كيف كان عيدي؟تعالو شوفو ايش سويت

الله يعطيك العافية الحمد لله على سلامتك
حلوة طريقة الإخراج ما قصرتي
ياليت تكتبي تفاصيل عن الطيران واسعاره والسكن كمان وتعطينا هم المميزات والعيوب

الله يعافيك حبيبتي ومشكوره
الاسعار ماكانت عاليه كانت عاديه جدا وانتي بيدك تحددي الميزانيه
لو حتسافري خططي من بدري حتلاقي الاسعار نص الاسعار اللي راح تاخذيها لو خططتي متاخر
الحجوزات انا سويتها من الى الحمدلله
والمميزات كانت في طول النهار في اسطنبول الاسعار حلوه الناس تساعد لو احتجتيها الشرطه في كل مكان وكاميرات في كل زاويه وكل ركن امن يعني
العيوب كثره الشحاتين بشكل عجيب وبمختلف الطرق حتى في المسجد وبعضهم يوجع القلب وتزعلي عشان انتي مبسوطه وهما كذا :( كان يخرب يومي لما اشوف مناظرهم
بجد هذا اكبر عيب في اسطنبول لكن في اخر الايام كانت الشرطه مسويه حمله او شي لانها كانت تنزل وتلف عشان تاخذ كل الشحاتين وبياعين المويه
وكمان التكاسي مرا غشاشين والمحلات غشاشين درجه اولى حتى في الماركات
الجو حر لكن مو زي حرارتنا ابدا
لكن بشكل عام لو فتحتي عينك راح تنبسطي وهذي مو اشياء تخليك تبطلي مثلا من السفره او تزعلي عليها
بشكل عام انبسطت ولو يرجع الزمن حعيد هذي السفره الجميله

جميل 😍 مشكوره
بس عندي ملاحظه المقطع فيها موسيقى كل من سمع تأثمين
النصيحه لوجه الله