كيف كنت وكيف صرت؟؟ ... اتعلموا من اخطائي .. مجرد فضفضة

لا احتاج الى استشارةلاني اعرف الداء والدواء

ولكن ... لأخذ دروس من اخطائي

الحمد لله انا حلوة ومو ناقصني شيء .. وكثير

يمدحوني .. لكن هذا كله ما شفع لي

انا الان على عتبة الثلاثين .... لكن عندما كنت

بنت العشرين .. كنت اتباهي بشكلي ... وكنت

شخصية مررررحة ... واتغنج امام الناس

من شان يمدحوني .. وشغلات كثيرة كنت

اسويها .. عشان ابهر النااااس ...

اتزوجت .. وكنت محط انظااااار اهل زوجي

وقرايبة ... منال حلوة .. منال جذابة ... نحفت

منال وصار جسمها وااااااو ... الصبغة عليها

تهبل .. وانا في ازدياد طبعا ...

مرت سنوات وسنوات ... وكنت اتباهى امام

زوجي بشكلي ... وانه الناس تمدحني ...

واتغنج .. يعني كان كل همي الشكل .. فقط

ما اخفي عليكم ... اني خجولة ومحترمة

وحالي بشاني .. واحب المرح والأجواء

النشطة ... لكن كان يهمني الشكل .. مثل اي

انثى تبحث عن الاعجاااااب .... صار زوجي ما

يمدحني لأنه عارف انا مو ناقصة مدح وبشوف

نفسي عليه ؟؟؟؟

وايضا كانوا قرايب اهل زوجي ... يقولوا ربي

سخرك لزوجك لأنه طييب بوحدة مثلك .. جمال

واخلاق ... ودمها حار وخفيفة ظل ...

ترى انا مو حفيفة دم ... وهزلية .. ومضحكة

؟؟؟ لا لا بس كنت مرحة واحب الفرفشة ...

مرت سنوات وانا على هذا الحاااااال ... حتى

دخلت ابواب الثلاثين ... وهو العمر الحرج

بالنسبة لأي انثى ... وبما انه عندي بنت

وولدين ... صار ولدي البالغ 13 سنة في

طولي او حتى اطول ...

بدأت اشعر بالذبووووووول .... غصب عني

غصب عني ... احس نفسي كبيرة مع انه

شكلي ما اتغير ... لكن اللي اتغير فيني

نفسيتي .... وانا مؤمنة بالله انه النفسية هي

اللي تكبر الوحدة حتى لو كان شكلها

شباب ... اللي داخل القلب يظهر على

تصرفاتك واسلوبك ... مهما اخفيتي ومهما

مثلتي ... يظهر للناس شعورك تجاه نفسك ..

وهذا اسوأ شيء انك تكوني مرايا لقلبك ..

ويعرفوا الناس انتي بشنو تفكري ... ؟؟

سبب اخر خلاني اصاب بالذبووووول ...انه من

قرابة اهل زوجي . اولادهم كبروا واتزوجوا

وصاروا زوجاتهم بيحضروا مناسباتنا ... وطبعا

الزوجات بعمر العشريناااات ... وعلى الموضة

ايضا ... بس ما تشوفي غير شعووور

واجسااام ... ومكياج ... ولبس اشكال والوان ..

ما قدرت اقاوم ... او احافظ على جاذبيتي .. بل

فقدتها برمشة عين ... اصابني احباااط

وتحطيم ... خاصة لما اشوف اهل زوجي

وقرابتهم ... يمدحوا العرايس الجدد .... هذي

صبغتها وهذي فستانها وهذي جسمها ..

وهذي خفة دمها ...

احس انه طاااح كرتي .... وما صرت منولة

الحبوبة ... اللي الكل ينبهر فيها ويمدحها ...

والله العظيم يا بنات ... انه البس واتشيك

ببيتي ... واحلى الصبغات ... واجدد

مكياج ...كما كنت سابقا ... بس اروح لأهل

زوجي واشوفهم ... يصيبني قمه الاحباط

شعري حلو بس مو زي شعورهم

مكياجي حلو بس مو زي مكياجهم

بشرتي حلوة بس مو زي بشرتهم ..


انعدمت الثقة بنفسي تماما ... صرت بليدة

جامدة ... ما اتكلم كثير لأني حسيت اني غير

مرغوب فيني ... او يمكن اصابني ما يشبة

الصدمة .. منولة الحلوة صارت على الهامش ..

وطبعا بما انه الاحباط ظاهر على وجهي .. لا

بد انه الناااس تشوفة علي ... بس مو عارفين

وش السبب ؟؟ وبما انه وجهي ذبلان وكأني

مقرودة ... اكيد بيشوفوا نفسهم علي ..

ويظهروا مواهبهم من رقص ...وغنج ... وضحك

وكركرة ... يعني شخصيتي ما صارت تجذبهم

وهذا اسوأ شيء .. انك تحطي نفسك بمقارنة

مع غيرك ... بتطيحي من نظر عينك ...

حاولت يكون لي شخصية مستقلة .. واظهر

جمالي انا .. مو اقلد جمالهم ... وتنجح

محاولاتي بالبيت ... لكن بمجرد مقابلتهم اصير

تحت الصفر ... وارجع من جديد اعاني ...

والله انه من كثر ما صرت ثقيلة دم ... صاروا ما

ياخذوا برأي ... ولا يشاركوني الكلام .. عارفين

اني صرت باردة .. هامشة ... لاا معنى لي

والسبب ... انه انا لا اريد ان افقد جاذبيتي

واصارع الحياة حتى ابقى على رونقي

وجمالي ... لكن النفسية وما ادراك ما

النفسية ؟؟؟ ضيعت كل شيء من ايديني ...


صرت اعمل مكياج حلو ... وصبغة حلوة ..

وقصة شعر حلوة ... لكن ما صاروا يمدحوني

مثل اول ... عارفين ليه ؟؟؟

لأنه النفسية التعبانة تعكس على وجهي ..

بمعنى اخر ... انه الثقة بالنفس نص الجمااال

اذا لم يكن الجمال كله ... مهما عملتي

وسويتي بنفسك من شعر وقص وميك اب ..

لكنك فاقدة الثقة بنفسك ... لا تساوي شيئا

نعم لا تساوي شيئا ... صدقيني لا تساوي

شيئا

لانه انعدام الثقة بالنفس ... راح يظهر بمشيتك

محنية الظهر ... او سريعة ... او كأنك تمشي

بشواررع الحوامل ... لكن لو ثقتك بنفسك

قوية .. راح تحبي نفسك وبالتالي راح تتدلعي

بمشيتك .. وتلفتي نظر الناااس ..

طبعا انا اتكلم عن منال سابقا ومنال حاليا ...

كيف كانت مشيتها وكيف صارت ...

وايضا انعدام الثقة ... تظهر بأسلوبك ...

ونظرات عيونك ... تحسي انك ودك تتكلمي

بسرعة عشان توصلي المعلومة ... غير لما

تتكلمي بشويش ... وغصب عن الكل ينتظرك

لين تخلصي ... يا الله من جد قهر نفسي ارجع

مثل اول ...

والمشكلة والأدهى من ذلك ... انه قريبات

اهل زوجي ... صاروا يقولوا اني اتغيرت

وانطفيت ... وصار مالي حركة او نشاط ...

والله يا بنات اني اخفي عنهم شعوري

الداخلي واحاول اضحك معاهم .. واسوي جو .

لكن هيهات هيهات كل شيء يبان .. ويظهر

احاول اسوي ثقة بنفسي .. واتكلم ..

واشارك ... لكن برضوا اللي بالقلب على

الوجة ... يعني لا تمثيل ينفع ولا شيء ..

لازم الشي يكون نابع من قلبك ... عشان

تعرفي تتقنيه ...

انا من جوة معدومة الثقة .... ومهما مثلت

مستحيل يصدقوا ... لانه التقليد مو مثل

الاصلي


مررررة شفت وحدة جميلة جدا وغير الغنج

والدلع والرقص... وعجبتني

لدرجة كنت بخطبها لخالي ... تشبة ممثلة ...

وجلست معاها .. وروحها المعنوية مرتفعة

كأنها بنت 18 سنة ... ولما سالت عنها .. قالوا

متزوجة وعمرها 34 سنة واكبر اولادها 15

سنة .. قلت : هاااااا ؟؟؟

والله ماشاء الله ابد مو مبين عليها .. طفولية

مرة .. وبيني وبين نفسي قلت احسن خليني

اتعلم منها .. الروح المرتفعة ... المشكلة

انها ما تطالع بأحد ... ولا تعجب بأحد ... كأنها

ملكة الحفل ...

شفتوا كيف حسيت في شعورها ؟؟ لأنه اللي

بقلبها ظهر على تصرفاتها وعلى رزتها


صرت ادور على اي وحدة كبيرة بالثلاثين

بعمري .. وتكون نحيفة وجميلة وما زالت

مهتمة بنفسها ... عشان تعطيني دافع قوي

اصير مثلها . لأني انا مدمرة من جووووة


رحت غيرت مكياجي .. واخذت ماركات

احسن ... وغيرت ستايلي باللبس ... واخذت

الوان جريئة .. انا عندي ذوق جدا عالي لكن

النفس معدومة وهذا اثر فيني ...

ايضا ... غيرت بشخصيتي واسلوبي حتى

اكون اكثر جاذبية ...

لكن للأسف اتحسنت شيء بسيط ... فقط

وهذا كله التغير لم يحرك ساكنا ... عارفين

لماذا ؟؟

لانه التغير لم يكن من الداخل ... بل من

الشكل واالمظهر فقط


لذلك نصيحتي لكل وحدة اقبلت على العمر

الحرج ... ان لا تعدم الثقة بنفسها وتتحطم

لا تجعل اليأس يسيطر عليها ... لأنها لو فقدت

الثقة بنفسها يبيلها سنوات حتى ترجع ثقتها

بنفسها ....

ان لا تقارن نفسها .. ببنات العشرينات ... لأنه

لهم ستايلهم اللي يناسب معنوياتهم ...

قاررني نفسك بناس اكبر منك واقل منك

جاذبية ... حتى تنظري لنفسك نظرة

اعجاب ... وترتفع معنوياتك .. الصغار بالسن

يحبطونك ... وراح تسقطي من عين نفسك


موضوعي مجرد فضفضة وشوية نصايح ..

لأني ما ابيكم تطيحوا بنفس اغلاطي ..


وانا احاول استعيد ثقتي بنفسي ... واهمها

هو النحف ... لازم انزل كم كيلو عشان اشعر

اني اصغر سنا ... وادرب نفسي اني ما اقارن

نفسي باحد ... او اقل شيء بناس اكبر مني ..

طبعا ... انا عندي الداء والدواء ..وعارفة وين

الغلط لذلك قلت لكم ... ما ابي استشارة

فقط ابيكم تتعلموا من اخطائي

ودمتوا