كيف كانت ولادتك؟

هل كانت صعبة ام الله يسرها؟ هل هي اول ولادة؟ اش حسيتي اول ما طلع البيبي؟ هل حصل معك شي طريف عند الولادة؟ 
يلا يا امهات خبرونا!!!
بالنسبا لي الحمد لله كانت ولادتي سهلة. هاد اول ولد بس ما طرلت لولدت. قبل بليلة نزلت قطع افرازات مع وجع زي وجع الدورة وبعدها نمت والصبح بلش الطلق خفيف محتمل يعني لحتى الظهر بلش يزيد بس لسى محتمل. اتصلت بالمشفا قالو ما في مكان. واني اصبر كمان يمكن تفضا غرفة. نطرت ساعة وفجءة ييجي طلق قوي قلت لزوجي ما عاد اصبر خلينا نروح. دخلت المستشفا الساعة تنين الظهر. كان معي زوجي وصديقتي فقط. راح زوجي جاب اكل، اكلنا وانا كل شو ييجيني طلق والقي نفسي على السرير. اول ما دجلت كنت مفتوحة 3 سم وبعد ما اكلت 5. عملت فتحة بكيس الرحم حتى تنزل مية الراس وكان هذا الشعور شي مقرف. كانك تبللين نفسك وما قادرة توقفي. عالساعة 3:30 قالتلي الممرضة افوت استحم بماء ساخن تقول يساعد. بس دخلت الحمام انحشرت قلتلهم اطلعو اطلعو عاوزة افوت الحماااام!!!!
كنت مدروخة ما الغاز الي يحتون لي اياه. بس لما قعدت عالكبينة حسيت بدي اخرج بس ما اقدر ففهمت اني راح اولد. اقوم اطير من الحمام واقول للممرضة راح اولد تقلي لا لسا بس 5 سم مفتوحة. هههه اصرخ عليها اقول لا هلا بدي اولد وهي تعارضني. ما سمعت كلامها ساعدتني صديقتي اطلع عالسرير وبديت اشد. والله العظيم الني شديت مرتين او ثلاثة حتى طلع راس الولد وقتها نسيت كل الوجع واقول لزوجي شوف شوف راسو ضلع وانا اضحك وابكي بنفس الوقت. بعدين قالتلي الداية شدي لحتى تزكرت اني ما خلصت ههههه. يااا الله بس شديت مرة ثانية وطلع محمد الساعة 5:07 عصرا وانا اضحك من الفرحة وزوجي وصديقتي يبكون. الحمد لله. خيطوني شوي فقط وكلو تمام الحمد لله تاني يوم طلعت من المستشفا.
كان شعور غريب اول ما شفت البيبي بيتملكك احساس بالعطف والشفقة على هذا الكاءن الصغير الضعيف الي هو قطعة من قلبي. كنت اخاف احمله بالول اطلب من حد يرفعو لي حتى ارضعه .




وها يا بنات هاي قصة ولادتي. كيف كانت ولادتكم؟