شوفي اختي انا اقولك راي ممتاز
شوفي جارتك ما عنده اولاد كبار وتبي شغاله لمحي لها ان ما عندك ما نع تاجرينه بعد ما تخلص شغلها يعني تخلينه تنظف عندها كل يوم ولمدة شهر وبنفس الراتب علشان بعد يطيح عنكم راتبها وانت الشغاله زودي راتبها مائه

منها تفتكين منها واذا جت يدوب تنام من التعب

او جيبي لها مكينه خياطه وخليها تخيط اي شي لو شرشف صلاة وبكذا تكسبين

او انك تخلينها اصلح ورق عنب او فطائر او سنبوسه او معمول او اي شي وبيعي وتكسبي يا اختي

اختي اقولك شي الشغالة اذا ما اشغلتيها اشغلك ولازم ما تخلينها فارغه ابد لانها تبي تفكر كثيرررررررررررررررررررررررر


واذا ما استطعتي اخيه ان تجدي من الاعمال السابقه ترى يا اختي العافيه زينه تنازلي عنها ورجعي لبيتك وضميه قبل ما يتشتت واذا تراكم الشغال عليك جيبي لك بالشهر مره او مرتين شغاله تنهض لك البيت نهض

وريحي بالك وهذولي هن خسارة ماااال وخساره راحه نفسيه للاسف

كوني حذره منها اخيه بدون ما تحس فيك وكمان بيني هيبك لها لا تديس مهابك انتبهي

قمرا

مسألة الاكل سوي مثل ما قال وحده من الاخوات غداها وعشاها معكم ولا ترى بتسمن من هذا الرز ما عا هيب قادره تشتغل وانتي خوفيها ان الرز بيسمنك وبعين توجعك ركبك شغالة اهلي اللي راحة كانت سمينه دايم غاثتنا ركبي توجعني عطوني فكس

قموووره

الله يعينك عليها

انا ما اقدر انصحك لاني ما جربتها والبنات ما شاء الله ما قصروا

شكلها مليون بالميه سيلانيه انا متوقعه لانها تصرفاتهم واذا هي سيلانيه ترا ماهي مطوله شهر شهرين وبتقول بسافر لانهم سبحان الله ما يقدرون يفارقون اهلهم ولا وش ذا الاتتصالات

هلا قمرا .. شخبااارك انا دخلت الديوانية وشفت موضوعك قلت لازم ارد عليك ..

الاتصالات ..
خليها عليها عشان تحس بقيمة الريال اللي بتصرفه على البطاقات .. بدون ما تقعد ترخي على الفاضي كل يوم والثاني .. انا اعطيها هالبطاقات كهديه لها لما احسها صايرة حلوة وشطوورة اقولها لك بطاقة هدية تكلمين فيها اهلك واول شهر جت كلمت اهلها على حسابنا بس بعدين بطاقات هي تشتريها .. ويوم حست بقية الفلوس اللي تصرفها ما عاد تشتري .. واهلها اذا يبونها بشئ ضروري يتصلون عليها دقيقة وحده يكلمونها بعدين ترجع تتصل عليهم ..

الاكل ..
تأكل ثلاث وجبات في اليوم فطور وغذاء وعشاء .. والعصرية احيانا اعطيها بنفسي مو هي تروح تأخذ .. فواكه شيبس حلويات .. يعني اهم شئ الوجبات الرئيسية حتى هي تقول انهم مو متعودين الا على وجبتين .. الصبح والليل ..
لا تعودينها على الاكل في الطالعه والنازلة تحس لك مأجلة البيت كلها في يوم واحد ههههههه ذكرتيني بخدامه خالتي وخالتي مسكينة ما عندها عيال بس هي وزوجها وخدامتهم طووال السنتين يصرفووون عليها مثل البزر هههههه يعني تأكل الزبادي المكرووونات تسلقها وتحط عليها صلصة وتأكلها الحليب العصير الفواكه سوت لهم ازمة غذائية .. لما سافرت اتصلت تبي ترجع خالتي رفضت لو تشتغل ببلاش ما خلتها كككككك

انا شغالتي مأخذه لها اندومي للعشاء تموووت عليه >>اندونيسية ..اذا العشاء طالبينه من مطعم وما طلبنا لها تسوي لها اندومي .. و اكثر الاحيان عشاها مثل عشانا .. والغذاء رز وادام مثلنا.. والفطور سندويش وشاي ..

الطلعات ..
الاول يوم كنت بشقة ما عندها شئ والسالفه اللي قلت لكم عليها مع جارنا اخاف اخليها بروحها في البيت صرت وين ما اروح اخذها وياي حتى مشاوير البنيان وبعد في نفس الوقت ما عندها شغل تسويه .. ومنها تلتفتت للعيال .. وتشيلهم عني .. بس اللحين يوم انتقلنا للبيت الجديد الشغل زاد عليها واذا بغينا نطلع نتأخر في الرجعه ونسهر وترجع متأخره وتنام متأخره وهي لها نظام محدد شافت انها تتعب في الطلعات والروحات فتقعد في البيت بعد ما تخلص شغلها تنام تريح نفسها وتتسبح احسن من التسوق والطلعات .. بس يوم الجمعه شئ اساسي تجي وياي بيت اهلي تغير جو .. يعني عشان ما تحس بكتمه وانها محبوسه على الاقل مرة بالاسبوع طلعيها تغير جو ..

النوم ..
خدامتك شكلها ملقوفه وفضووولية مثل اللي عندي .. ههههههه قولي لها اول ما تخلص شغلها تروح تسبح وتغير ملابسها وتناااااام ولا تنزل الا الصبح .. انا شغالتي لها وقت محدد في النوم تقعد الصبح مبكر و تنام مبكر احسن لها صدقيني بعدين بتتعبين معها عشان تقعد مبكر لا تعودينها على نوم الصبح .. بعدين كل ما قعدت مبكر كل ما خلصت شغلها بسرعه ونامت بسرعه وتسهرون على راحتكم .. انا شغالتي تعودت على النوم متأخر وتقعد متأخر اللحين انا صايرة لها كأني منبه وساعه اقعدها من النوم لالالالالالالازم كل يوم .. الصبح .. حتى تخرب علي النوم ما اقدر انام والسبب اني عودتها تنام لوقت متأخر ايام الشقة ما عندها شغل زين بس اللحين مع شغل البيت لازم تقعد من وقت عشان تكمل شغلها كلها والا تجي الليل وهي ما خلصت ..

والله يعطيك خيرها ويكفيك شرها ..