السلام عليكم ورحمة الله وبركاته كيف حالكم حبيباتي
قبل لا اطرح موضوعي حبيت اقولكم اني طرحت مشكلتي في منتدى ثاني وبنفس المعرف واتمنى اشوف اراء ينشرح لها الصدر
انا فقدت اغلب احبابي وهم موجودين واكتشفت اني ما عرفت اختار وحصلتلي مشاكل مع زوجي وامه الله يهديها خلتني اكره الحياه وايأس من كل شي تخيلو معي ان يكون عندك انسانه تحبينها وكانها اختك اللي ما ولدتها امك وتامنينها على كل اسرارك وفجأه تخلق لك مشكله كبييييييييييييييره في ليلة زفافك وتسيبك للابد والمشكله انها هي الغلطانه وصبت الغلط كلللللللله علي انا وما كفاها هذا لا الا شوهت سمعتي ونقلت للناس كلام ماينقال عني حتو وصل الكلام الى اذان ام زوجي اللي ماتصدق في الكلام في اعراض خلق الله واخوال امي اللي يكرهونا ويبغون علينا الزله فحسبي الله وكفى
فتركتها لله وتناسيت اني في يوم كنت اعرفها ولكن لم استطيع لانها وللاسف قريبتي ولكن العلاقات الان مقطوعه نهاااااائيا
لما فقت من هذي الصدمه طحت في صدمة اخوال امي اللي هم من الناس اللي بدئوا يطلعو اشاعات عني بكلام ما يرضي الله وسيبتهم ولكن اللي سووه جمره وجرح في قلبي لكن الله المستعان وبعد مابديت اقوم من كل طيحاتي هذي وبديت اهتم في نفسي و دراستي اللي اثرت عليها هذي المشااااكل بقووووووه لدرجة اني صرت ارسب بعد ماكنت من الاوائل بدات ام زوجي بدورها في هذي الدوااامه اللي دخلتها مو باارادتي بدت تكيدلي المكايد وتتلذذ بحزني وتعاستي ولكن لله الفضل اني بعيده عنها ولكن بعدي عنها زادها كره لي وحقد علي والحين اسرد لكم شي من اللي اذوقه منها ولكن حسبي الله وكفى
تزوجت وانا عمري 19 سنه والحين عمري تقريبا 22 سنه وانا من صغري اقول ان ام زوجي هي امي الثانيه واني بكون لها بنت ولكن اللي صار دمرني زلزل كل شيء فيني اتعب نفسيتي وصرت ما اشتهي حتى الاكل عدت السنه الاولى من زواجي بشوية سكينه رغم ان ام زوجي سوت لنا مشكله في اول يوم زواج علما بانها ماعندها بنات كلهم اولاد المهم ان بعد مرور نص شهر تقريبا على زواجي جات عندي هي واخواتها وجلسو شهر كامل بحيث اني ماقدرت البس ولا اتكشخ ولا اسوي شي وكانت هي المتصرفه في كل شي حتى الاكل والبيت لدرجة تدخل علينا واحنا نايمين في غرفة النوم وانا مستغربه وبعدين عرفت انها عنده نسخه لكل باب في البيت تعجبت بس مشيت ايش اسوي بعدها حملت وبدت ترمي علي كلام انه هي اللي بتسمي عيالي كلهم واني انا مجرد بس اداة للحمل والولاده وانها بعدين بتاخذ عيالنا انا وسلفاتي وتحرما منهم لان على قولتها مالنا فيهم شي هي الاساس والكل في الكل سيبتها وقلت في النهايه انا اللي بسمي عيالي لانهم هم عيالي انا وبعدها ولدت واجبرتني اني اسمي الاسم اللي تبغاه هي وقالت لاتحلمون اان وحده فيكم بتسمي على كيفها انا اللي اسمي وفي النهايه تسمي اسماء غريبه وبلى واولادها للاسف يخافون منها خوف مو طبيعي حتى في الغلط يقولو لها طيب وامرك انا ما منعهم من برها لكن الغلط غلط بعدها توالت مشاكلها معاي ومع غيري لانها شرانيه والكل عارفها فكانت تاخذ اولاد سلفاتي منهم اسبوع وتحرمهم من امهاتهم وتقولهم انها تحبهم اكثر من امهاتهم وان امهاتهم يكرهونهم ومايحبونهم وان امهاتهم وسخات ومن الكلام هذا اللي ما اقدر اقوله لا وتعلمهم الكلام البذيء الوسخ والله العظيم انا هنا طفح الكيل عندي قلت لا تحرضين الصغار على امهاتهم حراااام وتعلمينهم الكلام هذا قالت ماعليك اصلا من جد كلامي وجلست تحرضني على سلفاتي والصراحه اسلوبها مققققنع وتصدقينها في كلامها بس طبعا كله كذب بس اللي مايعرفها يصدقها المهم سببت مشاكل بيننا كلنا انا وسلفاتي تروح عند ذي وتقولها فلانه قالت وترجع عند هذي وتقولها فلانه تقول عنك لين ماكرهنا بعض بعد ماسوت اللي تبغى بدت خطه اكبر من هذي بكثييير تخيلو بدت تحرش بين اولادها وحريمهم وتتكلم كلام مايرضي الله لدرجة انها وصلت لاعراضنا والله عالم بنا اننا اشرف وانضف من وجهها لكن اولادها بدو يتغيرون مع زوجاتهم بما فيهم زوجي والله يااخواتي جللست تزززن على راسه وتقولو انت راتبك في يدها وانا والله ما اخد غير مصروفي الشرعي وبس وحتى مايجي الف بس ايش تقولون عالحسد ودارت على اخوانه وقالت لهم كذا وبداو اخوانه يعايرونه ويقولون له انت خاتم في يد زوجتك وراتبك لها ووو الخ وبدا يتغير علي والمشكله ان اولادها يقولون لها كل صغيره وكبيره تحصل بينهم وبين زوجاتهم وفي بيتهم ومع اولادهم وهي تروح تنشرها بين اولادها الباقين يعني مافي خصوصيه ومن حقدها وغيرتها انها اذا واحد من اولادها بيجيب اي شي لزوجته وعياله مثلا بيأثث البيت بيجيب خدامه بيشتري مونه البيت تسوي مشكله كبييييره وعريضه وتقول لا واذا سالوها طيب ايش تبغين هذولي زوجاتنا وعيلتنا واحنا مسؤلين منهم وانتي اخترتيهم لنا تقول لا الفلوس اللي تصرفونها عليهم تعطوني انا وللعلم يابنات والله عيالها كل واحد ممشيلها مبلغ اخر الشهر والله الف وخمسميه وعيالها ماشاء الله خمسه يعني يجيها الخير
والادهى والامر تخيلو انها منعت واحد من اولادها يعطي زوجته مصروف وقالت اعطيني انا وقال بغير الاثاث حق بيتي ثااارت وسوت مشكله وقالتله لو غيرت اثاث البيت انا مو امك ولا اعرفك قال لها ليش طيب قالت كذا ماتغيرلها غير لي انا اثاث البت علما ان ابو زوجي عايش وعنده خير بس الله المستعان
وعيالنا هي اللي متحكمه فيهم حتى المدارس هي اللي توديهم المدارس اللي تبغى وهي اللي تشتري وكل شي هي بس هذااا كله قدام اولادها وولله انه لو تشوفونها ورى اولادها كيف تشخط وتنتر فيهم وهم صغار مايفهمون حتى تجلس تقول لاولادها زوجاتكم مايعرفون يشترون لاولادهم اعطوني وانا اشتري ولما يعطونها تروح اخس وارخص المحلات وتشتري اخس شي وانا يعلم الله اني اشح على نفسي واطلع ولدي باحلى منظر حتى ملابسه ما اشتريها الا ماركات والله للكن هي شكلها انسانه مريضه والله لو اقولكم اشياء ثانيه تنصرعون هذي مو انسااانه حسبي الله عليها وانا الان في حاله مايعلم فيها االا الله واخر مشكله سوتها ما اقدر اقولها لان فيها تشهير وانا ما ابغى الله يبتليني الحمد لله الذي عافانا مما ابتلاها
المهم بعد هذي المشكله بدت تتطلع علي كلام وانامالي دخل في موضوعها ذا لكن اللي على راسه بطحه يحسس عليها وجلست هي وواحد من عيالها يشاركها ظلمها وحقدها يتكلمون علي وتقول انها بتطلقني وتزوج زوجي علي والا ماتكون فلانه والان لي تقريبا شهرين مازرتها ولكن يعلم الله اني مامنعت زوجي من زيارتها وهي تمشي وتقول اني مانعته منها حتى انني وبعد هذي المشاكل كلهاااا طلبته وتوسلت له انه ياخذ امه وابوه مكه ياخذو عمره ويوديهم افخم فندق لانها تقول لاتاخذ زوجتك اي مكان تمشيها الا بشرط اكون انا معاكم والان هو عندها والاسبوع اللي فات راح عندها ورجع مقلوووب تماااما ولما سالته والحيت عليه بالسؤال قالي كلام ماتوقعته منها عبت راسه بكلام كله مفبرك وباااين والله حتى الصغير يعرف انه كذب في كذب لكن هو بما انها امه اخذته العاطفه وماانتبه للكلام فما رايكم بعد هذا كلللله مو يحق لي انتهي وتتدمر نفسيتي ويتعب قلبي وعقلي اللهم اكفنيها بما شئت
بعد هذا صرت احكي لزميلاتي مشاكلي وبعد كذا صارو يعايروني بمشاملي وانصدمت واكتشفت مؤخرا انهم مو زميلات والله وانا صادقه اكيد بتقولون هذي اش فيها حاطه ان كل الناس عليها هذي اكيد تألف لكن الله عالم اني صادقه والله ان زميلاتي تخلو عني في عز مشاكلي بحجة انهم مافيهم للمشاكل يبغون الفله والبسطه مع اني والله بشهادة الكل حبوبه وطيوبه ودمي خفيف واجتماعيه واحب الضحك والوناسه لكن الله ابتلاني وان شاء الله اكون صابره والحين ازعل اطفش واحتاج زميلاتي افضفض لهم بس للاسف مافي عندي ولله الحمد صديقات صديقتي اللي احبها وتحبني توها عروووس لها ثلاث شهور ومشغوله بنفسها وصديقتي الثانيه عرفتها على جارتنا وصارو هم صديقات وتركوني الثنتين شوفو كيف بس والله حتى لا سلام ولا سؤال يروحون ويجون عند بعض ولا كانهم يعرفوني والله جارتي هذي لها تقريبا سنه سنتين منقطعه عني وزميلتي اللي عرفتها على جااارتي لحقت جارتي لا عاد في بينا تواصل غير يمكن عالواتس اب والبي بي حتى برودكاستات وبس بالله عليكم هذي حياه انا الحين جالسه اكون صداقات واسال الله تكون من جد صادقه لوجه الله واتمنى القى صديقه من جد صااادقه تعوضني اللي شفته بحيييياتي وفي النهايه كل اللي ابغاه وحده عاقله تعطيني حل لمشكلتي مع ام زوجي وكيف اتصرف معاها وثانيا ودي في صديقه صااادقه تحبني في الله ولله تعينني على الخير ونتساعد على حفظ القران لاني انا ولله الحمد بديت في الحفظ من بداية الترم الاول وكانت معايا زميلتي اللي تعرفت على جارتي بس للاسف ولا كانها تعرفني وبسسسسسسس وسااااااااااااااااااااااااااااااااااااااامحوني ولله داريه طولت عليكم >>الا كتبتي قصة حياتك
ااستودعكم الله الذي لاتضيع ودائعه
شذى السعاده @shth_alsaaadh
عضوة جديدة
يلزم عليك تسجيل الدخول أولًا لكتابة تعليق.
شذى السعاده
•
جزاك الله خيير على رفعك موضوعي
الصفحة الأخيرة