كيف كنت ....؟ وكيف صرت ؟

شعري :
قبل ( مجعد - لونه اسود باهت وصبغة من تحت رايحةة - وبعد الترويش يصير كوشة )
بعد ( لون شعري اسود كاااتم - ناعم بس ماهو الي ممدد لا الي كيرلي ع خفيف واذكر موقف اختي تقول لي
ي فلانة والله فلانة تتكلم عن شعرك قدام البنات وتمدحهه حافظي ع اذكارك )
بشرتي :
قبل ( والله انواع الدمار الهالات والروؤس السوداء - مافي توحيد لون - جفاف - حبوب كل شي تتوقعونه)
بعد ( صاافية - لون واحد - اذا حطيت مكياج يززبط ع طول واطلع اهبل والله - فتحت تفتيح وووواضضح صارت بشرتي صدق تفتح النفس)
جسمي :
قبل ( اخخخ وش اقول ووش اخلي سمينة وزني وصلي لـ قرابة 79 مافي شي متناسق مطبات وصفطات - كرشة - جسمي جاف وملون )
بعد ( متناسق بشهادة الكل - بطني بظهري - توحد لون جسمي بنسة 80% ) < بليييز قولوا ماشاء الله
اسلوبي - ذوقي
قبل ( انسانة فوضوية حتى بالكلام وبس اهرج - صوتي عااالي - ما اعرف شي اسمه ذوق في كل الاشياء
وكان فيني حركات اولاد واحلف واهايط كني ولد ويوم اجلس جلسة اولاد مافي نعومة ولا شي واللبس
اخخ ي البس شي ثاني مشكللل
بعد ( والله صرت اذا تكلمت ان الكل يسكت ويسمع لي وكانهم معجبين بطريقة كلامي - طريقة اكلي صارت هادية
والله اني اشوف البزارين ( البنات الصغار يقلدوني في الجلسة وحركات ايديني .... هههههههه اسمع البنات
يوم يمدحون بلبسي واحيانا يقولوها قدامي مرة شياكة اكلي صار بشويش وبتعرفون السبب بعدين
يعني جد شي يفتح النفسس

نبدأ بالخلطات
الشعر :
قصيت نهاية شعري يعني نهاية الصبغة وصار شكله طبقات يعني قصيت المصبوغ
جبت علبة مويا ابو لترين وحطيت فيها زيت زيتون وزيت سمسم وزيت املا وثوم وحبة سودا
وخليته يتنقع حوالي الاسبوعين
بعدها بديت استخدمه مرتين في الاسبوع لمدة شهر وبعجها مرة في الاسبوع
من دون اصفي الثوم يعني بس اخذ من الزيت واحطه بشعري من ساعة لساعتين
كنت استخدم بعد م اغسل شعري فاشكول بالثوم بس سبب لي تساقط وتركته
النتائج من 4 مرة تقريبا :


نعومة واضحة الفراغات بدات تطلع فيها شعر وتحسين شعرك بدأ يثقل
وطول في الشعر مايظهر الا بعد شهرين تقريبا
البشرة ( الوجهه والرقبة ):


الخلطة الاولى : مدتها اسبوع بس


رحت عند طبيبة شعبية وشكيت لها الاثار القديمة والجفاف
قالت لي استخددم الهليلج من عند العطار
احمصها ع النار بعدين ادقها وبعدين اطحنها
احط ملعقتين زيت سمسم وملعقتين هليلج مطحون
يوميا قبل انام واذا صحيت اغسلها لمدة اسبوع
سويتهاا
النتائج :


والله اتعب وانا اقولكم تجنن وفادتني وتهبل وقعدت ادعي لها
بس عيبها انها متعبة لانها توصخ بس كويس انها اسبوع وبس
اول شي بعدت لي الاثار القديمة وشالت الجلد الميت ووحدت لي لون البشرة
الخلطة الثانية : طول حياتك سويها لانها جد تهبل ومامنها ضرر


اخذتها هنا من المنتدى
ملعقتين حليب جاف + ملعقتين سدر مطحون + مويا للعجن > قناع
بكيفك تبينها كل اسبوعين او كل اسبوع
انا خليتها كل اسبوع عشان كان عندي اصرار ع التغير
النتائج :
صفاء دايم - بشرة مفتحة - بشرة مشدودة
والله نتايجها تهبلل اتعب وانا اوصف بس اكتبوها في عمنا قوقل
خلطة السدر والحليب للوجه وشوفو النتائج
ع فكرة بعد م اغسل وجهي من الخلطات امرر مكعب ثلج مويا ورد
واذا مالقيت مويا ورد عادي مويا صحة عشان اقفل المسامات وتكون بشرتي مشدودة
انا سويت الخلطة الاولى عشان اشيل الاثار القديمة والجلد الميت
مو اقعد اهتم بجلد ميت
والخلطة الثانية استمر عليها لحياتي كلها ان شاء الله
غير كذا كريم الاساس حقي ( سودو كريم )
ايه ايه حق التهاب الحفاظات
هذا والله م اوفيه حقه ع فكرة انا احطه كل نهاية اسبوع ع وجهي ورقبتي وانام
عشان اصحى وهي تلق
هالكريم لازم يكون في كل بيت فوائده لا تحصى
الجسم :
طبعا هذا اكثر شي تعبني بس
استفدت وبديت في التغير الحازم لان كنت اتابع برامج التغذية واقرا
عن اكلننا الي مليان سموم وبديت في اكل صحي
ماكنت احب اكل الاكل الصحي بس من بعد ماقريت وتقرفت من اكل المطاعم والسموم والامراض
نفسيا ماعاد صرت اطيق الغازيات والشبسات و و وصرت جد احب السلطة والخضار والفواكه
وااكل ببطئ لان الاكل ببطئ يخليك تشبعين بشكل اسرع
وكن اقول لنفسي انو اذا ماغيرت الداخل ككيف باغير الخارج
يعني ليش ازين بشكل وهو خربان من جو ( تذكرت المثل الي من برا الله الله ومن جو يعلم الله ) ههههههههههه
المهم
باعطيكم اسم كتاب حملوه من النت( التغذية والغذاء في الصحة والعلاج )
واقرؤه لان جد مفيدة
ماراح تستوعبون كلامي انه مفيدة الا لما تقرؤه
بعد مابديت اصلح في الداخل بديت اصلح في الخارج
الرياضة كل يوم عصر امشي ع السير وفي يوم من ايام الاسبوع اسوي
تمارين الستريتشينغ ( واحيانا يغلبني الكسل واسحبها عليها )
وبما ان اكلي صار صحي وم اسمن منه لان اغلبه ألياف فصرت انحف بشكل اسرع
صيام رمضان كمان كان له تاثير في اخر ايام برنامجي واخر ايام لشد الجسم
اما عن توحيد جسمي اول شي استخدمت خلطة الرومي ( اقرأوا التعليمات الي عليها )
الي مدتها سبع ايام و و ...
انا استخدمتها لغرضين كنت احس اني تعبانة نفسيا والغرض الثاني تفتيح الجسم .
وماتسوي خلطات جسم خلال فترة خلطة الرومي
في الايام العادية اجيب بيالة زيت زيتون وبيالة سكر وعصير ليمونه واسنفر جسمي >
هالخلطة جبتها من هالمنتدى بس والله ناسية اسم الي قالتها
عشان مافيني اتدهن بعد م اتروش .. جسمي يصير رطب حيلل للترويشة الي بعدها
اسلوبي :
طبعا تعبت والله تعبت جدد عشان اغير اسلوبي
اول مابديت بدأت بالسنة النبوية لانها هي اساس الذوق والاتكيت
بطلت هذرة زايدة صرت اسمع اكثر من اني اتكلم عشان كذا كلامي صار ينسمع والكل ينتبهلي لا تكلمت
الابتسامة - الهدوء - م اتكلم ابدا في موضوع مايخصني باختصار اقرأوء في فن تعامل النبي مع اصحابه
اشياء كثيرة
ذوقي :
هذا شي مو اختياري عشان اقدر ابدله بس زوجة اخوي ذويقة ماشاء الله عليها
فاخذها معي للسوق واخليها تنسق لي - ترا ماهو عيب اذا خليتي احد يساعدك باختيار اللبس
من ناحية الالوان والتسريحة والشكل عمنا قوقل يعني مثلا ادخل ع التسريحات الي تناسب وجهي
مثل وجهي بيضاوي اشوف التسريحات الي تناسب له فاهمين كيف يعني كل وحدة وشكل وجهها
# اسسفه جدا اني طولت عليكم .
# الي مو فاهمه شي تسأل عشان ماتبدع في نفسها .
# التغيير يبغى له تغير داخلي وعزيمة واصرار .
#انا اسفه ع اي غلط بس جد تعبت وانا اكتب الموضووع
# في أشياء كثير نسيت اتكلم عنها بس اذا تبون تسألون أو شاكين بشي قولوا لاني كتبت الموضووعع وانا خلاص بانام ع الاب
والسلام عليكم ورحمة الله وبركاته

مرحبا اختي ........ الله يديم عليكي الفرحه ....وشكرا على الموضوع الرائع.... جد استفدت منكي كثييييييييييييير

ماشاءالله تبارك الله ،، ربي يديم عليك النتيجه هاذي و يعطيك العافيه على البرنامج الاكثر من رائع و اكثر من السهل توقعتك بتقولين استخدمت كريمات و خلطات كيمائيه و تقشير و خرابيط ماكنت بكمل قراءة الموضوع بس بجد حمستيني بإذن الله بعد الحج ابدأ اسوي هالكورس و يارب الاقي نتيجه مرضيه بس اللي قلتي عنه الهيليج هذا وش شكله اول مره اسمع عنه و مشكووووه مره ثانيه على الكورس السهل وربي يرزقك الزوج الصالح اللي يسعدك

ماشاء الله عليككك تتهني بالنتيجهحبيبتي يسألك وشهو الهليلج لإزالة الاثار؟وهل يزيل آثار الجروح القديمه؟ وسؤال الثاني خلطة الحليب والسدر كم فتحتك درجه؟وومشكوره ياقلبي مقدما