع لها حتى لو مو في يومها
علشان كذا ياحبيبتي خليك عاقله كفايه اللي سويتيه وكفايه النكد اللي عايشه فيه وعيشتي زوجك واولادك ايش ذنبهم اولادك؟؟
انت كذا تنفرينه زياده وتخلينه يقتنع ان زواجه بالثانيه صحيح 100% وتخلينه ينسحب شويه شويه منك ومن بيتك ومن عيالك
هديء الوضع الله يهدئ بالك ويريح سرك . اقنعي نفسك هو تزوج تزوج وانت ماشاء الله كنتي قويه مااستسلمتي للموضوع بسهوله زعلتي وطلعتي من بيتك ومارجعتي الا برضاوة وهو يهمه خاطرك ويبيك ومايبي زعلك
عندك خيارين :
الاول : هو تزوج وخلاص مافيه رجعه ، تبين تعيشين دور الضحيه وحياتك نكد وخصام وخلاف وعيالك يعيشون جو مشحون ومتوتر وزوجك يروح اليوم الثاني عند زوجته الثانيه يلقى الراحه والهدوء والاستقرار والدلع
الثاني : هو تزوج خلاص ومافيه رجعه، تبين تعيشين لنفسك ولأولادك اهتمي بنفسك بنظافتك دللي نفسك دلعيها غيري شكلك شعرك بشرتك ماكياجك ملابسك جددي حياتك اهتمي ببيتك بنفسيات عيالك والموضوع بيأخذ وقت في نفسك ويهون بس لاتخلين فرصه للشيطان يدخل لقلبك وكل مابدأ يوسوس لك تعوذي منه واستغفري وقولي لنفسك هو تزوج وانتهى الموضوع مافيه رجعه
نصيحتي لك حبي نفسك حبيها واعطيها كل شيء حرمتيها منه السنوات اللي فاتت من حب واهتمام
ونصيحه ثانيه الحياة تنعاش مره وحده بس فلا تقضينها نكد وهم وغم مااحد يموت
واليوم اللي يكون زوجك عندها اكسبي عيالك خليك قريبه منهم سوي جدول ندخل الصباح نسوي فطور سوى ونتفرج للتلفزيون ونسوي لنا عصيرات ومشروبات خلي قلوب عيالك عليك وعلى بعضهم . عيالك هم كنزك هم اللي بيدومون لك لاتتعبين نفسياتهم لاتخلينهم يتعقدون
وزوجك خذي مهلك اذا هو يستاهل ارجعي له بالتدريج هو زوجك له واجبات لاتقصرين فيها ابدا واذا مايستاهل عيشي علشان نفسك واولادك

نفس الحال امر فيه تمنيت اقدر اراسلك خاص محتاره بحياتي من جد تعبت كانك تكتبين معاناتي

الله يفرج همك

اختي للحين ما عرفتي هو ليش تزوج؟؟ و ما عرفتي ليش ما حاب يناقشك بالموضوع؟؟

مع احترامي لك و اسفي لصراحتي .. تزوج عشان اهم شئ عنده ... الجنس

ما تهمه انتي احسن عنها بجمال او مال او عائله و نسب ... هو يريد حاجه وحده بس و خذها منها من باب التجديد و اشباع الشهوه الرجل فقط لا غير

يعني هوني على نفسك ... انتي ما مقصره بحقه بشئ .. العيب فيه لان رغباته اكبر من انه يحكمها و انانيته فاقت قدرته على مراعاته لمشاعرك.

بس الجيد بالموضوع .. الحب و السكن و العشره لك. و هي لها الفراش كم يوم و يمل و يرجعلك.

اهتمي بنفسك و اسحبي فلوسه و دلعي نفسك فيهم احسن من انه يصرفهم على غيرك. و فوق هذا كل ما اهتميتي بنفسك اكثر كل ما رجعلك اسرع.

نقطه اخيره ... لو ما تقبلتيه و حسيتي ان عيشتك معه مجرد مجاملات و افتقدتي الحب و الاحترام له ... و اضطررتي للاختيار بين صحتك النفسيه و الجسديه و بين العيشه معه... اختاري نفسك و اللي يريحك انتي ... لانه بالنهايه هو بعد اختار راحته.

ملاحظه .. ما استنكرت او حرمت زواجه عشان ما حد يدخلني بالحلال و الحرام ... انا فقط متعاطفه مع الاخت الكريمه و اسأل الله ان يربط على قلبها.