كيف ممكن أحب الطبخ؟ عطوني حلول

مع الووقت راح تتعلمي وتحبي الطبخ

وعليكم السلام
ماراح تحبي الطبخ إلا مع الممارسة وكثرة التجارب
مبدأيا اختاري طبخة يحبها كل أهل البيت
واقرأي في النت وصفاتها كل طبخة لها وصفات كثيرة وتنعمل باكثر من طريقة لما تقرأي الطرق المتعدده للوصفات وتشوفي الفرق بينها وكيف يحذفوا مقادير ويضيفوا مقادير بيصير عندك خبره وتفهمي تكنيك الطبخة هذي كيف حتى لو ماعندك كل المقادير بس راح تتقنيها
وشوفي صور التطبيقات وكيف يزينوا الطبق ويقدموه
من جد الصور تنمي الابداع عندك في البدايه تقلدينهم وبعدين انتي راح تبتكري وتبدعي من عندك
لما تقدمي الطبق بطريقة حلوة راح تزيد ثقتك بنفسك في مجال الطبخ
بس اكتبي الاكله اللي تبينها في محرك الصور قوقل بتشوفين مئات الصور
ولو تكتبينها بالانقلش بتلقين اكثر واكثر وصور احلى واحلى
أنا أكلمك من خبرة كنت ما اعرف اطبخ وانجبرت ومع الممارسة صرت فنانه لدرجة ممكن ابتكر طبخات من راسي
وحصلت لي ظروف وقعدت فتره ما اطبخ واحس اني رجعت مثل اول ناسيه كل شيء
ولمارجعت اطبخ كل يوم وابتعد عن الطرق اللي متعوده عليها في الطبخ احس هذي المهارة تحسنت عندي
ثاني شيء مواعين الطبخ احرصي انها تكون نوعية جيدة وممتازه صدقيني بيصير الطبخ معك سهل ونتيجة ممتازه لا اكل يخرب ولا يلصق
وبالذات السكاكين كل ماكانت قوية وحادة سهلت عليك ووفرت وقتك
ترى النقطة هذي مهمة لا تستهينين فيها من تجربة
ثالث شيء مقادير الطبخة كل ماكانت نوعية كويسة كل ماظبطت الطبخة
مثلا البهارات ما اقولك خلطات سريه لازم
بس لازم تكون جديدة ونظيفة تفرق في الطعم
مثلا لو الفلفل والكمون بس لها اكثر من شهر مطحونة بتقل نكهتها فمابالك لو طولت اكثر
عموما كل البهارات مع الوقت تقل نكهتهاسواء مطحونه ولا صحيحة
هذا الكلام ينطبق على الخضار واللحم وكل مكونات الطبخة
وهذا اللي يخلي طبخ امهاتنا لذيذ هو المكونات الجيدة مع انهم مايتفننون في الطبخ
وسمي واذكري الله كثيرا وانت تطبخين بتلقين الطبخ يسهل معاك حتى الطعم سبحان الله غير
كل هالأشياء بتخلي طبخك يتحسن وإذا تحسن بتثقين في قدراتك وتحبين الطبخ
والله يوفقك

عكسك
في قروبات مختصه لتعليم الطبخ سالي يمكن يدخلونك في قروب
او دخلي اليوتيوب فيه جميع انواع الطبخات وبشكل مبسط

روحي عند امك
او خوذي دورات طبخ
اشتري اثاث واطباق وصحون ومواعين ملونه واشكال فيها
اختاري اكلات تاخذ وقت قليل
واختاري بهارات كويسه

كيف احصل ارقام هالقروبات
لاني نفسها مااحب الطبخ واجبرت نفسي اطبخ بس ودي اتعلم اكلات جديده