بنات واللي يعافيكم كل وحده تقول لنا كيف بيتها مقسم
يعني كم غرفه وكم صاله وكم ركن في البيت استفادت منه وخلته من جزء عديم الأهميه الى قسم هام أوترفيهي
أنا مثلاً غرفة نومي تحتوي دورة المياه والغرفه اللي قبالي هي غرفة أولادي وبين الغرفتين دورة مياه للضيوف أو للأولاد ومغسله
وبعدين صاله بالمره كبيره يفتح عليها المطبخ بس بباب وقسمت هالصاله قسمين متقابلين القسم الكبير خليته مجلس نساء حطيت فيه بلازما 46 بوصه وكنب وستاره والجزء المقابل خليته طاولة طعام بست كراسي
بعدين فيه صاله كمان صغيره شوي يمكن ثلاثه في اثنين ونصف خليته مكتب لي وحاطه فيه الكمبيوتر والدي اس ال وفي زاويته شجره كبيره وكرسي بطاوله عليها التليفون ومسجل كبير وبعدين هالصاله تفتح على غرفة المعيشه اللي فرشتها موكيت وجلسه عربيه وتلفزيون
وبعدين قسم الرجل وهو دورة مياه ومغسلتين ومجلس كبير بكنبات
يالله كل وحده تقول لنا كيف متقسم بيتها ووين تنام شغالتها لأن عندي مخزن اثنين ونصف متر في متر بس يكفي سريرها وسجادتها ومكيف صغير متحرك وحاطه فيه ارفف للتخزين ملابس البرد وبعض الأدوات الكهربائيه ودولاب صغير يعتبر كوايه وفي التصفيط يصير دولاب عادي وحطيت على الباب معلاق ملابسها
هل تنظيمي لبيتي حلو يابنات
ياليت كل وحده تدخل تقول لنا كيف طريقتها هي بعد في تنظيم الغرف وكيف استفادت من الأجزاء والزوايا الصغيره بالبيت
وشكراً مقدماً
يلزم عليك تسجيل الدخول أولًا لكتابة تعليق.
قبعيه
•
موضوع مهم
الصفحة الأخيرة