السلام عليكم .. اشلونكم خواتي
الصراحة الموضوع عجبني و حبيت اشارك :)
الوحام عندنا بالكويت يسمونه نسات ...
و انا ما اعتقد انه في وحدة بهالدنيا تنست مثلي.... على فكرة انا لي الحين حامل (بالتاسع ) و هذا اول بيبي انشالله :) ....
خلوني اقول لكم .. سمعوا ..
--------------
1- أول 3 اشهر تنسيت بالحامض .. و صار الليمون و الملح ما يفارقوني ... و صرت اتشرط و اطلب من امي تسويلي ورق العنب بالزيت كل شوي... و اذا ما حصل طلبت من زوجي يشتري لي اياه ... حلو؟؟؟؟

* لا و مو بس جذي.. لا ... و كرهت ريحة زوجي المسكين ... و ريحت الطبخ .. و اذا دخلت المطبخ لازم استفرغ ( و انتوا بكرامه ) .. و ما صرت اكل.. و زوجي صار مثلي ... و ضعف وايد المسكين .. سويت له رجيم :22:

* هذا غير النوم .. كنت انام يومين ورى بعض...تصدقووون :10: ؟؟؟؟ و على فكرة النوم ما فارقني طول حملي .. يعني لي لحين ... :)

* و كرهت كل شي فيه عطر حتى الصابون ... ما عدى صابون كامي مادري ليش
:39: (البيبي يتشرط يحليله) :04:

* مو بس جذي .. كرهت أي شي حلو بعد... لأنه ريقي كان دايمن حلو .. و ما يريحني غير علك اللبان .. ( لي الشهر الخامس )

2- بالرابع اشتهيت ( القبوط ) اللي تسويه جدتي.. و المسكينه ما قصرت سوته لي....يعطيها العافية و طولة العمر...

* و كنت احب ريحة البحر .. ولازم اروح كل يوم انا و زوجي البحر...

* و بعدها اشتهيت الربيان .. و السمك المقلي.. و صرنا نروح مطاعم السي فود..

3- بالخامس صرت ما احب غير الايس كريم .. و دايما اكله.. (ربحت باسكن روبنز)

4- بنص السادس الى بداية الثامن.. ارتحت شويه ( البيبي عطاني بريك)

5- بالثامن .. اشتهيت الهريس .. و سوتلي اياه جدتي الغاليه.. و بعدها اشتهيت حلاوة الجبن .. و زوجي ما قصر ياب لي منها .. و بعد اسبوعين رديت احس بلوعه و صرت كل يوم بالليل استفرغ (وانتوا بكرامه)

6- الحين انا بالتاسع .. و مشتهيه جريش .. و محد راضي يسويلي اياه :35:
يقولون لي بسج مصختيهااااا ولدي و فكينا ... :08:

هذي قصتي مع الوحام .. و اسفه على طولها

:32:

اختي .SwEeTa ..من جدك والا تمزحين ...!!!!؟؟

حشا ماصار وحم صار مسلسل ...!!! هههههههههههه

والله انك ضحكتيني ..بس باين انك الاوله عند اهلك عشان كذا مدلعتك امك وجدتك بعد ..>> بيني وبينك شكله دلع مو وحام ذا ...والا سي فود وبحر وهريس وجريش ومدري وشو..ههههههههههههههههههه

المهم الله يقومك بالسلامه ولا عاد تتعودينها ترا المره الجايه بيتركونك ولا يعبرونك انتبهي ..هههههههههه

والله ياأخوات الوحم عندي زي الهم على قلبي من كثر الغثيان والصداع والمروره ((اللي احس بها ثلاث شهور في حلقي )) وشين النفس وكره الأكل ..

اما الأخوات اللي يحبون النوم او الأكل فأعتقد ان هذا نعمه من الله ..احسن من اللي ماتاكل ولا تقدر تنام من التعب ..

والله يسهل على الجميع ان شاء الله وكل شي بأجره ..

عزيزتي بنت العز ... الله يسلمج انشالله ... :)

و لا تخافين .. ترى تووووووبه ما اعيدها ... انا ادري فيهم ناطريني اولد ... علشان يطلعون حرتهم فيني :) ..

بس الوحده فينا شتسوي يعني ؟؟؟ هم اللي يخوفونا و يقولون اذا في بالكم شي .. قولوه ولا الولد تطلع فيه وحمه :( !!!


و الله يسهل على الجميع ...

السلام عليكم
أنا في حملي الأول والثاني خلال الشهور الأولى كنت أتوحم على الحوامض بس الغريب انه في الحملين أبدأ تقريباً من الشهر السابع أتوحم على الزعتر إلى أن أولد وآكله بالمعلقه سف يعني يخلص المرطبان بثلاثة أيام بالكثير كل ما أعدي من جنب المطبخ لازم أفوت أكل ملعقه منه...وبعد ما أولد أصير أكره كره العمى مستحيل أذوقه:30:
الأن أنا حامل في الشهر الثاني وكل ما أعاني منه هو الغثيان والكسل والحبوب ما جابت معي نتيجه والله يعين

الله يهون على الجميع
انا ياعزيزاتي توني حامل فس شهرين
وهذا الحمل الرابع ولله الحمد لكن من
اول حمل اكره (ابوالشباب )كره العمى
حتى لااطالع فيه او اكلمه والمسكين ساكت
والله غصب عني وحاز في نفسي ذاالموضوع بشكل
واتمنى ان اجد الحل والمشكلة انه من اول الحمل
لآخره اما الاكل اكره كل شيءمن البيت وحاجة ماسكة
في صدري ماتفارقني مادري وش هي ادعوا لي ان الله يهون عليه
وفق الله الجميع ورزقنا الله واياكم الذرية الصالحة.