كيف حالكم ان شاء الله بخير وصحه وسلامه
زي ما شفتو في عنوان الموضوع كل وحده تدخل تقولنها كيف مقسمه وقتها لعبادت الرحمن في شهر الطاعه حتى نستفيد ونحمس بعضنا خاصتا ان العشر الاواخر من الشهر قرب.
اول وحده انا احكيلكم ..بنسبه للتسابيح..الحمد الله كتبت في ورقه ان لازم كل يوم اسبح.
100 مره لاحول ولا قوة إلا بالله العلي العظيم.
100 مره التصلية ع الرسول عليه افضل الصلاوات.
100 مره سبحان الله والحمد الله والله اكبر من غير يلي اسبحها مع اذكار الصباح والمساء.
100 مره لاإله إلا انت سبحانك اني كنت من الظالمين.
100 مره ربي اني لما انزلت إليا من خير فقير.
واكيد الاستغفار يلي على ألساني في كل وقت وخاصتا الساعه يلي قبل الفجر لانها من افضل الاوقات للإستغفار.
وقت التسبيح بعد صلاة الضحى وقبل المغرب وبعد العشاء وقبل الفجر
هذا بالنسبه للتسابيح والحمد الله
..الان نجي للصلاة..
أكيد الفرائض الخمس والنوافل وصلاة الضحى
والتراويح وقيام الليل ساعه كامله للصلاة وقبل الفجر اصلي ركعتين الحاجه.
ما شاء الله تبارك الرحمن والحمدالله
..اما قرأت القرآن..
قسمت عأساس ان كل عشر ايام اختمه مره اقولكم كيف؟
1_اقرأ التراويح بجزء(الجزء فيه 10 صفحات كل ركعه اقرأ صفحه بحيت التسليمتين صفحتين واصلي التراويح 10 ركعات ب5تسليمات) خفيفه وسهله خا صتا ان وقتها بعد حوست العشاء وجي الضيوف.
2_جزء افتتح بيه قيام الليل قراءه بس.
3_الجزء التالت اصلي بيه مثل التراويح .
..اما الصدقه..
حطيت حسب مادياتي كل يوم مبلغ وكل نهاية اسبوع اشتري بيه اي شي واصدقه وغالبا اشتري بيه حليب لان كل عائله اكيد محتاجتله .
وشي تاني بعد حاولت اني امسك لساني عن اي شيء يغضب الله مثل النميمه اكيد عاد نحنه مايغلبنه احد عليها جنس النساء.
وهذا تخطيطي للشهر العباده بسيط وشامل ويارب يتبتنه على دينه ويغفرلنا كل ذنوبنا يلي تحول دون استجابة دعانه ويفتح علينا ابواب الرزق ويفرج علينا ويسر امورنا للخير .
آآآمــــــــــــــــــــــــــيـــــــــــــــــــــــــن ياربي لي وجميع اهلي واحبابي و لكل من في هالمنتدى الحوائي
يلا انتظر مخططاتكم نبي تشجيع وحماس
بس حرام 20 دخلو ماردو ياريت كل من يدخل يكتب حتى نتعاون ونشجع بعضنا ونحتسب الاجر,ولو بكلمت خير.