كيف مرتبين وقتكم بعد العودة للمدارس

ما عندي عيال بس حبيت أسلم عليكي

هلا اختي راح اقولك على نظامي عندي ولد وبنت سنة اولى ابتدائي وكمان وحدة بنت صغيرة ودوبني خلصت الاربعين على ولد صغير الحاصل
اصحا الساعة خمسة وربع اصلي الفجر وادعي للعيال ان الله يوفقهم وبعدين اروح اصحيهم واحيانا بالقوة اقومهم ويروحون الحمام في هذه اللحظات اروح المطبخ اجهز للولد كاسة حليب نيدو والبنت كاسة كاكاوبالحليب واجيبها احطها قدامهم واامرهم بالصلاة واذكرهم بان الصلاة توفقهم في الدراسة ثم اساعدهم في لبسهم وتمشيط شعر البنت والبكلة الى اخرة واقرا المعوذات وامسح عليهم واخليهم يبوسو يدي واودعهم وادعيلهم ان الله يوفقهم غير الوصايا بااستماع الدرس جيدا وسماع كلام المعلمين
هذا كله تكون الساعة جات 6 ونص ارجع انام واصحا الساعة 12 تقريبا زمان كنت اصحا قبل كذا لكن المشكلة البيبي الجديد وتعبه
الحاصل اصحا واسوي لنفسي حليب وسندويتشة ااكلها مع بنتي الصغيرة واروح للمطبخ اسوي الغدا والشغالة مقطعة كل شي وانا اضبط الباقي
زوجي يجي الساعة 2ونص نتغدا على طول وبعدها اذاكر للعيال واشوف واجباتهم واضبط دفاترهم واذا ما عندهم شي احاول انام شوية
على الساعة 5العصر احاول اقرئهم صورة يس واراجع معهم جزء عم عشان حياتنا تتبارك شوي وعلى 6 زوجي يروح شغله(عنده محل) وانا اسوي للعيال حليب وناكل حلويات ونتفرج على التلفزيون وعلى 8 اعشيهم وبعدهااامرهم الى الذهاب للنوم وعلى 9 قدهم نامو بعدها اشوف انا نفسي اروح البس واتعطر:27: واستنىابوهم واقعد على الكمبيوتر او التلفزيون
يوم الربوع نتمشى
يوم الخميس عند اهلي
يوم الجمعة في البيت نستعد للمدرسة:06:

اما انا يبدأ يومي من الساعه خمسه فجرا أصلي الفجر واصحي بناتي للصلاة وبعد ما يصلون الفجر يفطرون وأفطر اولادي الصغار معاهم ويلبسون ملابسهم واصلح لهم شعورهم وبعدين يروحون مدارسهم ثنتين في الابتدائي ووحدة في اولى متوسط وبعد ما يروحون المدرسه ابدأ في شغل البيت من ترتيب وكنس وغسل مواعين وغسل المغاسل والحمامات أكرمكم الله تكون الساعه جات ثمانيه اكون خلصت شغل البيت بعدها اناااام حتى الساعه 11ونصف أصحى اسوي الغداء والبس واتصلح واستقبل ابو البطل والبنات 0000نتغدى الساعه 1 او1 ونص وننام000 وأذان العصرنقوم نصلي العصر ونروح انا وبناتي لدار التحفيظ ونجي من دار التحفيظ تقريبا على أذان المغرب نصلي المغرب واراجع شوي مع البنات دروسهم واكمل شغلي في المطبخ ونتعشى تقريبا الساعه 10 وينامون البنات على الساعه 11 وانا اجلس مع ابو البطل حتى تقريبا الساعه 1 وبعدين ننام ويبدا يوم جديد

اللهم بارك لنا في الساعات والأوقات
ما عندنا مدارس:26:

ماشاء الله عليكم انا بنتي الكبيرة عمرها 7 سنوات ودي اخليها تصلي لكن الى الان ماتعرف التشهد فما ادري اقومها الفجر وباقي الصلوات اخليها تصليهم كاملة؟ وانا في امريكا يعني الظهر بتكون في المدرسة وماشاء الله عليكم كيف تخلونهم يحفظون القرآن انا اتعب على ما يحفظون سورة قصيرة جداً ؟
ساعدوني الله يجزاكم خير