غلا وليد
•
سوي مثل ماقالوا البنات حلا وفطاير وجيبي من برى أريح أو براحتك وبعد العشا جهزي في غرفة حفلة صغيرة للناجحين وفاجئيهم جيبي هدايا للصغار من أبو ريالين وتورته وعصير الهدايا ممكن تجيبي كيس عادي الشفاف وتحطي فيه بطاطس وحلاوة مصاص وشوكلاته وعلك وتربطيه بشريطه أو كوب القهوة الورق وتحطي فيه كم نوع حلاوة للصغار وتجيبي تغليفة الهدايا الشفافة وتلفينها على فوق وتربطينها بشريطه أو قفازات شفافة وتملينها حلاوة للأطفال ومري أبو ريالين جيبي حركات الهدايا اللي تنحط على الراس عرفتيها وبعد فيه اللي زي الأنبوب وتنفجر ويطلع منها ورق ملون إذا دخلوا الصغار فكيها وبسسوي مثل ماقالوا البنات حلا وفطاير وجيبي من برى أريح أو براحتك وبعد العشا جهزي في غرفة حفلة صغيرة...
مشكوره يالغلا على افكارك الحلوه
الصفحة الأخيرة
شوفي ياعيوني رتبي افكارك من الحين عشان تطلع عزيمتك جميله ولان شغل العزايم يتعب لكن مع هالطريقه ان شاءالله مافي تعب والله يكتب الاجر
بالبدايه قبل العزيمه بيوم امسكي لك غرفه من الغرف ورتبيها ونظفيها من قلب
وانثري فيها البلونات وبعضها لزقيها بالجدار مع بعض الزينات<<تلاقي بابو ريالين كثير زين وحركات للتزيين
وجيبي طاولتين :
وحده افرشيها بالتل ومنثور عليها ورد مجفف وصفي عليها هدايا للصغار مع سله للفشارات والحلويات تفرحينهم فيها
ووحده تكون بالنص زينيها ورتبيها وحطي عليها كاسات وشوكات وصحون بلاستك عشان توزعي فيها التورته<<بس غلفيها بكيس لليوم الثاني
بخري الغرفه وقفليها لليوم الثاني اللي اهو يوم العزيمه
يصير يوم العزيمه بعد مايتعشون معازيمك تفتحي الغرفه وتضعي التورته على الطاوله مع العصير <<هذا الترتيب ليش ؟
عشان بعد العشاء تضيفينهم بهالغرفه وتقدمي للاطفال الهدايا وللكبار التورته والعصير
خلصنا من حكاية التورته والعصير والهدايا
..................
نجي للقهوه والشاي
قدمي القهوه مع كم صنف من الحلى وبعدها الشاي ومعاه شوية معجنات وورق عنب <<لأاتكثري عشان بالعشاء ياكلون
.............
وبعدها يجي العشاء
ركزي معاي عشان تتسهل عليك ان شاءالله
كمان من اليوم اللي قبل جهزي طاوووله كبيره بالصاله اذا صالتك كبيره او باحد الغرف
وافرشيها وزينيها بالورد المجفف ومع الاطراف بالدانتيل اذا حبيتي او اي زينه تفضليها
ورتبي عليها الاطباق حقت التقديم والكاسات والشوك والملاعق الكبيره والصغيره كلها غسليها كويس وجففيها وحطيها ع الطاوله طبعا غطيها بكيس او سفره ووقت العزيمه بس عليك تشيلي الكيس عنها
وترتبي الاكل على الطاوله
لو الاكل من بره افضل اختصار للوقت والجهد وطبعا سوي معاه نوعين سلطه ونوعين مقبلات و3 انواع حلى و 2 جيك عصير مع علبه كبيره بيبسي وعلبه سفن <<مثال
هذا البوفيه يالغاليه وانا اهلي مابين فتره وفتره عزايم ولناس كثار ماشاء الله تبارك الله
واتبع هالطريقه مره مرتاحه ومريحه
وعلى فكره انا اسوي بوفيه وقت العزايم عندنا والمعازيم ياكلون على الارض
يعني مو شرط اذا سويتي بوفيه لازم الاكل على طاوله كل ناس ومقدورها
ربي يكتب لي اجر هالمشاركه لكل من تستفيد وتعم الفائده عليكم بالخير
والله يعطيك العافيه ويقويك ويجمعكم دووم عل الخير والمحبه
واي استفسار ابشري بالرد . بس احيان ماراجع للردود ارسلي لي ع الخاص وانا اجي ارد هنا ان شاءالله
ادعيلي بالزوج الصالح عاجلا غير اجل